रॅपिड ॲन्टीजेन चाचण्याः 550 चाचण्यात शून्य पॉझिटीव्ह

अकोला,दि.१७(जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.१६) दिवसभरात झालेल्या ५५० चाचण्या झाल्या त्यात कुणाचाही  अहवाल पॉझिटीव्ह आला नाही, अशी माहिती जिल्हा रुग्णालयातून देण्यात आली.

            काल दिवसभरात  अकोला येथे पाच, अकोट येथे 31, बाळापूर येथे 15, पातूर येथे 13, तेल्हारा येथे 15, मूर्तिजापूर येथे 63, अकोला महानगरपालिका येथे 340, अकोला आयएमए येथे पाच, आरोग्य कर्मचाऱ्यांचे 28, वैद्यकीय महाविद्यालय येथे 35 चाचण्या झाल्या त्यात कोणाचाही अहवाल पॉझिटीव्ह आला नाही, असे 550 जणांच्या चाचण्या होऊन त्यात शून्य अहवाल पॉझिटीव्ह आले. आतापर्यंत जिल्ह्यात एक लक्ष 97 हजार 058  चाचण्या झाल्या पैकी 14461 जणांचे अहवाल पॉझिटीव्ह आले आहेत, अशी माहिती जिल्हा रुग्णालयातून देण्यात आली आहे.

०००००