५०६ अहवाल प्राप्त, पाच पॉझिटीव्ह, पाच डिस्चार्ज, एक मृत्यू
अकोला,दि.१३ (जिमाका)- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (आरटीपीसीआर) ५०६ अहवाल प्राप्त झाले. त्यातील ५०१ अहवाल निगेटीव्ह तर पाच अहवाल पॉझिटीव्ह आले. दरम्यान पाच जणांना डिस्चार्ज देण्यात आला, तर एका रुग्णाचा मृत्यू झाला,असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.१२) रॅपिड ॲटीजेन टेस्ट मध्ये तिघांचा अहवाल पॉझिटीव्ह आला. त्यामुळे आता एकूण
पॉझिटीव्ह अहवालांची एकूण संख्या 57697(43126+14394+177) झाली आहे, अशी माहिती शासकीय वैद्यकीय महाविद्यालय व
जिल्हा रुग्णालय सूत्रांनी दिली आहे.
आजचे एकूण पॉझिटीव्ह- आरटीपीसीआर पाच + रॅपिड
ॲन्टीजेन चाचणी तीन = एकूण पॉझिटीव्ह आठ.
शासकीय वैद्यकीय महाविद्यालयाकडून प्राप्त
माहितीनुसार, आजपर्यंत एकूण २९८५२४ नमुने तपासण्यात आले. त्यात प्राथमिक
तपासणीचे २९५००० फेरतपासणीचे ३९७ तर वैद्यकीय कर्मचाऱ्यांचे ३१२७ नमुने होते.
आजपर्यंत एकूण २९८४५१ अहवाल प्राप्त झाले आहेत. एकूण निगेटीव्ह अहवालांची संख्या २५५३२५
आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली
आहे.
पाच पॉझिटीव्ह
आज
दिवसभरात पाच जणांचे अहवाल
पॉझिटीव्ह आले. त्यात तीन महिला व दोन पुरुषाचा समावेश आहे.
त्यात तालुकानिहाय पुढील प्रमाणे-
मूर्तिजापूर-एक, बाळापूर-दोन, अकोला मनपा क्षेत्र-दोन, अशी माहिती शासकीय वैद्यकीय महाविद्यालयातून
देण्यात आली.
एकाचा मृत्यू
आज दिवसभरात एका रुग्णाचा मृत्यू झाला. हा
रुग्ण तापडिया नगर, अकोला येथील ३३ वर्षीय पुरुष
असून या रुग्णास दि.१२ जुलै रोजी दाखल केले होते, अशी माहिती शासकीय वैद्यकीय
महाविद्यालयातून देण्यात आली.
पाच जणांना डिस्चार्ज
दरम्यान आज दुपारनंतर वैद्यकीय
महाविद्यालयातील दोन, उपजिल्हा रुग्णालय येथील एक,
ओझोन येथील एक, सोनोने हॉस्पिटल येथील एक,
असे एकूण पाच जणांना डिस्चार्ज देण्यात आला, अशी माहिती जिल्हा
रुग्णालयातून देण्यात आली.
45 जणांवर उपचार
सुरु
जिल्ह्यात एकूण
पॉझिटीव्ह अहवालांची एकूण संख्या 57697(43126+14394+177)आहे. त्यात 1131 मृत
झाले आहेत. तर 56521 जणांना डिस्चार्ज देण्यात आला असून सद्यस्थितीत 45 जणांवर
उपचार सुरु आहेत, अशी माहिती जिल्हा
रुग्णालय व शासकीय वैद्यकीय महाविद्यालयातून देण्यात आली आहे.
०००००
टिप्पण्या
टिप्पणी पोस्ट करा