विनापरवाना कॅफेवर कायदेशीर कारवाई करणार
विनापरवाना कॅफेवर कायदेशीर कारवाई करणार
विधी सेवा प्राधिकरणाचा निर्णय
अकोला, दि. 3 : शहरात शिकवणी वर्ग व खासगी क्लासेसच्या परिसरात चालणा-या विनापरवाना कॅफेवर कायदेशीर कारवाई करण्याचा निर्णय जिल्हा विधी सेवा प्राधिकरण येथे झालेल्या बैठकीत नुकताच घेण्यात आला.
बालकांसाठी कार्य करणा-या विविध शासकीय संस्थांची बैठक प्राधिकरणाच्या कार्यालयात झाली. प्राधिकरणाचे सचिव योगेश पैठणकर, अतिरिक्त पोलीस अधिक्षक अभय डोंगरे, उपविभागीय पोलीस अधिकारी सुभाष दुधगावकर यांच्यासह जिल्हा महिला व बालविकास कार्यालय व महापालिकेच्या परवाना विभागाचे अधिकारी उपस्थित होते.
खासगी शिकवणी वर्गाच्या परिसरात कॅफे अनधिकृतपणे चालवले जातात. अशा कॅफेमधून शाळा व महाविद्यालयीन विद्यार्थ्यांच्या बाबतीत काही अनुचित प्रकार घडू नयेत, यासाठी अवैध कॅफेवर कारवाई करण्याचा निर्णय घेण्यात आला.
०००
टिप्पण्या
टिप्पणी पोस्ट करा