कोविडःआरटीपीसीआर व रॅपिडमध्ये शून्य पॉझिटिव्ह
अकोला दि.16(जिमाका)- आज दिवसभरात
शासकीय वैद्यकीय महाविद्यालयातील प्रयोगशाळेतून (सायंकाळी पाच वाजे पर्यंत) कोरोना संसर्ग तपासणीचे (आरटीपीसीआर)
96 अहवाल
प्राप्त झाले. त्यात कुणाचाही
अहवाल पॉझिटीव्ह आला नाही असे, जिल्हा रुग्णालय व
शासकीय वैद्यकीय महाविद्यालयामार्फत कळविण्यात आले आहे.
दरम्यान काल (दि.15) रॅपिड ॲटीजेन टेस्ट मध्ये कुणाचाही
अहवाल पॉझिटीव्ह आला नाही. त्यामुळे
आता एकूण पॉझिटीव्ह अहवालांची एकूण संख्या 65174(49167+15035+972) झाली आहे, अशी माहिती शासकीय
वैद्यकीय महाविद्यालय व जिल्हा रुग्णालय सूत्रांनी दिली आहे.
आजचे एकूण पॉझिटीव्ह-आरटीपीसीआर (शा.वै.म. शून्य व खाजगी शून्य) शून्य + रॅपिड ॲन्टीजेन
चाचणी ०= एकूण पॉझिटीव्ह ००.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 370114 नमुने तपासण्यात
आले. त्यात प्राथमिक तपासणीचे 365997 फेरतपासणीचे 410 तर वैद्यकीय
कर्मचाऱ्यांचे 3707 नमुने होते.
आजपर्यंत एकूण 370114 अहवाल
प्राप्त झाले आहेत. एकूण निगेटीव्ह अहवालांची संख्या 320947 आहे, अशी माहिती
शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
आरटीपीसीआर ‘शून्य’
आज दिवसभरात आरटीपीसीआर
चाचण्यात शासकीय वैद्यकीय महाविद्यालयाच्या अहवालात कुणाचाही अहवाल पॉझिटीव्ह आला
नाही,अशी माहिती जिल्हा रुग्णालय व शासकीय वैद्यकीय
महाविद्यालयाकडून प्राप्त झाली.
12 जणांवर
उपचार सुरु
जिल्ह्यात एकूण पॉझिटीव्ह अहवालांची एकूण संख्या 65174(49167+15035+972) आहे. त्यात 1165 मृत झाले आहेत. तर 63997 जणांना डिस्चार्ज
देण्यात आला असून सद्यस्थितीत 12 जणांवर
उपचार सुरु आहेत, अशी माहिती
जिल्हा रुग्णालय व शासकीय वैद्यकीय महाविद्यालयातून देण्यात आली आहे.
रॅपिड ॲन्टीजेन 104
चाचण्यांत शून्य पॉझिटीव्ह
जिल्ह्यात काल (दि.15 रोजी) रॅपिड ॲन्टीजेनच्या
104 चाचण्या राबविण्यात आल्या. त्यात एकाचाही अहवाल पॉझिटिव्ह आला
नाही,असे जिल्हा रुग्णालयातून कळविण्यात आले आहे. बाळापूर व मुर्तिजापूर
येथे प्रत्येकी एक, अकोला मनपा क्षेत्रात 88, हेगडेवार
लॅब येथे 14 अशा एकूण 104 जणांच्या चाचण्या
झाल्या त्यात कुणाचाही अहवाल पॉझिटीव्ह आला नाही,असे जिल्हा रुग्णालयातून
कळविण्यात आले आहे.
टिप्पण्या
टिप्पणी पोस्ट करा