कोविडःआरटीपीसीआर पाच व रॅपिडमध्ये शून्य पॉझिटिव्ह

 अकोला दि.१०(जिमाका)- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजे पर्यंत) कोरोना संसर्ग तपासणीचे (आरटीपीसीआर) ९५ अहवाल प्राप्त झाले. त्यात चार जणांचे अहवाल पॉझिटीव्ह आले, तर खाजगी लॅब मधील एकाचा अहवाल पॉझिटीव्ह आला असे एकूण पाच जणांचे अहवाल पॉझिटीव्ह आले असे, जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.

दरम्यान काल (दि.९) रॅपिड ॲटीजेन टेस्ट मध्ये कुणाचाही अहवाल पॉझिटीव्ह आला नाही.  त्यामुळे आता एकूण पॉझिटीव्ह अहवालांची एकूण संख्या ६५१६७(४९१६१+१५०३५+९७१) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आजचे एकूण पॉझिटीव्ह-आरटीपीसीआर (शा.वै.म. ४ व खाजगी १) ५ + रॅपिड ॲन्टीजेन चाचणी ०= एकूण पॉझिटीव्ह ०५.

शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण ३६९६०६ नमुने तपासण्यात आले. त्यात प्राथमिक तपासणीचे ३६५४८९ फेरतपासणीचे ४१० तर वैद्यकीय कर्मचाऱ्यांचे ३७०७ नमुने होते. आजपर्यंत एकूण ३६९६०६ अहवाल प्राप्त झाले आहेत. एकूण निगेटीव्ह अहवालांची संख्या ३२०४४५ आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आरटीपीसीआर पाच  पॉझिटीव्ह

आज  दिवसभरात  आरटीपीसीआर चाचण्यात शासकीय वैद्यकीय महाविद्यालयाच्या अहवालात चार जणांचा अहवाल पॉझिटीव्ह आला. हे चारही जण अकोला मनपा हद्दीतील रहिवासी आहेत.  याशिवायखाजगी लॅब मधून एकाचा अहवाल पॉझिटीव्ह आला आहे, असे एकूण पाच जणांचे  अहवाल पॉझिटीव्ह आले,अशी माहिती जिल्हा रुग्णालय व शासकीय वैद्यकीय महाविद्यालयाकडून प्राप्त झाली.

एकास डिस्चार्ज

आज दिवसभरात एका रुग्णास डिस्चार्ज देण्यात आला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

१९ जणांवर उपचार सुरु

जिल्ह्यात एकूण पॉझिटीव्ह अहवालांची एकूण संख्या ६५१६७(४९१६१+१५०३५+९७१) आहे. त्यात ११६५मृत झाले आहेत. तर ६३९८३ जणांना डिस्चार्ज देण्यात आला असून सद्यस्थितीत १९ जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.

रॅपिड ॲन्टीजेन ११६ चाचण्यांत शून्य पॉझिटीव्ह

जिल्ह्यात काल (दि.९ रोजी) रॅपिड ॲन्टीजेनच्या ११६ चाचण्या राबविण्यात आल्या. त्यात एकाचाही अहवाल पॉझिटिव्ह आला नाही,असे जिल्हा रुग्णालयातून कळविण्यात आले आहे. बाळापूर येथे एक,  मुर्तिजापूर येथे एक,  अकोला मनपा क्षेत्रात ९५, शासकीय वैद्यकीय महाविद्यालयात १४ अशा एकूण ११६ जणांच्या चाचण्या झाल्या त्यात कुणाचाही अहवाल पॉझिटीव्ह आला नाही,असे जिल्हा रुग्णालयातून कळविण्यात आले आहे.

०००००