कोविडःआरटीपीसीआर दोन व रॅपिडमध्ये शून्य पॉझिटिव्ह, तीन डिस्चार्ज

 

अकोला दि.13(जिमाका)- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (आरटीपीसीआर) 81 अहवाल प्राप्त झाले. त्यात एकाचा अहवाल अहवाल पॉझिटीव्ह आला. तसेच खाजगी लॅब मधून एक, असे एकूण दोन आरटीपीसीआर अहवाल पॉझिटीव्ह आला, तर तीन जणांना डिस्चार्ज देण्यात आले, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.

दरम्यान काल (दि.12) रॅपिड ॲटीजेन टेस्ट मध्ये कुणाचाही अहवाल पॉझिटीव्ह आला नाही.  त्यामुळे आता एकूण पॉझिटीव्ह अहवालांची एकूण संख्या 65174(49167+15035+972)  झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आजचे एकूणरर पॉझिटीव्ह-आरटीपीसीआर (शा.वै.म.1 व खाजगी 1) 2 + रॅपिड ॲन्टीजेन चाचणी 0= एकूण पॉझिटीव्ह 02.

शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 369886 नमुने तपासण्यात आले. त्यात प्राथमिक तपासणीचे 365769 फेरतपासणीचे 410 तर वैद्यकीय कर्मचाऱ्यांचे 3707 नमुने होते. आजपर्यंत एकूण 369886  अहवाल प्राप्त झाले आहेत. एकूण निगेटीव्ह अहवालांची संख्या 320710 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आरटीपीसीआर दोन पॉझिटीव्ह

आज  दिवसभरात  आरटीपीसीआर चाचण्यात शासकीय वैद्यकीय महाविद्यालयाच्या अहवालात एक  अहवाल पॉझिटीव्ह आला. त्यात एका पुरुषाचा समावेश असून तो शिवणी जि.अकोला येथील रहिवाशी आहे. तर खाजगी महाविद्यालयाकडून प्राप्त झाली.

तीन जणांना डिस्चार्ज

आज दिवसभरात होम आयसोलेशन येथून तीन जणांना डिस्चार्ज देण्यात आला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

16 जणांवर उपचार सुरु

जिल्ह्यात एकूण पॉझिटीव्ह अहवालांची एकूण संख्या 65174(49167+15035+972) आहे. त्यात 1165 मृत झाले आहेत. तर 63993 जणांना डिस्चार्ज देण्यात आला असून सद्यस्थितीत 16  जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.

रॅपिड ॲन्टीजेन 97 चाचण्यांत शून्य पॉझिटीव्ह

जिल्ह्यात काल (दि.12 रोजी) रॅपिड ॲन्टीजेनच्या 97 चाचण्या राबविण्यात आल्या. त्यात एकाचाही अहवाल पॉझिटिव्ह आला नाही,असे जिल्हा रुग्णालयातून कळविण्यात आले आहे.             अकोट येथे सात, अकोला मनपा क्षेत्रात 77, शासकीय वैद्यकीय महाविद्यालयात 12, हेगडेवार येथे एक, अशा एकूण 97 जणांच्या चाचण्या झाल्या त्यात कुणाचाही अहवाल पॉझिटीव्ह आला नाही, असे जिल्हा रुग्णालयातून कळविण्यात आले आहे.

00000