जिल्ह्यातील जमावबंदी व संचारबंदी रद्द; जिल्हाधिकाऱ्यांचे आदेश
अकोला,दि.3(जिमाका)- मदत व पुनवर्सन विभागाच्या मार्गदर्शक सूचनेनुसार व कोव्हिड-19 च्या रुग्णामध्ये घट
होत असल्याने इतर निर्बंध कायम ठेवून दिवसाचे जमावबंदी व रात्रीची संचारबंदी रद्द
करण्याचे आदेश जिल्हाधिकारी निमा अरोरा यांनी आज निर्गमित केले आहे.
आदेश
याप्रमाणे : फौजदारी
प्रक्रिया संहिता 1973 चे कलम 144 नुसार लावण्यात आलेले सकाळी
पाच ते रात्री 11 चे जमावबंदी व रात्री 11 ते सकाळी पाच वाजेपर्यंतचे
संचारबंदीचे आदेश रद्द करण्यात आले आहे. सामाजिक, क्रीडा, मनोरंजन, शैक्षणिक,
सांस्कृतिक, धार्मिक, राजकीय, उत्सव, विवाह आणि इत्तर मेळावे आणि
मंडळाशी संबंधित कोणत्याही संमेलनात किंवा मंडळांमध्ये एकूण उपस्थिती, स्थळाच्या क्षमतेच्या 50 टक्के किंवा 200 यापैकी जी कमी असेल तितकी मर्यादित असेल.
वरील आदेश गुरुवार दि. 3 मार्चपासून पुढील आदेशापर्यंत लागू राहिल.
00000
टिप्पण्या
टिप्पणी पोस्ट करा