जिल्हा काम वाटप समितीची बैठक दि.४ एप्रिल रोजी
अकोला, दि.२२(जिमाका)- जिल्ह्यातील सुशिक्षित बेरोजगार सेवा सहकारी संस्थांना तीन लाख रुपये मर्यादेच्या आतील कामांचे वाटप करण्याकरिता अध्यक्ष,जिल्हा काम वाटप समिती तथा मुख्‍य कार्यकारी अधिकारी, जिल्हा परिषद अकोला यांचे अध्‍यक्षेतेखाली सोमवार दि. ४ एप्रिल रोजी बैठकीचे आयोजन करण्यात आले आहे. मुख्‍य कार्यकारी अधिकारी, जिल्हा परिषद अकोला यांचे दालनात ही बैठक होणार आहे.
शासकीय औद्योगिक प्रशिक्षण संस्था, रतनलाल प्लॉट व शासकीय औद्योगिक प्रशिक्षण संस्था तेल्हारा यांचे कडून बैठकीमध्‍ये शासन निर्णयान्‍वये तीन लाख रुपयांच्या आतील प्रस्तावित कामाचे वाटप करण्यात येणार आहे. त्यासाठी जिल्ह्यातील सर्व सुशिक्षित बेरोजगार सेवा सहकारी संस्था/सोसायट्यांनी आपली सेवा सहकारी संस्था/ सोसायटी प्रस्तावित काम करण्‍यास इच्‍छूक तसेच जिल्हा काम वाटप समितीच्‍या अटी व शर्तीनुसार पात्र असल्‍यास त्यांनी आपला प्रस्‍ताव प्राथमिक छाननी करीता शुक्रवार दि. १ एप्रिलपर्यंत कार्यालयीन वेळेत जिल्हा कौशल्‍य विकास, रोजगार व उद्योजकता मार्गदर्शन केंद्र, जिल्हाधिकारी कार्यालय परिसर, प्रशासकीय इमारत दुसरा माळा, अकोला या कार्यालयात कार्यालयीन वेळेत सादर करावा. त्‍यानंतर प्राप्त होणाऱ्या प्रस्‍तावाचा विचार होणार नाही. काम वाटपाबाबत अंतिम निर्णय जिल्हा काम वाटप समितीचा राहील, असे आवाहन सदस्य सचिव काम वाटप समिती तथा सहायक आयुक्‍त, जिल्हा कौशल्‍य विकास, रोजगार व उद्योजकता मार्गदर्शन केंद्र, अकोला यांनी केले आहे.
०००००
टिप्पण्या
टिप्पणी पोस्ट करा