कोविडःआरटीपीसीआरमध्ये आठ पॉझिटिव्ह, 49 डिस्चार्ज; रॅपिड ॲन्टीजेन एक पॉझिटीव्ह

अकोला दि.16(जिमाका)- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (आरटीपीसीआर) 243 अहवाल प्राप्त झाले. त्यात आठ जणांचे अहवाल पॉझिटीव्ह आले, तसेच खाजगी लॅब मधून शून्य असे एकूण आठ जणांचे आरटीपीसीआर अहवाल पॉझिटीव्ह आले. तर 49 जणांना डिस्चार्ज देण्यात आले, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.

दरम्यान काल (दि.15) रॅपिड ॲटीजेन टेस्ट मध्ये एकाचा अहवाल पॉझिटीव्ह आला.  त्यामुळे आता एकूण पॉझिटीव्ह अहवालांची एकूण संख्या 64995(49053+14989+953) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आजचे एकूण पॉझिटीव्ह-आरटीपीसीआर (शा.वै.म. 8 व खाजगी 0) 8 + रॅपिड ॲन्टीजेन चाचणी 1 = एकूण पॉझिटीव्ह 9.

शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 366213 नमुने तपासण्यात आले. त्यात प्राथमिक तपासणीचे 362101 फेरतपासणीचे 410 तर वैद्यकीय कर्मचाऱ्यांचे 3702 नमुने होते. आजपर्यंत एकूण 366213 अहवाल प्राप्त झाले आहेत. एकूण निगेटीव्ह अहवालांची संख्या 317160 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आरटीपीसीआर आठ  पॉझिटीव्ह

आज  दिवसभरात  आरटीपीसीआरचाचण्यात शासकीय वैद्यकीय महाविद्यालयाच्या अहवालात आठ  जणांचा अहवाल पॉझिटीव्ह आला. त्यात तीन पुरुष, पाच स्त्री रुग्ण आहेत.  त्यातील तीन जण हे अकोला शहरातील, मुर्तिजापूर येथील चार तर तेल्हारा येथील एक याप्रमाणे रहिवासी आहे. खाजगी लॅबच्या अहवालात शून्य अहवाल पॉझिटिव्ह आला, अशी माहिती जिल्हा रुग्णालय व  शासकीय वैद्यकीय महाविद्यालयाकडून प्राप्त झाली.

49 जणांना डिस्चार्ज

आज दिवसभरात होम आयसोलेशन येथून 49 जणांना डिस्चार्ज देण्यात आला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

192 जणांवर उपचार सुरु

जिल्ह्यात एकूण पॉझिटीव्ह अहवालांची एकूण संख्या 64995(49053+14989+953) आहे. त्यात 1164 मृत झाले आहेत. तर 63639 जणांना डिस्चार्ज देण्यात आला असून सद्यस्थितीत 192 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.

रॅपिड ॲन्टीजेन चाचण्याः 182 चाचण्यात एक पॉझिटीव्ह

 कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.15) दिवसभरात झालेल्या 182 चाचण्या झाल्या त्यात एकाचा अहवाल पॉझिटीव्ह आला, अशी माहिती जिल्हा रुग्णालयातून देण्यात आली.

 काल दिवसभरात तेल्हारा येथील एक, मुर्तिजापूर येथील दोन, अकोला महानगरपालिका क्षेत्रात 143, शासकीय वैद्यकीय महाविद्यालय येथे 26, हेगडेवार लॅब येथील तीन चाचण्या झाल्या त्यात कुणाचाही अहवाल पॉझिटीव्ह आला नाही. तर अकोट येथील सात चाचण्यात एक, असे एकूण 182 चाचण्यात एकाचा अहवाल पॉझिटीव्ह आला, असे जिल्हा रुग्णालयाने कळविले आहे.

०००००