ऊर्जा मंत्री ना.डॉ. नितीन राऊत यांचा जिल्हा दौरा

अकोला,दि. 25(जिमाका)- राज्याचे ऊर्जामंत्री डॉ. नितीन राऊत हे रविवार दि. 27 व सोमवार दि. 28 रोजी जिल्हा दौऱ्यावर येत आहेत. त्यांचा दौरा कार्यक्रम याप्रमाणे-

रविवार दि. 27 रोजी सायंकाळी साडेपाच वाजता बोरगाव येथे आगमन व बोरगाव मंजू येथील महावितरणच्या 2x5 एमव्हीए उपकेंद्राचे लोकार्पण तसेच बोरगाव मंजू येथील कार्यक्रमातून कोथळी व घोटा येथील महावितरणच्या 2x5 एमव्हीए उपकेंद्राचे व्ही.सी. व्दारे लोकार्पण. सायंकाळी साडेसहा वाजता डॉ. बाबासाहेब आंबेडकर पुतळा अकोला येथे आगमन व पुतळ्यास माल्यार्पण कार्यक्रम. सायंकाळी पावणेसात वाजता शासकीय विश्रामधाम अकोला येथे आगमन व राखीव.

सायंकाळी सात वाजता अकोला शहर जिल्हा काँग्रेस पदाधिकारी यांच्या समवेत  तसेच डॉ. बाबासाहेब आंबेडकर सोशल फोरमच्या पदाधिकाऱ्यांसमवेत संवाद व त्यानंतर रात्री शासकीय विश्रामधाम अकोला येथे मुक्काम.

सोमवार दि. 28 रोजी सकाळी साडेनऊ वाजता अकोला येथून व्याळा जि. अकोलाकडे प्रयाण. पावणेनऊ वाजता व्याळा येथे आगमन व श्री. उज्जल आंभोरे जिल्हाअध्यक्ष डॉ. बाबासाहेब आंबेडकर सोशल फोरम यांच्याकडे राखीव. सकाळी 10 वाजता व्याळा येथून पारस औष्णीक विद्युत केंद्राकडे प्रयाण. सव्वादहा वाजता पारस औष्णीक विद्युत केंद्र येथे आगमन व पारस औष्णीक विद्युत केंद्र तसेच अकोला, वाशिम जिल्ह्यातील उर्जा विभागाची आढावा बैठक. सकाळी सव्वा अकरा वाजता अकोला येथुन कळंबा कसुरा ता.बाळापूरकडे प्रयाण. सकाळी पावणेबारा वाजता कळंबा कसुरा ता.बाळापूर येथे आगमन व कळंबा कसुरा व येथूनच कंळबा कसुरा ता.बाळापूर, मुंडगाव ता.अकोट व वडाळी देशमुख ता.अकोट येथील महावितरणच्या एचव्हीडीएस योजनेअंतर्गत 33/11 के.व्ही. च्या 1x5 एमव्हीए उपकेंद्राचे दुरदृश्य प्रणालीव्दारे उद्घाटनास उपस्थिती. दुपारी पाऊण वाजता कळंबा कसुरा येथून निंबा फाटा मार्गे खामगांवकडे प्रयाण.

000000