कोविडःआरटीपीसीआरमध्ये 23 पॉझिटिव्ह, 53 डिस्चार्ज; रॅपिड ॲन्टीजेन 23 पॉझिटीव्ह

अकोला दि.18(जिमाका)- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (आरटीपीसीआर) 229 अहवाल प्राप्त झाले. त्यात 20 जणांचे अहवाल पॉझिटीव्ह आले, तसेच खाजगी लॅब मधून तीन असे एकूण 23 जणांचे आरटीपीसीआर अहवाल पॉझिटीव्ह आले. तर 53 जणांना डिस्चार्ज देण्यात आले, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.

दरम्यान काल (दि.17) रॅपिड ॲटीजेन टेस्ट मध्ये 23 जणांचा अहवाल पॉझिटीव्ह आला.  त्यामुळे आता एकूण पॉझिटीव्ह अहवालांची एकूण संख्या 65060(49082+15022+956) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आजचे एकूण पॉझिटीव्ह-आरटीपीसीआर (शा.वै.म. 20 व खाजगी 3) 23 + रॅपिड ॲन्टीजेन चाचणी 23 = एकूण पॉझिटीव्ह 46.

शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 366719 नमुने तपासण्यात आले. त्यात प्राथमिक तपासणीचे 362607 फेरतपासणीचे 410 तर वैद्यकीय कर्मचाऱ्यांचे 3702 नमुने होते. आजपर्यंत एकूण 366719 अहवाल प्राप्त झाले आहेत. एकूण निगेटीव्ह अहवालांची संख्या 317636 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आरटीपीसीआर 23  पॉझिटीव्ह

आज  दिवसभरात  आरटीपीसीआरचाचण्यात शासकीय वैद्यकीय महाविद्यालयाच्या अहवालात 20  जणांचा अहवाल पॉझिटीव्ह आला. त्यात 12 पुरुष, आठ स्त्री रुग्ण आहेत.  त्यातील 10 जण हे अकोला शहरातील, अकोला ग्रामीण येथील एक, मुर्तिजापूर येथील पाच, अकोट येथील एक, तेल्हारा येथील एक तर पातूर येथील दोन याप्रमाणे रहिवासी आहे. खाजगी लॅबच्या अहवालात तीन अहवाल पॉझिटिव्ह आला, अशी माहिती जिल्हा रुग्णालय व  शासकीय वैद्यकीय महाविद्यालयाकडून प्राप्त झाली.

53 जणांना डिस्चार्ज

आज दिवसभरात होम आयसोलेशन येथून 53 जणांना डिस्चार्ज देण्यात आला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

182 जणांवर उपचार सुरु

जिल्ह्यात एकूण पॉझिटीव्ह अहवालांची एकूण संख्या 65060(49082+15022+956) आहे. त्यात 1164 मृत झाले आहेत. तर 63714 जणांना डिस्चार्ज देण्यात आला असून सद्यस्थितीत 182 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.

रॅपिड ॲन्टीजेन चाचण्याः 228 चाचण्यात 23 पॉझिटीव्ह

 कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.17) दिवसभरात झालेल्या 228 चाचण्या झाल्या त्यात 23 जणांचा अहवाल पॉझिटीव्ह आला, अशी माहिती जिल्हा रुग्णालयातून देण्यात आली.

 काल दिवसभरात अकोला ग्रामीण येथील एक, पातूर येथील तीन, तेल्हारा येथील दोन, अकोला महानगरपालिका क्षेत्रात 145, शासकीय वैद्यकीय महाविद्यालय येथे 42, हेगडेवार लॅब येथील पाच चाचण्या झाल्या त्यात कुणाचाही अहवाल पॉझिटीव्ह आला नाही. तर अकोट येथील 30 चाचण्यात 23 जणांचा अहवाल पॉझिटीव्ह आला, असे एकूण 228 चाचण्यात 23 अहवाल पॉझिटीव्ह आला, असे जिल्हा रुग्णालयाने कळविले आहे.

०००००