कॅम्पस मुलाखतीत आय.टी.आय.च्या 68 प्रशिक्षणार्थ्यांची निवड

 

अकोला दि.9(जिमाका)-  येथील शासकीय औद्योगिक प्रशिक्षण संस्थेच्या मूलभूत प्रशिक्षण तथा अनुषंगीक सुचना केंद्र (BTRI) यांच्या वतीने आयोजीत कॅम्पस मुलाखतीत 67 प्रशिक्षणार्थ्यांची पनवेल येथील कंपनीत निवड करण्यात आली. पनवेल येथील लार्सन अँड टुब्रो कंर्स्टक्शन स्किल ट्रेनिंग इन्स्टिस्टूट कंपनीच्या वतीने भरती प्रक्रिया राबविण्यात आली. या प्रक्रियेत जोडारी, सुतारकाम, वीजतंत्री, तारतंत्री व संधाता या व्यवसायाच्या प्रशिक्षणार्थ्यांनी भाग घेतला. ऑनलाईन परीक्षा व मुलाखतव्दारे कंपनीच्या अधिकाऱ्यांनी घेतलेल्या भरती प्रक्रीयेनंतर 67 प्रशिक्षणार्थ्यांची निवड करण्यात आली. अशी माहिती प्राचार्य पी. एन. जयस्वाल यांनी दिली आहे. या मेळाव्याच्या आयोजनासाठी उपप्राचार्य एस. आर. ठोकरे ,सहाय्यक प्रशिक्षणार्थी सल्लागार एस. बी. घोंगडे तसेच संस्थेतील कर्मचारी व व्यवसाय निदेशकांनी परिश्रम घेतले.

00000