कोविडःआरटीपीसीआरमध्ये पाच पॉझिटीव्ह, ३१ जणांना डिस्चार्ज

 अकोला दि.26(जिमाका)- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजे पर्यंत) कोरोना संसर्ग तपासणीचे (आरटीपीसीआर) 117 अहवाल प्राप्त झाले. त्यात पाच जणांचा आरटीपीसीआर अहवाल पॉझिटीव्ह आला. तर ३१ जणांना डिस्चार्ज देण्यात आले, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.

आजचे एकूण पॉझिटीव्ह-आरटीपीसीआर (शा.वै.म. पाच व खाजगी शुन्य) 05+ रॅपिड ॲन्टीजेन चाचणी शुन्य = एकूण पॉझिटीव्ह 05.

आरटीपीसीआर ‘पाच’

आज  दिवसभरात  आरटीपीसीआर चाचण्यात शासकीय वैद्यकीय महाविद्यालयाच्या अहवालात पाच जणांचा अहवाल पॉझिटीव्ह आला. त्यात दोन महिला व तीन पुरुषांचा समावेश आहे. हे रुग्ण मुर्तिजापूर व अकोट येथील प्रत्येकी एक तर तीन जण अकोला महानगरपालिका क्षेत्रातील रहिवासी आहे, अशी माहिती जिल्हा रुग्णालय व शासकीय वैद्यकीय महाविद्यालयाकडून प्राप्त झाली.

31 जणांना डिस्चार्ज

आज दिवसभरात 31  रुणांना डिस्चार्ज देण्यात आला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

सक्रिय रुग्ण ‘23’

जिल्ह्यात एकूण पॉझिटीव्ह अहवालांची एकूण संख्या 65272(49246+15039+987)आहे. सद्यस्थितीत जिल्ह्यात 23 सक्रिय पॉझिटीव्ह रुग्ण असून त्यातील 10 रुग्णालयात दाखल तर अन्य 13 रुग्ण हे गृह अलगीकरणात आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.

०००००