जि.प.पोटनिवडणूक; दि. 4,5 व 6 जून रोजी मद्यविक्री बंद

अकोला, दि.3 (जिमाका)- बाळापूर तालुक्यातील जिल्हा परिषदमधील हातरुण रिक्त पदाची पोटनिवडणुक होत आहेत. त्यानुसार दि. 5 जून रोजी हातरुण येथे मतदान व दि. 6 जून रोजी  शासकीय धान्य गोदाम बाळापूर येथे मतमोजणी प्रक्रिया निर्भय व मुक्त वातावरणात पार पाडण्यासाठी  मतदानाच्या एक दिवस आधी (दि.4), मतदानाच्या दिवशी (दि.5) व मतमोजणीच्या दिवशी (दि.6) रोजी मतदान व मतमोजणी क्षेत्रात मद्यविक्री बंद ठेवण्याचे आदेश जिल्हाधिकारी निमा अरोरा यांनी दिले आहेत. या आदेशाचा भंग झाल्याचे आढळल्यास संबंधितांवर कायदेशीर कारवाई करण्याचा इशाराही देण्यात आला आहे.

०००००