अल्पसंख्याक विद्यार्थी बहुल संस्थांना अनुदान;31 जुलैपर्यंत प्रस्ताव मागविले
अकोला,दि.21(जिमाका)- सन 2022-23 या आर्थिक वर्षासाठी धार्मिक अल्पसंख्याक विद्यार्थी बहुल संस्थांना पायाभुत सुविधा पुरविण्यासाठी अनुदान देण्यात येणार आहे, त्यासाठी जिल्हा नियोजन समिती, नियोजन भवन जिल्हाधिकारी कार्यालय, अकोला येथे दि.31 जुलैपर्यंत प्रस्ताव पाठवावा,असे आवाहन जिल्हाधिकारी निमा अरोरा यांनी केले आहे.
यासंदर्भात सविस्तर माहिती अशी की, अल्पसंख्याक
विकास विभागाच्या शासन निर्णयानुसार, अल्पसंख्याक विद्यार्थी बहुल शासनमान्य खाजगी
अनुदानित वा विनाअनुदानित वा कायम विनाअनुदानित
शाळा, कनिष्ठ महाविद्यालये, औद्योगिक प्रशिक्षण संस्था, नगरपालिका, नगरपरिषद
शाळा व दिव्यांग शाळांमध्ये पायाभुत सुविधा पुरविण्यासाठी अनुदान दिले जाते. ही
अनुदान योजना अल्पसंख्याक विभागाच्या दि.7 ऑक्टोबर 2015 च्या शासन
निर्णयान्वये राबविण्यात येते. तरी इच्छुक
शाळा, संस्थांनी शासन निर्णयानुसार परिपूर्ण प्रस्ताव जिल्हा नियोजन समितई, नियोजन भवन, जिल्हाधिकारी
कार्यालय, अकोला येथे दि.31 जुलै 2022 पर्यंत कार्यालयीन वेळेत पाठवावा. मुदतीनंतर
प्राप्त प्रस्तावांचा विचार होणार नाही. तसेच शासन निर्णयानुसार अपात्र संस्थांनी
प्रस्ताव सादर करु नये,असेही जिल्हाधिकाऱ्यांनी स्पष्ट केले आहे.
00000
टिप्पण्या
टिप्पणी पोस्ट करा