ग्रा.पं.पोटनिवडणूक; दि. 4,5 व 6 जून रोजी मद्यविक्री बंद

 

अकोला, दि.3 (जिमाका)- जिल्ह्यातील सहा ग्रामपंचायतीमधील सहा रिक्त पदांच्या पोटनिवडणुक होत आहेत. तेथे निवडणुका निर्भय व मुक्त वातावरणात पार पाडण्यासाठी  मतदानाच्या एक दिवस आधी (दि.4), मतदानाच्या दिवशी (दि.5) व मतमोजणीच्या दिवशी (दि.6) रोजी मद्यविक्री बंद ठेवण्याचे आदेश जिल्हाधिकारी निमा अरोरा यांनी दिले आहेत. या आदेशाचा भंग झाल्याचे आढळल्यास संबंधितांवर कायदेशीर कारवाई करण्याचा इशाराही देण्यात आला आहे.

०००००