नेत्रदाता परिजन व कोरोना योध्दांचा राज्यमंत्री ना. संजय धोत्रे यांच्या हस्ते सत्कार
अकोला,दि.18(जिमाका)- नेत्रदान हे सर्वश्रेष्ठ दान असून
नागरिकांनी नेत्रदानासोबत देहदानही करावे, असे आवाहन केन्द्रीय राज्यमंत्री ना.
संजय धोत्रे यांनी केले.
अकोला येथील नेत्र कमलाजंली चॅरिटेबल हॉस्पीटल व प्रसृतीगृह अंतर्गत अकोला नेत्रदान व नेत्ररोपण संशोधन केन्द्र येथे राज्यमंत्री
ना. संजय धोत्रे यांच्या हस्ते नेत्रदाता परिजन सन्मान व कोरोना यौध्दाचा सत्कार करण्यात
आला. यावेळी आमदार गोवर्धन शर्मा, आमदार रणधिर सावरकर, महापौर अर्चनाताई मसने व नेत्र
कमलाजंली चॅरिटेबल हॉस्पीटलचे संस्थापक अध्यक्ष डॉ. चंदकांत पनपालीया यांची प्रमुख
उपस्थिती होती.
नेत्र कमलाजंली चॅरिटेबल हॉस्पीटलचे काम कौतुकास्पद असून
आतापर्यंत तीन हजाराच्यावर लोकाना या ट्रस्टव्दारे दृष्टिलाभ झाला आहे. ही
अभिमानाची बाब असून अशा प्रकारचे कार्य निरंतर, सतत सुरु ठेवावे, असे सांगून
कोरोनाच्या काळात या हॉस्पीटलव्दारे करण्यात आलेले प्रसृतीविषयक काम गौरवास्पद
असून तसेच येथील वैद्यकीय चमूनी वैद्यकीय सेवेसह इतरही समाजोयोगी सेवा केल्याबद्दल
अकोलेकर नेहमी त्यांचे ऋणी राहील, असे विचार ना. धोत्रे यांनी व्यक्त केले.
टिप्पण्या
टिप्पणी पोस्ट करा