315 अहवाल प्राप्त; 33 पॉझिटीव्ह, 37 डिस्चार्ज, एक मयत
अकोला,दि.15(जिमाका)-आज दिवसभरात (सायंकाळी पाच
वाजेपर्यंत) कोरोना संसर्ग तपासणीचे 315 अहवाल प्राप्त झाले.
त्यातील 282 अहवाल निगेटीव्ह तर 33
अहवाल पॉझिटीव्ह आले. आता अकोला जिल्ह्यात पॉझिटीव्ह अहवालांची
एकूण संख्या
1943(1922+21) झाली आहे. आज दिवसभरात 37 रुग्ण बरे झाले. तर एकाचा उपचार घेतांना मृत्यू
झाला. आता 215 जणांवर उपचार सुरु आहेत,अशी
माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
शासकीय
वैद्यकीय महाविद्यालयाकडून प्राप्त माहितीनुसार, आजपर्यंत एकूण 15233 जणांचे नमुने पाठवण्यात
आले आहेत. त्यात प्राथमिक तपासणीचे 14761, फेरतपासणीचे
158 तर वैद्यकीय कर्मचाऱ्यांचे 314 नमुने
होते. आजपर्यंत एकूण 15156 अहवाल प्राप्त झाले आहेत. एकूण
निगेटीव्ह अहवालांची संख्या 13234 आहे. तर पॉझिटीव्ह अहवाल
1943(1922+21)आहेत,अशी माहिती शासकीय वैद्यकीय महाविद्यालयाच्या सूत्रांनी दिली आहे.
आज 33 पॉझिटिव्ह
आज
दिवसभरात 33 जणांचे अहवाल पॉझिटिव्ह आले. आज सकाळी प्राप्त अहवालात 26 जणांचे अहवाल पॉझिटिव्ह आले. त्यात 11 पुरुष व
15 महिला आहेत. त्यात अकोट येथील सात जण,
अकोली जहागीर येथील पाच जण, गौरक्षण रोड येथील तिन जण, बाळापूर, मुर्तिजापूर व रजपूतपुरा
येथील प्रत्येकी दोन, चांदुर, बोरगाव मंजू, मोठी उमरी, धोत्रासिंदे आणि मुंडगाव येथील
प्रत्येकी एक याप्रमाणे रहिवासी आहेत. तर आज सायंकाळी प्राप्त अहवालात सात जणांचे अहवाल पॉझिटीव्ह आले. त्यात पाच महिला व दोन पुरुष आहेत. यात
रजपूतपुरा, पातूर आणि पारस येथील प्रत्येकी दोन, अकोट येथील एक
प्रमाणे रहिवासी आहेत, अशी माहिती शासकीय वैद्यकीय महाविद्यालयातून
देण्यात आली.
37 जणांना डिस्चार्ज
दरम्यान आज दिवसभरात कोविड
केअर सेंटर मधून 32, आयकॉन हॉस्पिटल येथून
दोन, शासकीय वैद्यकीय महाविद्यालय, ओझोन हॉस्पिटल, उपजिल्हा रुग्णालय मुर्तिजापूर येथून प्रत्येकी
एक, अशा 37 जणांना डिस्चार्ज देण्यात आला. शासकीय महाविद्यालयातून आज
अकोट येथील महिलेला घरी पाठविण्यात आले, अशी माहिती शासकीय वैद्यकीय महाविद्यालयातून देण्यात
आली.
डॉ. पंजाबराव देशमुख कृषी विद्यापीठ येथील
कोविड सेंटर मधून 32 जणांना घरी पाठविण्यात आले आहे. यात पातुर येथील 11, गिता नगर व सिंधी कॅम्प
येथील सहा, निमवाडी येथील चार, डाबकी रोड येथील तिन, बोरगाव मंजू व शेळी मालेगाव येथील प्रत्येकी एकाचा समावेश आहे, अशी माहिती कोविड केअर सेंटर येथून देण्यात आली.
एकाचा मृत्यू
दरम्यान एका जणाचा मृत्यू झाला. हा रुग्ण मुंडगाव ता.अकोट येथील 76 वर्षीय पुरुष असून तो दि. 13
जुलै रोजी दाखल झाला होता. त्यांचा उपचार
घेतांना मृत्यू झाला, अशी माहिती जिल्हा रुग्णालयातून देण्यात
आली.
215
पॉझिटीव्ह रुग्णांवर उपचार सुरु
आजपर्यंत एकूण 1943(1922+21) पॉझिटीव्ह अहवालांची संख्या आहे. त्यातील
98 जण (एक आत्महत्या व 97 कोरोनामुळे) मयत
आहेत. डिस्चार्ज दिलेल्या एकूण व्यक्तींची संख्या 1630 आहे.
तर सद्यस्थितीत 215 पॉझिटीव्ह रुग्ण उपचार घेत आहेत, अशी माहिती शासकीय वैद्यकीय महाविद्यालयाच्या सूत्रांनी दिली आहे.
टिप्पण्या
टिप्पणी पोस्ट करा