रॅपिड ॲन्टीजन टेस्ट: आज दिवसभरात 264 चाचण्या, 31 पॉझिटिव्ह

        अकोला,दि.27(जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 264 चाचण्यामध्ये 31 जणांचे अहवाल पॉझिटिव्ह असल्याचे निष्पन्न  झाले, अशी माहिती निवासी उपजिल्हाधिकारी संजय खडसे यांनी दिली.

            आज दिवसभरात झालेल्या चाचण्या याप्रमाणे- अकोला ग्रामिण भागात आज चाचण्या झाल्या नाहीत. अकोट येथे 75 चाचण्या झाल्या त्यात एकाचा अहवाल पॉझिटीव्ह आला. बाळापूर येथे आज चाचण्या झाल्या नाहीत, बार्शीटाकळी येथे नऊ चाचण्या झाल्या त्यात कुणाचाही अहवाल पॉझिटीव्ह आला नाही.  पातूर येथे आज चाचण्या झाल्या नाहीत,  तेल्हारा येथे 74 चाचण्या झाल्या त्यात 18 जणांचे अहवाल पॉझिटीव्ह आले आहे.   मुर्तिजापूर येथे आठ चाचण्या झाल्या त्यात कुणाचाही अहवाल पॉझिटीव्ह आला नाही.  तसेच अकोला मनपामध्ये 57 चाचण्या झाल्या त्यात नऊ पॉझिटिव्ह आले आहे, अकोला जिल्हयातील आरोग्य कर्मचाऱ्यांच्या 31 जणांच्या चाचण्या घेण्यात आल्या त्यात कुणाचाही अहवाल पॉझिटीव्ह आला नाही, शासकीय वैद्यकीय महाविद्यालयात 10 जणांच्या चाचण्या झाल्या त्यात तिघांचा अहवाल पॉझिटिव्ह आला आहे. असे एकूण 264 चाचण्या होऊन त्यात 31 जणांचा अहवाल पॉझिटीव्ह आले आहेत.  आतापर्यंत जिल्ह्यात 5600 चाचण्या झाल्या असून 298 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे.