रॅपिड ॲन्टीजन टेस्ट: आज दिवसभरात 265 चाचण्या, आठ पॉझिटिव्ह

        अकोला,दि.28(जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 265 चाचण्यामध्ये आठ जणांचे अहवाल पॉझिटिव्ह असल्याचे निष्पन्न  झाले, अशी माहिती निवासी उपजिल्हाधिकारी संजय खडसे यांनी दिली.

            आज दिवसभरात झालेल्या चाचण्या याप्रमाणे- अकोला ग्रामिण भागात आज चाचण्या झाल्या नाहीत. अकोट येथे 46 चाचण्या झाल्या त्यात कोणाचाही अहवाल पॉझिटीव्ह आला नाही. बाळापूर, बार्शीटाकळी व तेल्हारा येथे  आज चाचण्या झाल्या नाहीत,  पातूर येथे येथे 32 चाचण्या झाल्या त्यात कोणाचाही अहवाल पॉझिटीव्ह आला नाही.  मुर्तिजापूर येथे 121 चाचण्या झाल्या त्यात चार जणांचा अहवाल पॉझिटीव्ह आला.  तसेच अकोला मनपामध्ये 40 चाचण्या झाल्या त्यात दोन पॉझिटिव्ह आले आहे, अकोला जिल्हयातील आरोग्य कर्मचाऱ्यांच्या 19 जणांच्या चाचण्या घेण्यात आल्या त्यात कुणाचाही अहवाल पॉझिटीव्ह आला नाही, शासकीय वैद्यकीय महाविद्यालयात सात जणांच्या चाचण्या झाल्या त्यात दोघांचा अहवाल पॉझिटिव्ह आला आहे. असे एकूण 265 चाचण्या होऊन त्यात आठ जणांचा अहवाल पॉझिटीव्ह आले आहेत.  आतापर्यंत जिल्ह्यात 5865 चाचण्या झाल्या असून 306 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे.