रॅपिड ॲन्टीजन टेस्ट: आज दिवसभरात 161 चाचण्या, 17 पॉझिटिव्ह

        अकोला,दि.25(जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 161 चाचण्यामध्ये 17 जणांचे अहवाल पॉझिटिव्ह असल्याचे निष्पन्न  झाले, अशी माहिती निवासी उपजिल्हाधिकारी संजय खडसे यांनी दिली.

            आज दिवसभरात झालेल्या चाचण्या याप्रमाणे- अकोला ग्रामिण भागात आज चाचण्या झाल्या नाहीत. अकोट येथे 26 चाचण्या झाल्या त्यात सात जणांचा अहवाल पॉझिटीव्ह आला. बाळापूर येथे  17 जणांच्या चाचण्या झाल्या त्यात कुणाचाही अहवाल पॉझिटीव्ह आला नाही. बार्शीटाकळी येथे 13 जणांच्या चाचण्या झाल्या त्यात एकाचा अहवाल पॉझिटीव्ह आला. पातूर येथे 38 चाचण्या झाला त्यात कुणाचाही अहवाल पॉझिटीव्ह आला नाही. तेल्हारा व मुर्तिजापूर या भागात आज चाचण्या झाल्या नाहीत. अकोला मनपा हद्दीत  33 चाचण्या झाल्या त्यात पाच जणांचे अहवाल पॉझिटीव्ह आले. अकोला जिल्हयातील आरोग्य कर्मचाऱ्यांच्या 23 जणांच्या चाचण्या घेण्यात आल्या त्यात एकाचा अहवाल पॉझिटिव्ह आला तसेच शासकीय वैद्यकीय महाविद्यालयात 11 जणांच्या चाचण्या झाल्या त्यात तीन जणांचा अहवाल पॉझिटिव्ह आला आहे. असे एकूण 161 चाचण्या होऊन त्यात 17 जणांचे अहवाल पॉझिटीव्ह आले आहेत.  आतापर्यंत जिल्ह्यात 5239 चाचण्या झाल्या असून 265 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे.