कोविडःआरटीपीसीआरमध्ये 236 पॉझिटिव्ह तर 89 डिस्चार्ज; रॅपिड ॲन्टीजेन 10 पॉझिटीव्ह

 अकोला दि.15(जिमाका)- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (आरटीपीसीआर) 462 अहवाल प्राप्त झाले. त्यात 161 जणांचे अहवाल पॉझिटीव्ह आले, तसेच खाजगी लॅब मधून 75 असे एकूण 236 जणांचे अहवाल पॉझिटीव्ह आले. तर 89 जणांना डिस्चार्ज देण्यात आले, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.

दरम्यान काल (दि.14) रॅपिड ॲटीजेन टेस्ट मध्ये 10 जणांचा अहवाल पॉझिटीव्ह आला.  त्यामुळे आता एकूण पॉझिटीव्ह अहवालांची एकूण संख्या 59505(44512+14612+381) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आजचे एकूण पॉझिटीव्ह-आरटीपीसीआर (शा.वै.म. 161 व खाजगी 75) 236 + रॅपिड ॲन्टीजेन चाचणी 10 = एकूण पॉझिटीव्ह 246.

शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 351212 नमुने तपासण्यात आले. त्यात प्राथमिक तपासणीचे 347299 फेरतपासणीचे 402 तर वैद्यकीय कर्मचाऱ्यांचे 3511 नमुने होते. आजपर्यंत एकूण 351212 अहवाल प्राप्त झाले आहेत. एकूण निगेटीव्ह अहवालांची संख्या 306700 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आरटीपीसीआर 236 पॉझिटीव्ह

आज  दिवसभरात  आरटीपीसीआर चाचण्यात शासकीय वैद्यकीय महाविद्यालयाच्या अहवालात 161 जणांचा अहवाल पॉझिटीव्ह आला. त्यात 54 महिला व 107 पुरुष रुग्ण आहेत. त्यातील 117 जण हे अकोला शहरातील, अकोट तालुक्यातील सात, मुर्तिजापूर येथील 17, अकोला ग्रामीण येथील आठ, बार्शीटाकळी येथील दोन, बाळापूर येथील दोन, तेल्हारा येथील पाच, पातूर येथील तीन रहिवासी आहे. खाजगी लॅबच्या अहवालात 75 जणांचा अहवाल पॉझिटीव्ह आला असे एकूण 236 जणांचे  अहवाल पॉझिटिव्ह आले, अशी माहिती जिल्हा रुग्णालय व  शासकीय वैद्यकीय महाविद्यालयाकडून प्राप्त झाली.

89 जणांना डिस्चार्ज

आज दिवसभरात होम आयसोलेशन येथून 89 जणांना डिस्चार्ज देण्यात आला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

1333 जणांवर उपचार सुरु

जिल्ह्यात एकूण पॉझिटीव्ह अहवालांची एकूण संख्या 59505(44512+14612+381) आहे. त्यात 1143 मृत झाले आहेत. तर 57029 जणांना डिस्चार्ज देण्यात आला असून सद्यस्थितीत 1333 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.

रॅपिड ॲन्टीजेन चाचण्याः 482 चाचण्यात 10 पॉझिटीव्ह

 कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.14) दिवसभरात झालेल्या 482 चाचण्या झाल्या त्यात 10 जणांचा अहवाल पॉझिटीव्ह आला, अशी माहिती जिल्हा रुग्णालयातून देण्यात आली.

 काल दिवसभरात अकोट येथे 43, पातूर येथे चार, अकोला महानगर पालिका क्षेत्रात 171 चाचण्या झाल्या त्यात कुणाचाही अहवाल पॉझिटिव्ह आला नाही, तर अकोला ग्रामीण येथे 146 चाचण्यात चार,  मुर्तिजापूर येथे चार चाचण्यात एक, आरोग्य कर्मचारी 46 चाचण्यात दोन, शासकीय वैद्यकीय महाविद्यालयात 33 चाचण्यात दोन, हेडगेवार लॅब येथे 35 चाचण्यात एकाचा अहवाल पॉझिटिव्ह आला, असे एकूण 482 चाचण्यात 10 जणांचे अहवाल पॉझिटीव्ह आले, असे जिल्हा रुग्णालयाने कळविले आहे.

00000