कोविडःआरटीपीसीआरमध्ये 136 पॉझिटिव्ह, एकाचा मृत्यू, 342 डिस्चार्ज; रॅपिड ॲन्टीजेन 17 पॉझिटीव्ह

 अकोला दि.30(जिमाका)- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (आरटीपीसीआर) 483 अहवाल प्राप्त झाले. त्यात 125 जणांचे अहवाल पॉझिटीव्ह आले, तसेच खाजगी लॅब मधून 11 असे एकूण 136 जणांचे अहवाल पॉझिटीव्ह आले. तर 342 जणांना डिस्चार्ज देण्यात आले, तसेच एकाचा मृत्यूची नोंद झाली, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.

दरम्यान काल (दि.29) रॅपिड ॲटीजेन टेस्ट मध्ये 17 जणांचा अहवाल पॉझिटीव्ह आला.  त्यामुळे आता एकूण पॉझिटीव्ह अहवालांची एकूण संख्या 64002(48301+14896+805) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आजचे एकूण पॉझिटीव्ह-आरटीपीसीआर (शा.वै.म. 125 व खाजगी 11) 136 + रॅपिड ॲन्टीजेन चाचणी 17 = एकूण पॉझिटीव्ह 153.

शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 360948 नमुने तपासण्यात आले. त्यात प्राथमिक तपासणीचे 356881 फेरतपासणीचे 410 तर वैद्यकीय कर्मचाऱ्यांचे 3657 नमुने होते. आजपर्यंत एकूण 360948 अहवाल प्राप्त झाले आहेत. एकूण निगेटीव्ह अहवालांची संख्या 312647 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. 

आरटीपीसीआर 136 पॉझिटीव्ह

आज  दिवसभरात  आरटीपीसीआर चाचण्यात शासकीय वैद्यकीय महाविद्यालयाच्या अहवालात 125 जणांचा अहवाल पॉझिटीव्ह आला. त्यात 58 महिला व 67 पुरुष रुग्ण आहेत.  त्यातील 62 जण हे अकोला शहरातील, अकोला ग्रामीण येथील पाच, पातूर येथील 13, बाळापूर येथील सात, बार्शीटाकळी येथील तीन, तेल्हारा येथील नऊ, अकोट येथील चार, मुर्तिजापूर येथील 22 रहिवासी आहे. खाजगी लॅबच्या अहवालात 11 अहवाल पॉझिटीव्ह आला असे एकूण 136 जणांचे अहवाल पॉझिटिव्ह आले, अशी माहिती जिल्हा रुग्णालय व  शासकीय वैद्यकीय महाविद्यालयाकडून प्राप्त झाली.

342 जणांना डिस्चार्ज

आज दिवसभरात होम आयसोलेशन येथून 342 जणांना डिस्चार्ज देण्यात आला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

एकाचा मृत्यू

दरम्यान आज एकाचा मृत्यूची नोंद झाली. त्यात अलायन्स लायब्ररी कॅम्पाऊंड, अकोला येथील 79 वर्षीय महिला असून या महिला रुग्णास दि. 21 जानेवारी रोजी दाखल केले होते.  त्यांचा उपचारादरम्यान मृत्यू झाला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

1654 जणांवर उपचार सुरु

जिल्ह्यात एकूण पॉझिटीव्ह अहवालांची एकूण संख्या 64002(48301+14896+805) आहे. त्यात 1153 मृत झाले आहेत. तर 61195 जणांना डिस्चार्ज देण्यात आला असून सद्यस्थितीत 1654 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.

रॅपिड ॲन्टीजेन चाचण्याः 169 चाचण्यात 17 पॉझिटीव्ह

 कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.29) दिवसभरात झालेल्या 169 चाचण्या झाल्या त्यात 17 जणांचा अहवाल पॉझिटीव्ह आला, अशी माहिती जिल्हा रुग्णालयातून देण्यात आली.

 काल दिवसभरात अकोला ग्रामीण येथे सहा, अकोट येथे एक, बार्शीटाकळी येथे एक, पातूर येथे दोन, मुर्तिजापूर येथे सहा,  अकोला महानगर पालिका क्षेत्रात 90, शासकीय वैद्यकीय महाविद्यालय येथे 35 चाचण्या झाल्या त्यात कुणाचाही अहवाल पॉझिटिव्ह आला नाही, तर बाळापूर येथे तीन चाचण्यात दोन, तेल्हारा येथे पाच चाचण्यात दोन, जिल्हा आरोग्य कर्मचारी पाच चाचण्यात एक, हेडगेवार लॅब येथे 15 चाचण्यात 12 जणांचा अहवाल पॉझिटिव्ह आला, असे एकूण 169 चाचण्यात 17 जणांचे अहवाल पॉझिटीव्ह आला, असे जिल्हा रुग्णालयाने कळविले आहे.

00000