जिल्ह्यात आजपासून (दि.१३) कुष्ठरोग, क्षयरोग व असंसर्गजन्य रुग्ण शोध मोहिम
अकोला,दि.12(जिमाका)- जिल्ह्यात कुष्ठरोग, क्षयरोग व असंसर्गजन्य
रोगांच्या रुग्णांची शोध मोहिम सर्वेक्षण शुक्रवार दि.१३ पासून राबविण्यात येणार
आहे.
यासंदर्भात सहाय्यक
संचालक, आरोग्य सेवा(कुष्ठरोग) यांच्या कार्यालयामार्फत देण्यात आलेल्या माहिती
पत्रकानुसार, जिल्ह्यात कुष्ठरोग शोध व
उपचार मोहिम राबविण्यात आली होती.
यावर्षी या मोहिमेमध्ये क्षयरोग व
असंसर्गजन्य रोगाचा समावेश
करण्यात आलेला असुन संयुक्त कुष्ठरोग
शोध अभियान (LCDC), सक्रिय क्षयरुग्ण
शोध मोहिम (ACF) व असंसर्गजन्य रोग
प्रतिबंध जागरूकता अभियान (NCD) 2019-20 आपल्या जिल्ह्यामध्ये राबविण्यात येणार
आहे. सदर मोहिमेमध्ये ग्रामीण भागाचे
संपुर्ण व शहरी भागातील 30 टक्के
लोकसंख्येचे घरोघर सर्व्हेक्षण करण्यात
येणार आहे. त्याकरीता आशा व
स्वयंसेवकाव्दारे दरारोज ग्रामीण भागात 20 घरे व शहरी भागात 25 घरांचे सर्व्हेक्षण
दिनांक 13 ते 28 सप्टेंबर या कालावधीत करतील.
सर्व्हेक्षणामध्ये आढळलेल्या संशयित रुग्णांची तपासणी
ग्रामीण भागात वैद्यकीय अधिकारी, प्राथमिक आरोग्य केंद्र व शहरी भागात वैद्यकीय अधिक्षक ग्रामीण रूग्णालय यांचे मार्फत करण्यात येणार आहे.
कुष्ठरोगाची संभाव्य लक्षणे- अंगावर न
खाजणारा, न दुखणारा बधीर चट्टा, जाड व दुखरी मज्जा , तेलकट व चकाकणारी त्वचा व अंगावरील गाठी, ई.,
क्षयरोगाची संभाव्य लक्षणे- दोन आठवड्यापेक्षा
जास्त ताप व खोकला, थुंकीतुन
रक्त पडणे, भुक न लागणे,वजनात घट, मानेवर गाठी येणे, इ.
असंसर्गजन्य रोगाची लक्षणे- झोप न येणे,
जास्त चिंता करणे, जेवण जास्त करणे, तहान जास्त
लागणे, वारंवार लघवी येणे, दोन आठवड्यापासुन तोंड येणे, तोंडामध्ये जखम होणे, स्तनामध्ये गाठ तयार
होणे, योनी मार्गातुन
लाल व पांढरे पाणी जाणे, ओटीपोटामध्ये दुखणे आदी कर्करोगाची
लक्षणे असुन तपासणी करुण घेणे आवश्यक आहे.
या मोहिमेचा उद्देश हा समाजातील लपुन
राहिलेले कुष्ठरूग्ण , क्षयरुग्ण व असंसर्गजन्य रोगाचे रुग्ण शोधुन त्यांना उपचाराखाली आणणे हा आहे. तरी आपल्या घरी येणाऱ्या आशा व स्वयंसेवक यांना सहकार्य
करून घरातील सर्व सदस्यांची तपासणी
करून घ्यावी, असे आवाहन सहाय्यक संचालक, आरोग्य सेवा(कुष्ठरोग) यांनी केले आहे.
टिप्पण्या
टिप्पणी पोस्ट करा