दहा वर्षापूर्वी काढलेले आधार कार्ड अद्यावत करा; जिल्हाधिकारी निमा अरोरा यांचे आवाहन
अकोला,दि.9(जिमाका)- केंद्र शासनाच्या माहिती व तंत्रज्ञान मंत्रालयाच्या युआयडीएआय
विभागाने नवे नियम जारी केले आहे. नियमानुसार दहा वर्षापूर्वी काढण्यात आलेले आधार
कार्ड नव्याने अद्ययावत (अपडेट) करणे प्रत्येकाला अनिवार्य करण्यात आले आहे. अद्यावत
न केलेले आधार कार्ड रद्द करण्यात येणार आहे. तरी जिल्हातील सर्व नागरिकांनी आधार
कार्ड अद्यावत करुन घ्यावे, असे आवाहन जिल्हाधिकारी निमा अरोरा यांनी केले आहे.
भारत सरकारने देशात एक विशेष आणि महत्वाची ओळख म्हणून आधार कार्ड लागू केले आहे. या आधार कार्ड संदर्भात माहिती व तंत्रज्ञान मंत्रालयाच्या युआयडीएआय विभागाने नवे नियम जारी केले आहे. त्यानुसार आधारचे नवे व्हर्जन कार्यान्वित झाले असून याबाबत जिल्हा प्रशासनाकडून आधार केंद्र संचालकांना प्रशिक्षण देखील देण्यात आले आहे. अकोला जिल्ह्यातील 7 लाख 47 हजार नागरिकांचे आधार अद्ययावत (अपडेट) करावयाचे असून युआयडीएआय विभागाने ज्यांचे भ्रमणध्वनी क्रमांक आधारशी सलग्न आहेत त्यांना मोबाईल वर संदेश देखील पाठविले आहे. दहा वर्षांपूर्वी काढण्यात आलेल्या आधार कार्डधारकांचा रहिवाशी पत्ता बदलला नसला तरी पुन्हा रहिवाशी पुरावे व ओळखपत्र सादर करून ग्राहकांना आधार कार्ड अद्ययावत करावे लागणार आहे. तरी देखील बहुतांश नागरिकांनी त्यांचे आधार अद्ययावत (अपडेट) केले नसल्याने त्यांचे आधार क्रमांक युआयडीएआय विभागाकडून निलंबित केले जाणार आहे. त्यामुळे नागरिक आधारशी संबधित इतर सेवांपासून वंचित राहू शकतात व आधार क्रमांक परत सुरु करण्यासाठी त्यांना मोठ्या अडचणीला सामोरे जावे लागू शकतो. त्यामुळे नागरिकांनी आधार अद्यावत करुन घ्यावे.
00000
आधार कार्ड को लेकर सूचना एवं प्रौद्योगिकी मंत्रालय के यूआईडीएआई विभाग ने नया नियम जारी किया है।
उत्तर द्याहटवाAadhar Card Update