जि.प.व पं.स.पोटनिवडणुक: अकोट येथील पर्यायी मार्गात बदल
अकोला, दि.५ (जिमाका)- जिल्हा
परिषद व पंचायत समिती पोट निवडणूकीचे मतमोजणी बुधवार दि. 6 ऑक्टोंबर रोजी सकाळी 10
वाजेपासून कृषी उत्पन्न बाजार समिती, कास्तकार सभागृह अकोट येथे होणार आहे. या मार्गावरील वाहतूक सुरळीत
होण्याच्या दृष्टीने पर्यायी मार्ग वळविणे आवश्यक असल्याने सकाळी आठ वाजेपासून ते मतमोजणी प्रक्रिया
संपेपर्यंत अकोट येथील वाहतुक पर्यायी मार्गाने वळविण्याचे आदेश जिल्हाधिकारी निमा अरोरा
यांनी निर्गमित केले आहे.
पर्यायी मार्ग : अकोट कडून पोपटखेड मार्गे
जाणाऱ्या तसेच पोपटखेडकडून येणाऱ्या वाहणांकरिता बोर्डी फाटा-बोर्डी गाव ते जुना
बोर्डी रस्ता मार्गे, ग्रामिण रुग्णालय अकोट येथून अकोट शहर या मार्गाचा वापर
करावा.
00000
टिप्पण्या
टिप्पणी पोस्ट करा