११४ अहवाल, एक पॉझिटीव्ह; रॅपिड ॲन्टीजेनमध्ये शुन्य पॉझिटीव्ह
अकोला,दि.११(जिमाका)- आज
दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच
वाजेपर्यंत) कोरोना संसर्ग तपासणीचे (आरटीपीसीआर) ११४ अहवाल
प्राप्त झाले. त्यातील ११३ अहवाल निगेटीव्ह तर एकाचा अहवाल
पॉझिटीव्ह आला, असे
जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.१०) रॅपिड
ॲटीजेन टेस्ट मध्येही कुणाचाही अहवाल पॉझिटीव्ह आला नाही. त्यामुळे आता एकूण
पॉझिटीव्ह अहवालांची एकूण संख्या ५७८७१(४३२६५+१४४२९+१७७)झाली
आहे, अशी
माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
आजचे एकूण पॉझिटीव्ह- आरटीपीसीआर एक+
रॅपिड ॲन्टीजेन चाचणी शुन्य = एकूण पॉझिटीव्ह एक
शासकीय वैद्यकीय महाविद्यालयाकडून
प्राप्त माहितीनुसार, आजपर्यंत एकूण ३२५०११
नमुने तपासण्यात आले. त्यात प्राथमिक तपासणीचे ३२१३८१ फेरतपासणीचे ४०२ तर
वैद्यकीय कर्मचाऱ्यांचे ३२२८ नमुने
होते. आजपर्यंत एकूण ३२५०११ अहवाल
प्राप्त झाले आहेत. एकूण निगेटीव्ह अहवालांची संख्या २८१७४६ आहे, अशी
माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
एक पॉझिटिव्ह
आज दिवसभरात एका महिलेचा अहवाल
पॉझिटिव्ह आला असून ही महिला मलकापूर, जि. अकोला येथील रहिवासी आहे. दरम्यान
रॅपिड ॲन्टीजेन चाचण्यात कुणाचाही अहवाल
पॉझिटीव्ह आला नाही, याची नोंद घ्यावी.
१७ जणांवर
उपचार सुरु
जिल्ह्यात एकूण पॉझिटीव्ह अहवालांची एकूण
संख्या ५७८७१(४३२६५+१४४२९+१७७)आहे. त्यात ११३८ मृत
झाले आहेत. तर ५६७१६ जणांना
डिस्चार्ज देण्यात आला असून सद्यस्थितीत १७ जणांवर उपचार सुरु आहेत, अशी
माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.
रॅपिड ॲन्टीजेन चाचण्याः १११
चाचण्यात शुन्य पॉझिटीव्ह
कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट
राबविण्यात येत आहे. यात काल (दि.१०) दिवसभरात झालेल्या १११ चाचण्या
झाल्या त्यात कुणाचाही अहवाल पॉझिटीव्ह आला नाही, अशी
माहिती जिल्हा रुग्णालयातून देण्यात आली.
काल दिवसभरा अकोला
महानगरपालिका क्षेत्रात येथे ८५, शासकीय
वैद्यकीय महाविद्यालयात २६ चाचण्या
अशा
एकूण १११ चाचण्या झाल्या त्यात कोणाचाही अहवाल पॉझिटीव्ह आला नाही,असे जिल्हा रुग्णालयाने कळविले आहे.
०००००
टिप्पण्या
टिप्पणी पोस्ट करा