सहकारी संस्था निवडणुकाः तज्ज्ञ मंडळ नियुक्तीसाठी अर्ज मागविले
अकोला, दि.६ (जिमाका)- राज्य सहकारी निवडणुक प्राधिकरण
महाराष्ट्र राज्य पुणे यांच्या दि. ११ ऑक्टोबरच्या पत्रानुसार सहकारी संस्थाच्या व कृषि उत्पन्न बाजार
समित्यांच्या निवडणूका या प्राधिकरणामार्फत व महाराष्ट्र सहकारी संस्था अधिनियम १९६० व त्याखालील नियम १९६१ महाराष्ट्र सहकारी संस्था (समितीची निवडणूक) नियम २०१४ व महाराष्ट्र कृषि उत्पन्न बाजार समित्या (समितीची निवडणूक)
नियम २०१७ मधील तरतुदीनुसार पार
पाडण्यात येतात. या निवडणूका पार पाडतांना
क्षेत्रिय स्तरावर येणाऱ्या अडीअडचणी बाबत विचार मंथन करणे व सल्ला देण्यासाठी तज्ज्ञ मंडळाचे गठण करण्याबाबत निवडणूक प्राधिकरण
विचार करीत आहे. त्यासाठी तज्ज्ञ अधिकारी/पदाधिकारी, फेडरेशनचे
प्रतिनिधी किंवा सुप्रसिद्ध विधिज्ञ यांची नावे कळवायची आहेत. तसेच मंडळामध्ये स्वयंस्फुर्तीने भाग
घेण्यासाठी संबंधित तज्ज्ञ हे इच्छुक असणे आवश्यक आहे. सहभागी
होऊ इच्छिणाऱ्या अशासकीय सदस्यांना
प्राधिकरणातर्फे
कोणताही प्रवास व दैनिक भत्ता अनुज्ञेय
नाही याचीही
संबंधितांनी नोंद घ्यावी. तरी
या तज्ज्ञ मंडळात सहभागी होऊ इच्छिणाऱ्या तज्ज्ञ व्यक्तिंनी आपले कार्य परिचय व संमती पत्र जिल्हा उपनिबंधक सहकारी संस्था या कार्यालयास येत्या
सात दिवसात व दोन प्रतित द्यावेत, असे
आवाहन जिल्हा
उपनिबंधक सहकारी संस्था डॉ. प्रविण लोखंडे यांनी केले आहे.
टिप्पण्या
टिप्पणी पोस्ट करा