कोविडचा प्रतिबंधात्मक उपायोजनाचे काटेकोरपणे पालन करा पालकमंत्री बच्चू कडू यांचे आवाहन
अकोला,दि.22 (जिमाका) - कोरोनाचा वाढता प्रादुर्भाव लक्षात घेता राज्य शासनाने संचारबंदी
घोषित केली आहे. तरी या काळात काही नागरिक
विनाकारण फिरत असताना आढळून येत आहे. अशा व्यक्तीवर कार्यवाही करा व नागरिकांनी
घरातच राहून प्रशासनास सहकार्य करावे असे, असे आवाहन राज्याचे जलसंपदा व लाभ क्षेत्रविकास, शालेय
शिक्षण, महिला व बालविकास इतर मागासवर्ग, सामाजिक व शैक्षणिक मागास
प्रवर्ग, विमुक्त जाती, भटक्या जमाती आणि विशेष मागासप्रवर्ग कल्याण, कामगार राज्यमंत्री तथा अकोला जिल्ह्याचे पालकमंत्री ना.ओमप्रकाश उर्फ बच्चू कडू यांनी केले आहे.
आज जिल्हाधिकारी कार्यालयाच्या नियोजन भवनात कोविड-19
संदर्भात आढावा बैठक घेण्यात आली.
त्यावेळी ते बोलत होते. यावेळी जिल्हाधिकारी जितेंद्र पापळकर, जिल्हा
परिषदेचे मुख्य कार्यकारी अधिकारी सौरभ कटियार, मनपा आयुक्त निमा अरोरा, जिल्हा
पोलीस अधीक्षक जी श्रीधर, शासकीय वैद्यकीया महाविद्यालयाच्या अधिष्ठाता डॉ. मिनाक्षी
गजभीये, निवासी उपजिल्हाधिकारी संजय खडसे, उपविभागीय
अधिकारी डॉ. निलेश अपार यांची प्रमुख
उपस्थिती होती.
टिप्पण्या
टिप्पणी पोस्ट करा