25 एप्रिल जागतिक हिवताप दिन जिल्ह्याची हिवताप निमुर्लनाकडे वाटचाल
अकोला,दि. 23(जिमाका)- राष्ट्रीय किटकजन्य रोग नियंत्रण
कार्यक्रमांतर्गत जिल्ह्यात हिवताप व किटकजन्य रोग प्रतिबंधात्मक उपाययोजना राबवून
जिल्हा हिवताप मुक्त करण्याकरीता जनजागृती मोहिम राबविण्याचे आवाहन जिल्हा हिवताप
अधिकारी यांनी केले आहे.
हिवतापाचे लक्षणे -
थंडी वाजुन ताप येणे, ताप हा सततचा असून शकतो किवा एक दिवस आड येऊ शकतो नंतर घाम
येऊन अंग गार पडते, डोके दुखते, बऱ्याच वेळा उलटया होतात, हातपाय दुखणे यासारखे
लक्षणे दिसल्यास सर्व सरकारी रुग्णालये, ग्रामिण रुगग्णालये, नागरी आरोग्य केंद्र
व प्राथमिक आरोग्य केंद्र तसेच हिवताप कार्यालयात जाऊन तेथील प्रयोगशाळेत रुग्णाचा
रक्त नमुना तपासुन घ्यावा. रक्त नमुना दुषित आढळून आल्यास समुळ उपचार मोफत करण्यात
येतो. हिवताप दुषित रुग्ण निघाला तरच त्याला हिवताप विरोधी औषधे देण्यात यावी. तसेच
संशयीत हिवताप रुग्णास रक्त नमुना तपासणी नंतरच औषधोपचार करण्यात यावा. हिवताप हा
आजार नोटीफाय डिसीज जरी नसला तरी खाजगी रुग्णालयांत निघालेल्या सर्व हिवताप दुषित
रुग्णांची माहिती जिल्हा हिवताप अधिकारी यांना दयावी.
हिवताप आजारावर उपाययोजना :
आपल्या घराभोवती अथवा परिसरांत पाणी साचू न देणे, साचलेली
डबकी वाहती करणे किवा बुजवणे, घराच्या खिडक्यांना डासविरोधी जाळया बसविणे, छतावरील
पाण्याच्या टाक्यांना घट्ट झाकण लावणे, पाण्याची भांडी झाकून ठेवणे, घरगुती
पाण्याचे साठे आठवडयातून किमान एकदा रिकामे करुन घासुन, पुसून, स्वच्छ करुन कोरडा
दिवस पाळणे, टायर, फुटके कॅन, डबे यांची योग्य रीतीने विल्हेवाट लावून त्यात पाणी
साठणार नाही याची काळजी घेणे. झोपताना मच्छरदाणीचा वापर करणे, पुर्ण बाह्यांचे
कपडे घालणे, संडासच्या व्हेंट पाईपला जाळी बसविणे, कायस्वरुपी डासोत्पत्ती
स्थानामंध्य गप्पीमासे सोडणे. तसेच आठवडयातून एक दिवस कोरडा पाळणे.
जिल्ह्यामध्ये एकूण 31 प्राथमिक आरोग्य केन्द्र, एक
उपजिल्हा रुग्णालय व चार ग्रामिण रुग्णालय कार्यरत असून हिवताप आजारावर सर्व
ठिकाणी मोफत उपचार केला जातो. जिल्ह्यामध्ये हिवतापकरीता सेंटीनल सर्व्हेलन्स
हॉस्पीटल्स फॉर मलेरियाकरीता उपजिल्हा रुग्णालय मुर्तिजापूर व ग्रामिण रुग्णालय
अकोट या दोन ठिकाणी भरती होणाऱ्या दुषित रुग्णांस संपूर्ण मोफत उपचार करण्यात येतात.
सन 2016 यावर्षी 3 लक्ष 51 हजार 498 रक्त नमुने
घेतले त्यात एकूण 92 हिवताप दुषित रुग्ण आढळले, तर 2017 मध्ये 3 लक्ष 24
हजार 684 नमुनेमध्ये 53 दुषित रुग्ण, 2018 मध्ये 3 लक्ष 36 हजार 538 नमुनेमध्ये 36
दुषित रुग्ण, 2019 मध्ये 3 लक्ष 44 हजार 660 नमुनेमध्ये 11 दुषित रुग्ण, 2020 मध्ये
2 लक्ष 70 हजार 438 नमुनेमध्ये नऊ दुषित रुग्ण तर मार्च 2021 मध्ये 57 हजार 922
नमुनेमध्ये एक दुषित रुग्ण आढळले असून जिल्हा हिवताप मुक्त होण्याच्या दिशेने
वाटचाल चालू आहे.
टिप्पण्या
टिप्पणी पोस्ट करा