जिल्ह्यात पावसाची शक्यता पाऊस हवामान केंद्राची अंदाज

 जिल्ह्यात पावसाची शक्यता पाऊस

हवामान केंद्राची अंदाज

अकोला, दि. 21 : जिल्ह्यात दि. 21 जुलै ते 22 जुलैपर्यंत काही ठिकाणी पाऊस तसेच काही ठिकाणी अतिवृष्टी होण्याची शक्यता नागपूरच्या प्रादेशिक हवामान केंद्राने वर्तवली आहे. अशावेळी आवश्यक ते कारण असल्याशिवाय घराबाहेर पडू नका, जनावरांना झाडांना किंवा विजेच्या तारेच्या खाली बांधू नका. विज, वारा व पावसापासून बचावाकरीता सुरक्षीत ठिकाणी आश्रय घेण्यात यावा. अशास्थितीत झाडाखाली आश्रय घेऊ नये. पाऊस व विजाच्या स्थितीत मोबाईल फोनचा उपयोग टाळावा. पुर असतांना पुलावरून गाडी नेवू नये. खराब दुश्यमानता व मुसळधार पावसात वाहन चालवू  नये. रोडवे, अंडरपास जेथे पाणी साठते तेथे जाणे टाळावे. सर्व यंत्रणांनी योग्य ती दक्षता घेण्याच्या सुचना देण्यात आले आहे, असे आवाहन करण्यात आले आहे.