खनिकर्म विभाग; 1 ऑक्टोंबरपासून गौणखनिज परवाना ऑनलाईन
अकोला,दि.16(जिमाका)- जिल्ह्यातील खाणपट्टा
मंजुरी, नुतनीकरण तसेच अल्पमुदत व तात्पुरत्या स्वरुपाचे गौणखनिजाचे परवाना दि. 1 ऑक्टोंबरपासून
ऑनलाईन स्विकारण्यात येणार आहे. याकरीता अर्जदारांनी महाखनिज या संगणक प्रणालीवर अर्ज
करावा, असे आवाहन प्रभारी अपर जिल्हाधिकारी विश्वनाथ घुगे यांनी केले.
गौण खनिज उत्खनन(विकास
व विनियमन) नियम 2013 नुसार जिल्ह्यातील गौणखनिजाचे उत्खनन व वाहतुकीचे संनियंत्रण
व देखरेख करण्यासाठी महाखनिज संगणक प्रणाली लागू करण्यात आली आहे. या प्रणालीमध्ये खाणपट्टा मंजुरी, खाणपट्टा नुतनीकरण,
अल्पमुदत व तात्पुरत्या स्वरुपाचे गौणखनिजाचे उत्खनन परवानाबाबतचे अर्ज ऑनलाईन स्विकारण्याची
सोय उपलब्ध करुन देण्यात आली आहे. या ऑनलाईन सुविधेचा लाभ सर्व अर्जदारांनी घ्यावा.
तसेच क्षेत्रीय कार्यालयाने अर्ज ऑनलाईनच स्विकारावा. दि. 1 ऑक्टोंबरनंतर ऑफलाईन अर्ज
स्विकारल्या जाणार नाही, यांची नोंद घ्यावी, असे पत्राव्दारे प्रभारी अपर जिल्हाधिकारी
विश्वनाथ घुगे यांनी कळविले आहे.
000000
टिप्पण्या
टिप्पणी पोस्ट करा