पंडीत दीनदयाल उपाध्याय रोजगार मेळावा; रोजगार मेळाव्यात 57 पदांसाठी 147 उमेदवारांची प्राथमिक निवड
अकोला,दि. 8(जिमाका)- जिल्हाधिकारी
कार्यालय व जिल्हा कौशल्य विकास रोजगार व उद्योजकता मार्गदर्शक केंद्र यांच्या
सयुक्त विद्यमाने महिलांसाठी पंडीत दीनदयाल उपाध्याय रोजगार मेळावा आयोजित
करण्यात आले होते. या मेळाव्यात 57
पदांसाठी 147 उमेदवारांची
प्राथमिक निवड करण्यात आली असून पुढील फेरी संबंधीत नियोक्त्याच्या
आस्थापनाव्दारे अंतिम निवड करण्यात येणार आहे, अशी माहिती जिल्हा कौशल्य विकास
रोजगार व उद्योजकता मार्गदर्शक केंद्राचे सहायक आयुक्त द.ल. ठाकरे यांनी दिली.
पंडित दीनदयाल
उपाध्याय रोजगार मेळाव्यात कृषी माहिती तंत्रज्ञान केंद्र,
वाडेगांव येथे 27 पदे, प्रज्ञा सोशल वेलफेअर अॅण्ड एज्यूकेशन सोसायटी अकोला येथे
20 पदे, जेम्बो मार्क लिंक प्रा.लि.अकोला येथे टेली कॉलर पदाचे 10 पदे असे एकूण तीन कंपनीत 57 पदांच्या भरतीकरीता
379 महिला उमेदवार प्रत्यक्ष उपस्थित राहिल्या. त्यापैकी 147 उमेदवारांची प्राथमिक
निवड करण्यात आली असून पुढील फेरी संबंधीत नियोक्त्याच्या आस्थापनाव्दारे अंतिम
निवड करण्यात येणार आहे. रोजगार मेळावा यशस्वी होण्यासाठी जिल्हा कौशल्य विकास
रोजगार व उद्योजकता मार्गदर्शक केंद्राचे अधिकारी व कर्मचारी यांनी अथम परिश्रम
घेतले.
00000
टिप्पण्या
टिप्पणी पोस्ट करा