अकोला संवाद - जिल्हा माहिती कार्यालय अकोला

  अकोला दि. 30 :  जागतिक तंबाखू विरोधी दिन दरवर्षी  31  मे रोजी जगभरात साजरा केला जातो. हा दिवस साजरा करण्यामागचा उद्देश तंबाखूच्या धोक्याबद्दल ( dangers of tobacco)  जनजागृती करणे हा आहे. जागतिक आरोग्य संघटनेच्या म्हणण्यानुसार ,  जागतिक तंबाखू विरोधी दिन  2025  ची थीम आहे "अपवादात्मक आकर्षण: तंबाखू आणि निकोटीन उत्पादनांच्या उद्योगांच्या धोरणांचा पर्दाफाश.". जागतिक आरोग्य संघटनेच्या मते ,  तंबाखूच्या सेवनामुळे होणाऱ्या आजारांमुळे दरवर्षी सुमारे  8  लाख लोकांचा मृत्यू होतो. तंबाखूच्या सेवनामुळे हृदयाला त्रास होतो. रोग ,  पक्षाघात ,  कर्करोग आणि मधुमेह ( Cancer and diabetes).  शिवाय ,  यामुळे टाइप  2  मधुमेह होतो. मधुमेहाचा धोका देखील वाढतो. जागतिक तंबाखू विरोधी दिनाचा इतिहास - तंबाखू सेवनामुळे होणारे आजार आणि मृत्यूच्या वाढत्या आकडेवारीमुळे जागतिक आरोग्य संघटनेने  1987  मध्ये जागतिक तंबाखू विरोधी दिन सुरू केला. हा दिवस  7  एप्रिल  1988  रोजी पहिल्यांदा साजरा करण्यात आला. यान...

अकोला, दि. ३० : राष्ट्रसंत तुकडोजी महाराज यांचे विचार विद्यार्थ्यांमध्ये रुजविल्यास राष्ट्रविकासासाठी कार्य करणारी नवी पिढी निर्माण होईल, असा विश्वास राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी व्यक्त केला. पाटसूळ रेल्वे येथील श्री गुरुदेव सेवाश्रम येथे सर्वांगीण सुसंस्कार वर्गाचा समारोप आज पालकमंत्र्यांच्या उपस्थितीत झाला, त्यावेळी ते बोलत होते. सेवाश्रमाचे संचालक शुकदास गाडेकर, राजेंद्र वैद्य, शिवम सेवाने यांच्यासह अनेक मान्यवर उपस्थित होते. पालकमंत्री ॲड. फुंडकर म्हणाले की, राष्ट्रसंत तुकडोजी महाराज यांच्या विचारांची पताका खांद्यावर घेऊन सेवाश्रम कार्य करीत आहे. राष्ट्रसंतांचे विचार हे विद्यार्थ्यांना देशकार्यासाठी प्रेरणा देतात. अशा विचारांनी ही पिढी घडली तर देशाचा आणि समाजाचा विकास होईल. त्यादृष्टीने सेवाश्रम विद्यार्थ्यांना घडविण्याचे कार्य करत आहे. विद्यार्थ्यांनीही सुसंस्कार वर्गातून मिळालेल्या शिकवणीचा मित्रांमध्ये, आप्तस्वकीयांमध्ये प्रसार करण्याचे आवाहन त्यांनी केले. यावेळी पालकमंत्र्यांनी पू. संत महादेवराव गाडेकर साधूबुवा, तसेच संत डॉ. उद्धवराव गा...

  अकोला, दि. ३० : राष्ट्रीय स्वयंसेवक संघाचे ज्येष्ठ कार्यकर्ते व आणीबाणी स्वातंत्र्यसैनिक बंडू उर्फ रमेश रामभाऊ महानकर (८१ वर्षे) यांचे आज निधन झाले. राज्याचे कामगार मंत्री आणि जिल्ह्याचे पालकमंत्री ॲड. आकाश फुंडकर यांनी आज अकोट येथे स्व. महानकर यांच्या निवासस्थानी भेट देऊन त्यांच्या पार्थिवाचे दर्शन घेतले. पालकमंत्र्यांनी स्व. महानकर यांच्या कुटुंबीयांची भेट घेऊन त्यांचे सांत्वन केले. यावेळी आमदार प्रकाश भारसाकळे यांच्यासह अनेक मान्यवर उपस्थित होते. ०००

  अकोला, दि. ३० : मोबाईल आणि नवमाध्यमांच्या या युगात नवी पिढी अध्ययन, जीवनमूल्ये व संस्कार यापासून दुरावता कामा नये. मुलांना ही शिकवण व संस्कार देण्यासाठी सर्वांगीण विकास शिबिरासारखे उपक्रम महत्त्वपूर्ण आहेत, असे प्रतिपादन राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी केले. अकोट येथील श्री क्षेत्र श्रद्धासागर येथे श्री संत वासुदेव महाराज ज्ञानपीठ संस्थेच्या रौप्य महोत्सवी वर्षानिमित्त सर्वांगीण विकास बाल संस्कार शिबिराचा समारोप पालकमंत्री श्री. फुंडकर यांच्या उपस्थितीत झाला. श्री क्षेत्र आळंदी (देवाची) येथील वारकरी शिक्षण संस्थेच्या उपशाखेचे उद्घाटनही यावेळी झाले. आमदार प्रकाश भारसाकळे, आमदार अमोल मिटकरी, वारकरी शिक्षण संस्थेचे अध्यक्ष संदिपान महाराज शिंदे, ज्ञानपीठ संस्थेचे अध्यक्ष वासुदेवराव महाराज महल्ले, प्रकाश महाराज जवंजाळ, उपविभागीय अधिकारी मनोज लोणारकर आदी यावेळी उपस्थित होते. पालकमंत्री श्री. फुंडकर म्हणाले की, पाठांतर, ओव्या, अध्याय, बालमनावर सुसंस्कार करणाऱ्या पारंपरिक अध्ययन पद्धती यांची जपणूक संस्थेतर्फे बाल संस्कार शिबिराच्या माध्यमातून होत आह...

  अकोला दि. 29 : राज्याचे कामगार मंत्री व जिल्ह्याचे पालकमंत्री ॲड. आकाश फुंडकर उद्या दि. 30 मे रोजी अकोला जिल्ह्याच्या दौऱ्यावर येत आहेत. त्यांचा दौरा खालीलप्रमाणे : खामगांव येथून श्रीक्षेत्र श्रध्दा सागर अकोट येथे सकाळी 9.30 वाजता आगमन. श्री. संत वासुदेव महाराज सर्वांगीण विकास बालसंस्कार शिबीर समारोप कार्यक्रमास उपस्थिती. सोईनुसार खामगांवकडे प्रयाण. 00000

      जिल्ह्यातील ५३ गावांत कुपनलिका व विंधनविहिरी अकोला, दि. २९   : जिल्ह्यातील ५३ गावांत एकूण २० कुपनलिका व ३४ विंधनविहीरी   कामे दि. २० जूनपूर्वी पूर्ण करून प्रत्यक्ष पाणीपुरवठा सुरू करण्याचे आदेश देण्यात आले आहेत. जिल्हा परिषदेच्या मुख्य कार्यकारी अधिकारी यांच्या प्रस्तावित उपाययोजनेला प्रशासकीय मान्यता देण्यात आली आहे. जिल्हाधिकारी अजित कुंभार यांनी याबाबतचा आदेश निर्गमित केला. अकोट तालुक्यातील वडाळी सटवाई, सोमठाणा बु.,, केळपाणी बु., तेल्हारा तालुक्यातील दहिगाव, चांगलवाडी, बाभुळगाव, टाकळी, अटकळी, राणेगाव, मनब्दा, खाकटा, नेर, अडसूळ, कार्ला बु., सोनवाडी, वरूड वडनेर, सौंदळा, धार, तुदगाव, खापरखेड येथे कुपनलिकांची कामे पूर्ण करण्यात येतील. त्याचप्रमाणे, पातूर तालुक्यातील नांदखेड, अंधारसांगवी, गोंधळवाडी, पिंपरडोळी, झरंडी, धोदानी, हिंगणी, आसोला, आलेगाव, चरणगाव, सुकळी, शिरपूर, मलकापूर व मूर्तिजापूर तालुक्यातील दापुरा, ताकवाडा, शेलू बाजार, रोहणा, गुंजवाडा, औरंगपूर बपोरी, मंडुरा, लंघापूर, बोर्टा, ब्रम्ही, शिरताळा, कासारखेड, जांभा खुर्द (एक व दोन), सांजापू...

  फळपीक विमा योजनेसाठी शेतकरी ओळख क्रमांक आवश्यक     अकोला, दि. २९   : पुनर्रचित हवामान आधारित फळपीक विमा योजना     भारतीय कृषि विमा कंपनी , बजाज अलायन्झ जनरल इन्शुरन्स कंपनी , फ्युचर जनरली इन्शुरन्स कंपनी व युनिव्हरसल सोम्पो जनरल इन्शुरन्स कंपनी या विमा कंपन्यांमार्फत मृग व आंबिया बहारामध्ये अधिसुचित फळपिकांसाठी सन 2024-25 व 2025-26 या दोन वर्षाच्या कालावधीसाठी महाराष्ट्र राज्यात राबविण्यात येत आहे. मृग बहार सन 2025 मध्ये संत्रा , मोसंबी , डाळिंब , द्राक्ष (क) , चिकू , पेरु , सिताफळ व लिंबू या 8 फळपिकांसाठी 26 जिल्ह्यामध्ये तर आंबिया बहार सन 2025-26 मध्ये डाळिंब , संत्रा , मोसंबी , काजू , केळी , द्राक्ष , आंबा , पपई व स्टॉबेरी या 9 फळपिकांसाठी 30 जिल्ह्यामध्ये फळपिकांच्या हवामान धोक्यांच्या निकषानुसार राबविण्यात येत आहे. दि. 11 एप्रिल , 2025 रोजीच्या शासन निर्णयान्वये तसेच दि. 15 मे , 2025 रोजी पार पडलेल्या राज्यस्तरीय पीकविमा समन्वय समितीमध्ये दिलेल्या सुचनां नुसार कृषि विभागामार्फत राबविण्यात येणाऱ्या योजनांच्या लाभाकर ी ता शेतकरी ओळखपत्र क्र...

  रक्तदान शिबिराद्वारे १२० रक्तपिशव्या संकलित अकोला, दि. २९   : मुख्यमंत्री सहायता निधी व धर्मादाय रूग्णालय मदत कक्ष, तसेच शासकीय वैद्यकीय महाविद्यालयातर्फे पोलीस प्रशिक्षण केंद्र येथे आयोजित रक्तदान शिबिरात १२० रक्त पिशव्यांचे संकलन झाले. या उपक्रमाला केंद्राचे प्राचार्य डॉ. नीलेश पांडे व पोलीस प्रशिक्षण शिबिरातील पोलीस वर्गाचे विशेष सहकार्य मिळाले. सहायता कक्षाचे डॉ, विशाल येदवर, शासकीय वैद्यकीय महाविद्यालयाचे रक्त संक्रमण अधिकारी डॉ. मयुरेश वैराळे, डॉ. प्रथमेश हांडे, समुपदेशक शिल्पा सावदेकर, रक्तपेढी तंत्रज्ञ सुधीर राठोड यांनी संयोजन केले. ०००

  पर्यावरण दिनानिमित्त मोहिम अकोला, दि. २९  : जागतिक पर्यावरण दिनानिमित्त (५ जून) प्रशासनातर्फे ‘जागतिक स्तरावर प्लास्टिक प्रदुषणाचे निर्मूलन’ ही थीम घेऊन जनजागृती मोहिम हाती घेण्यात आली आहे. जिल्ह्यात ठिकठिकाणी स्वच्छता मोहिम राबविण्यात यावी. पर्यावरणपूरक जीवनशैली, प्लास्टिक निर्मूलन याबाबत जनजागृती करावी. सर्व स्थानिक स्वराज्य संस्थांनी समन्वयाने हा उपक्रम यशस्वी करावा, तसेच नागरिकांनीही सहभागी होऊन समृद्ध पर्यावरणासाठी योगदान द्यावे, असे आवाहन जिल्हाधिकारी अजित कुंभार यांनी केले आहे. ०००

      भारतीय रेल्वेतर्फे विशेष ट्रेन ‘छत्रपती शिवाजी महाराज सर्किट’ उपक्रमाचा लाभ घ्यावा -         जिल्हाधिकारी अजित कुंभार अकोला, दि. २९   : रेल्वे पर्यटन महामंडळाने (आयआरसीटीसी), ऐतिहासिक व सांस्कृतिक वारशाला उजाळा देण्यासाठी आणि छत्रपती शिवाजी महाराज यांच्या जीवनकार्याचा अनुभव देण्यासाठी ‘छत्रपती शिवाजी महाराज सर्किट’ या एका विशेष ट्रेनची घोषणा केली आहे. युवक, विद्यार्थी, इतिहासप्रेमी व नागरिकांनी या उपक्रमाचा लाभ घ्यावा, असे आवाहन जिल्हाधिकारी अजित कुंभार यांनी केले आहे.   ही यात्रा भारत गौरव टुरिस्ट ट्रेन (भारत गौरव टुरिस्ट ट्रेन) अंतर्गत ९ जून रोजी मुंबई येथून सुरू होत आहे.   या ५ दिवसांच्या विशेष टूरमध्ये छत्रपती शिवाजी महाराज यांच्या जीवनाशी संबंधित महत्त्वाच्या ऐतिहासिक स्थळांना भेट, इतिहासावर आधारीत कार्यक्रम असणार आहेत. या सहलीद्वारे महाराष्ट्रातील विविध ऐतिहासिक, धार्मिक व सांस्कृतिक महत्त्व असलेल्या ठिकाणांचा पर्यटकांना अनुभव घेता येणार आहे.           ...

          विद्यार्थ्यांचा कल तपासण्यासाठी विनामूल्य मार्गदर्शन ‘डाएट’चा उपक्रम अकोला, दि. २९:  विद्यार्थ्यांची क्षमता व कल तपासून त्यांना करिअरविषयक मार्गदर्शन करण्यासाठी जिल्हा शिक्षण व प्रशिक्षण संस्थेतर्फे विनामूल्य मार्गदर्शन सेवा देण्यात येत आहे. जिल्हा शिक्षण व प्रशिक्षण संस्थेचे कार्यालय शहरातील हनुमान वसाहतीत संतोषी मातेच्या देवळाजवळ आहे. तिथे विद्यार्थ्यांच्या बौद्धिक क्षमता, अभिरूची, व्यक्तिमत्व व करिअर निवडीसाठी योग्य मार्गदर्शन करण्यासाठी विनामूल्य सेवा उपलब्ध आहे. विद्यार्थी व पालकांनी या सेवेचा लाभ घ्यावा, असे आवाहन संस्थेच्या प्राचार्य रत्नमाला खडके यांनी केले आहे. अधिक माहितीसाठी व्यवसाय मार्गदर्शन व समुपदेशन विभागप्रमुख नितीन भालचक्र यांच्याशी किंवा ९४२३४०७४८८ यांच्याशी संपर्क साधावा. ०००

  अकोला, दि.२९:  महाराणा प्रताप यांच्या जयंतीनिमित्त आज जिल्हाधिकारी कार्यालयात अभिवादन करण्यात आले. निवासी उपजिल्हाधिकारी विजय पाटील यांच्या हस्ते त्यांच्या प्रतिमेस पुष्पहार अर्पण करुन अभिवादन करण्यात आले. यावेळी जिल्हाधिकारी कार्यालयातील अधिकारी कर्मचारी उपस्थित होते.

    पोलीस मालखान्यातील जप्त वस्तूंच्या लिलावाची प्रक्रिया सुरू अकोला, दि. २९: जिल्हा पोलीसांनी १९९२ ते २००५ दरम्यान विविध प्रकरणी जप्त केलेल्या मुद्देमालाच्या लिलावाची प्रक्रिया सुरू करण्यात आली आहे.याबाबतचा  आदेश  उपविभागीय दंडाधिकारी डॉ. शरद जावळे यांनी जारी केला आहे. या मुद्देमालाच्या मूळ मालकांचा सर्वतोपरी तपास करूनही शोध लागला नाही. त्यामुळे मुद्देमाल लोहमार्ग पोलीस ठाण्याच्या मालखान्यात दीर्घकाळापासून पडून आहे. त्यामुळे लवकरच लिलावाद्वारे विल्हेवाटीची रीतसर प्रक्रिया पूर्ण करण्यात येणार आहे. या कार्यवाहीसाठी अकोला तहसीलदारांना सक्षम अधिकारी म्हणून प्राधिकृत करण्यात आले आहे. या मुद्देमालात विविध धातूंचे दागिने, सुटकेस, बॅग्स, पुरुष व महिलांचे कपडे, घड्याळे, कॅमेरे, मोबाईल फोन आदी वस्तूंचा समावेश आहे.   ०००

  अकोट येथील मागासवर्गीय विद्यार्थिनी वसतिगृहात प्रवेश सुरु   अकोला, दि.२९ : सामाजिक न्याय व विशेष सहाय्य विभागामार्फत अकोट येथे पोपटखेड रस्त्यावर सत्यभामा संकुल येथे मागासवर्गीय तथा आर्थिकदृष्ट्या मागासवर्गीय मुलींचे शासकीय वसतिगृह सुरू आहे. तेथील प्रवेश प्रक्रिया सुरू करण्यात आली आहे. इयत्ता ८ वी ते वरिष्ठ महावि‌द्यालयापर्यंतच्या विद्यार्थिनींना वसतिगृहाच्या रिक्त जागेनुसार प्रवेश मिळू शकेल. त्यासाठी ऑनलाईन प्रवेश अर्ज प्रक्रिया चालू झाली असून, hmas.mahait.org या संकेतस्थळावर अर्ज भरून त्याची प्रत कार्यालयात जमा करावी. अनु. जाती, जमाती वि.जा.भ. ज. विशेष मागास प्रवर्ग, अनाथ अपंग आर्थिक मागास प्रवर्ग यांनी वसतिगृहात अर्ज सादर करावा, असे आवाहन गृहपाल श्रीमती कुलकर्णी यांनी केले आहे. ०००

  सात पाच आठ आठ चार एक चार सहा नऊ नऊ कृषी निविष्ठांबाबतच्या तक्रारी व्हाटस ॲपद्वारे कळवाव्यात कृषी विभागातर्फे ऑनलाईन तक्रार निवारण अकोला, दि. २९ : शेतक-यांना खते व बियाणे वेळेवर न मिळणे, लिंकिंग किंवा चढ्या दराने निविष्ठांची विक्री अशा तक्रारी ७५८८४१४६९९ या व्हाटस ॲप क्रमांकावर दाखल कराव्यात जेणेकरून तत्काळ निवारण करता येईल, असे आवाहन जिल्हा प्रशासन व जि. प. कृषी विकास अधिका-यांनी केले आहे.   काही गावांमध्ये विशेषत:   दुर्गम गावांत खते व बियाणे मिळत नसल्याने दुकानांमध्ये इतर वस्तू खरेदी करण्यासाठी लिंकिंग, तसेच चढ्या दराने विक्री होत असल्याबाबत तक्रारी येत आहेत. त्यांचे निराकरण तत्काळ व्हावे यासाठी व्हाटस ॲप क्रमांक जाहीर करण्यात आला आहे. या क्रमांकावर तक्रार दाखल करताना शेतकऱ्यांनी त्यांचे नाव, गाव, तालुका, संबंधित दुकानाचे नाव, ठिकाण, तक्रार, संपर्क क्रमांक व फोटो (असल्यास) अशा प्रकारे तक्रार नोंदवावी. प्राप्त तक्रारी कृषी विभाग, तसेच पोलीस विभाग यांच्या समन्वयाने तपासल्या जाणार आहेत. गैरव्यवहार करणा-या विक्रेत्यांविरुद्ध प्रशासकीय, कायदेशीर कारवाई करण्यात ये...

3 महिन्याचा शिधा एकाचवेळी देणार अकोला, दि. २७ : शासनाकडून आगामी पावसाळा व प्रतिकुल हवामान परिस्थीतीमुळे माहे जून, जुलै व ऑगस्ट 2025 पर्यतच्या अन्नधान्याची आगाऊ उचल व वाटप करण्यात येणार  आहे.  सदर अन्नधान्याची पुरवठा विभागाकडून आगाऊ उचल दिनांक 31 मे 2025 पर्यंत व वाटप दिनांक 30 जून रोजीपर्यत पुर्ण होणार आहे. तसेच प्रत्येक महिन्याचे व्यवहार (ट्रांन्झेक्शन) व प्रमाणीकरण स्वतंत्रपणे करण्याचे निर्देश दिलेले आहे. माहे जून, जुलै व ऑगस्ट 2025 पर्यतच्या अन्नधान्याचे वाटप दिनांक 01 जून 2025 पासून होणार आहे. जिल्हा प्रशासनाचे वतीने सर्व पात्र लाभार्थीना आवाहन करण्यात येते की, या जिल्हयातील पावसाचे वातावरण / नैसर्गिक आपत्ती / पुरस्थिती लक्षात घेता त्यासाठी राष्ट्रीय अन्नसुरक्षा योजने अंतर्गत येणा-या पात्र शिधापत्रिकाधारकांनी माहे जून, जुलै व ऑगस्ट 2025 चे दिनांक 30 जून 2025 पुर्वी धान्य E-POS मशिन वर थम देऊन एकाच वेळी रास्तभाव दुकानातून उचल करावी. जेणेकरून कोणताही पात्र लाभार्थी धान्यापासून वंचित राहणार नाही. ०००  

अकोला, दि. २७ : जिल्ह्यातील शेतरस्ते अडथळामुक्त व्हावेत यासाठी जिल्हाधिकारी अजित कुंभार यांनी प्रशासनाला कालबद्ध कार्यक्रम निश्चित करून दिला असून, त्यानुसार कार्यवाही पूर्ण करण्याचे आदेश दिले आहेत. या मोहिमेमुळे अडथळे दूर होऊन शेतकरी बांधवांना शेतापर्यंत पोहोचणे सुलभ होणार आहे. अलीकडच्या काळात कुटुंबाचे विभाजन होत असल्याने शेतीचे विभाजन होत आहे. त्यामुळे शेतीचे क्षेत्र कमी कमी होत असल्यामुळे शेतकरी यांचा कल त्यांचे शेतातून सुरु असलेली वहिवाट बंद करण्याकडे आहे. त्यामुळे सर्व तालुक्यांमध्ये मोठ्या प्रमाणावर वहिवाट रस्ते, ग्रामीण रस्ते, हद्दीचे ग्रामीण रस्ते खुले करणेकरीता मोठ्या प्रमाणावर प्रकरणे प्रलंबित आहेत. अशा प्रकरणांमध्ये स्थळ निरिक्षण करणे, मोजणी करणे तसेच सुनावणी घेणे बंधनकारक आहे. त्यामुळे हे रस्ते खुले करण्यास ठोस पावले उचलण्यासाठी जिल्हाधिकारी श्री कुंभार यांच्या मार्गदर्शनात मोहीम हाती घेण्यात आली आहे.  ग्रामीण भागात उपयोगात असलेले विविध प्रकारचे रस्ते, गाडीवाडा, पाऊलवाटा जसे की ग्रामीण रस्ते (एका गावाहून दुसन्या गावास जाणारे),  गाडीमार्ग (पोटखराब) (एका गावाहुन दुसऱ...

  अकोला, दि. २६ : अकोल्याच्या प्रादेशिक परिवहन कार्यालयाकडून दुचाकी वाहनांसाठी क्रमांकांची नवी मालिका सुरू करण्यात येत आहे. दुचाकी वाहनांसाठी नियमित व चारचाकीसाठी विहितपेक्षा तीनपट शुल्क भरल्यास आकर्षक क्रमांक मिळू शकतील. यासंबंधी लिलाव प्रक्रियेत भाग घेण्यासाठी इच्छूकांकडून दि. २७ मे रोजी अर्ज मागविण्यात आले आहेत. इच्छूकांनी दि. २७ मे रोजी कार्यालयीन वेळेत सकाळी 10.30 ते दु. 2.30 वा. दरम्यान पसंतीच्या क्रमांकाच्या विहित नमुन्यातील अर्जासह आधारपत्र, रहिवाशी पुरावा, पॅनकार्ड आदींची साक्षांकित प्रत बंद लिफाफ्यात कार्यालयाच्या रोख विभागात जमा कराव्यात. लिफाफ्यावर मालकाचे नाव, वाहन वर्ग, पसंती क्रमांक व आधार लिंक मोबाईल क्र. नमूद असावा. एका क्रमांकासाठी अधिक अर्ज आल्यास यादी फलकावर लावण्यात येईल. लिलावाचे डीडी दि. २८ मे रोजी दु. 2.30 पर्यंत स्वीकारले जातील. त्याच दिवशी दु. 4 वाजता उपप्रादेशिक परिवहन अधिकारी यांच्या दालनात लिलाव होईल. डीडी आरटीओ, अकोला या नावे राष्ट्रीयकृत, शेड्युल्ड बँकेचा अकोला येथील असावा. लिलावाकरिता आकर्षक क्रमांकासाठी मूळ विहित शुल्काचा एक डीडी व लिलावासंदर्भात ...

  अकोला दि. 26 : शेतकऱ्यांना दर्जेदार प्रमाणित बियाणे अनुदानीत दरावर उपलब्ध व्हावे व कडधान्य व गळीत धान्य पिकांच्या नविन वाणाचा प्रचार प्रसार व्हावा व शेतकऱ्यांना अवलंब करण्यास प्रोत्साहन मिळावे या उद्देशाने राष्ट्रीय अन्न व पोषण सुरक्षा अभियान कडधान्य व कापूस योजना प्रमाणित बियाणे वितरण राबविण्यात येत आहे.  त्याअंतर्गत पिक प्रात्यक्षिक तूर, मुग, उडीद व कापूस (१०० % अनुदावर ०.४० हे. / शेतकरी गर्यादेत) फक्त शेतकरी गट/शेतकरी उत्पादक कंपनी / कृषी क्षेत्रात काम करणारी सहकारी संस्था इ. करिता (शेतकरी गट हा ३१ मार्च २०२४ पूर्वी नोंदणी केलेला असावा.) प्रमाणित बियाणे वितरण तूर, मुंग, उडीद (१० वर्षा आतील बियाणे रु.५००० प्रति क्वि. क्षेत्र २.०० हे. / शेतकरी मर्यादेत व १० वर्षा वरील बियाणे रु. २५०० प्रति क्वि. क्षेत्र २.०० हे. / शेतकरी मर्यादेत) खाद्य तेल व तेलताड अभियान (गळीतधान्य) अंतर्गत पिक प्रात्यक्षिक सोयाबीन (१०० टक्के अनुदावर ०.४० हे. / शेतकरी मर्यादेत) फक्त शेतकरी गट / शेतकरी उत्पादक कंपनी / कृषी क्षेत्रात काम करणारी सहकारी संस्था इ. करिता (शेतकरी गट हा ३१ मार्च २०२४ पूर्वी नोंदण...

 शेतकऱ्यांनी पेरणीची घाई करू नये मान्सूनच्या प्रवासाची गती लवकरच कमी होणार असल्यामुळे राज्यात पावसात घट होणार आहे मुंबई, दि 25: या वर्षी मान्सूनचा प्रवास वेगाने सुरु असल्यामुळे तो 25 मे रोजी दक्षिण कोकणात दाखल झाला आहे, जे सामान्य तारखेपेक्षा 10 दिवस आधीच आहे. मात्र 27 मे पासून मान्सूनच्या प्रवासाची गती कमी होणार असल्यामुळे राज्यातील हवामानात लवकरच मोठे बदल दिसून येतील. सध्याच्या अंदाजानुसार 27 मे पासून राज्यातील हवामान हळू हळू कोरडे होईल आणि काही प्रमाणात तापमानात वाढ देखील होईल. मे महिन्याच्या शेवटपर्यंत कोकण वगळता बहुतांश भागात प्रामुख्याने कोरडे हवामान राहण्याची शक्यता आहे, आणि किमान 5 जूनपर्यंत ही स्थिती कायम राहणार असल्याचा अंदाज आहे. यामुळे किमान 5 जूनपर्यंत तरी राज्यातील बहुतांश भागात मान्सून दाखल होण्याची आणि मान्सूनच्या पावसाची शक्यता दिसत नाही. या दरम्यान देशातील इतर भागात सुद्धा मान्सूनचा प्रवास तात्पुरता थांबू शकतो.   या वर्षी राज्यातील अनेक भागात दमदार मान्सून पूर्वीचा वादळी पाऊस पडला आहे. आपल्या भागात मान्सून लवकरच दाखल होईल अशी अपेक्षा करून अथवा खोट्या बात...

  मागासवर्गीय विद्यार्थी वसतिगृहात प्रवेश सुरू अकोला, दि. २६ : सामाजिक न्याय विभागाच्या अकोला येथील डॉ. बाबासाहेब आंबेडकर गुणवंत मागासवर्गीय मुलांच्या शासकीय वसतिगृहात प्रवेश प्रक्रिया सुरू आहे. या वसतिगृहात ११ वी, पॉलिटेक्निक व आयटीआय अभ्यासक्रमाच्या विद्यार्थ्यांसाठी जागा उपलब्ध आहेत. सामाजिक न्याय व विशेष सहाय्य विभागाच्या   hmas.mahait.org   या संकेतस्थळावर ऑनलाईन प्रवेशप्रक्रिया सुरू आहे. अकोल्याचा रहिवाशी नसलेल्या मात्र, अकोला महापालिकेच्या सीमेअंतर्गत असलेल्या महाविद्यालयात प्रवेश घेतलेल्या विद्यार्थ्यांना प्रवेश मिळेल. इच्छूकांनी एस. एस. लव्हाळे, गृहपाल, डॉ. बाबासाहेब आंबेडकर गुणवंत मागासवर्गीय मुलांचे शासकीय वसतिगृह, संतोषी मातेच्या देवळाजवळ, हनुमान वसाहत, अकोला येथे संपर्क साधावा. वसतिगृहाचा संपर्क क्र. ९९२१६९७०५३ असा आहे. ०००  

   लोकशाहीदिनाचे २ जूनला आयोजन अकोला, दि. २६ : जिल्हास्तरीय लोकशाही दिन व दिव्यांग लोकशाही दिन दर महिन्याच्या पहिल्या सोमवारी आयोजित करण्यात येतो. त्यानुसार पुढील महिन्यात जिल्हा लोकशाहीदिन दि. २ जून रोजी दु. ३ वा. लोकशाही सभागृहात होईल. संबंधित नोडल अधिकारी यांनी प्रलंबित तक्रारीबाबत अनुपालन अहवालासह उपस्थित राहण्याचे निर्देश देण्यात आले आहेत. ०००

    कौशल्य विकास विभागातर्फे गुरूवारी रोजगार मेळावा अकोला, दि. २३ : जिल्हा कौशल्य विकास, रोजगार व उद्योजकता मार्गदर्शन केंद्रातर्फे रोजगार मेळावा दि. २९ मे रोजी सकाळी १० वा. जिल्हाधिकारी कार्यालयाच्या परिसरात आयोजिण्यात आला आहे. विविध कंपन्यांत सुमारे सव्वाशे पदे या मेळाव्याद्वारे भरली जातील. पुण्यातील एडीएम जॉईनफ्लेक्स कंपनीत ७० विविध पदे भरली जातील. दहावी, बारावी, आयटीआय, अभियांत्रिकी पदविका किंवा पदवी आदी अर्हताधारकांनी अर्ज करावा. अकोल्यातील छाया रूग्णालयात ११ पदे भरली जाणार असून, बारावी, पदवीधर, एएनएम, जीएनएम, बीएचएमएस आदी अर्हताधारकांना अर्ज करता येईल. अस्पा ग्लोबल कंपनीत किमान १२ वी, तसेच पदवीधरांना नोकरीची संधी आहे. तिथे विविध २० पदे भरण्यात येणार आहेत. ग्रामीण कुटा कंपनीत बारावी उत्तीर्ण किंवा पदवीधरांतून विविध २५ पदे भरली जाणार आहेत. इच्छुकांनी कागदपत्रे व छायाचित्रांसह जिल्हा कौशल्य विकास, रोजगार व उद्योजकता मार्गदर्शन केंद्रात उपस्थित राहावे. अधिक माहितीसाठी (०७२४) २४३३८४९ या दूरध्वनी किंवा ७०२४२४१०९८ किंवा ८९८३४१९७९९ या भ्रमणध्वनी क्रमांकावर संपर्क साध...

  शासकीय रूग्णालयात स्वच्छतेसाठी संस्था नियुक्त अकोला, दि. २३ : शासकीय रूग्णालयाच्या परिसरात स्वच्छता ठेवण्याबाबत स्मार्ट सर्व्हिसेस या बाह्य स्त्रोत संस्थेला जबाबदारी देण्यात आली आहे. स्वच्छता निरीक्षकांनी तातडीने स्वच्छता करून घ्यावी व कायमस्वरूपी स्वच्छता राहण्यासाठी सातत्यपूर्ण कार्यवाही करावी, असे निर्देश शासकीय वैद्यकीय महाविद्यालयाच्या अधिष्ठाता यांनी दिले आहेत. ०००

  मागासवर्गीय विद्यार्थ्यांसाठी शासकीय वसतिगृहात प्रवेश सुरु   अकोला, दि. २३ : सामाजिक न्याय व विशेष सहाय्यक विभागाच्या विद्यार्थी, तसेच विद्यार्थिनींच्या शासकीय वसतिगृहांत विनामूल्य प्रवेश प्रक्रिया सुरू करण्यात आली आहे. अकोला येथील डॉ. बाबासाहेब आंबेडकर मागासवर्गीय मुलांचे वसतिगृह, तसेच बार्शिटाकळी येथील मुलांचे वसतिगृह आणि अकोला येथील १२५ वी जयंती मागासवर्गीय मुलींचे शासकीय वसतिगृह येथे प्रवेश देणे सुरू आहे. या वसतिगृहांत आठवी ते पदवीपर्यंतच्या विद्यार्थ्यांना निवास, न्याहारी व भोजन,   स्टेशनरी भत्ता, गणवेश भत्ता, मासिक निर्वाह भत्ता, अभ्यासिका आदी सुविधा विनामूल्य मिळतात.   बार्शिटाकळी व अकोला येथील मुलांच्या वसतिगृहात प्रवेशासाठी शालेय विद्यार्थ्यांनी दि. १५ जुलैपूर्वी, इयत्ता १० व ११वी नंतरच्या अभ्यासक्रमात प्रवेशित विद्यार्थ्यांनी दि. ३० जुलैपर्यंत आणि १२ वी नंतरच्या पदवीच्या विद्यार्थ्यांनी दि. २४ ऑगस्टपर्यंत ऑनलाईन अर्ज करावा व वसतिगृहात सादर करावा, असे आवाहन गृहपाल के. एम. तिडके (संपर्क ८३०८०५८८३३) यांनी केले.     त्याचप्रमाणे, आदर्श क...

  दिशा समितीची बुधवारी सभा अकोला, दि. २२ : जिल्हा विकास समन्वय व संनियंत्रण समितीची (दिशा समिती) सभा खासदार अनुप धोत्रे यांच्या अध्यक्षतेत बुधवारी (२८ मे) सकाळी ११.३० वा. नियोजनभवनात होणार आहे.   सभेत प्रधानमंत्री ग्रामसडक योजना, राष्ट्रीय सामाजिक सहायता कार्यक्रम, स्वच्छ भारत मिशन, एकात्मिक शक्ती विकास योजना, ग्रामज्योती योजना, मनरेगा, राष्ट्रीय आरोग्य अभियान, प्रधानमंत्री आवास योजना, दीनदयाळ उपाध्याय ग्रामीण कौशल्य योजना, प्रधानमंत्री पीक विमा योजना, ग्रामीण पेयजल कार्यक्रम, प्रधानमंत्री रोजगारनिर्मिती कार्यक्रम, राष्ट्रीय कृषी बाजार आदी विविध केंद्र शासनाच्या योजनांचा आढावा घेण्यात येणार आहे. ०००

  नव्या शैक्षणिक वर्षात शिष्यवृत्तीचे अर्ज १५ जूनपासून स्वीकारणार अकोला दि. 22 : नव्या शैक्षणिक वर्षात अनुसूचित जाती प्रवर्गातील विद्यार्थ्यांसाठी मॅट्रिकोत्तर शिष्यवृत्ती व फ्रीशिप योजनांसाठी अर्ज करण्यासाठी समाजकल्याण कार्यालयाकडून वेळापत्रक जाहीर करण्यात आले आहे. त्यानुसार शिष्यवृत्तीसाठी नवीन व नुतनीकरणाचे अर्ज महाडीबीटी पोर्टलद्वारे दि. १५ जूनपासून ऑनलाईन स्वीकारण्यात येतील.   शासनाकडून अनुसूचित जातीच्या विद्यार्थ्यांसाठी भारत सरकार मॅट्रिकोत्तर शिष्यवृत्ती, राज्य शासनाच्या शिक्षण शुल्क, परिक्षा शुल्क प्रतीपूर्ती योजना, राजर्षी शाहू महाराज मॅट्रिकोत्तर गुणवत्ता शिष्यवृत्ती आणि व्यवसायिक अभ्यासक्रमात शिकत असलेल्या अनुसूचित जातीच्या मुला-मुलींना निर्वाह भत्ता (विद्यावेतन) आदी योजना "महाडीबीटी पोर्टल"व्दारे राबविण्यात येत आहेत. शिष्यवृत्तीसाठी अर्ज हा प्रवेशप्रक्रियेचाच भाग शिष्यवृत्तीकरिता महाडीबीटी पोर्टलवर ऑनलाईन अर्ज करणे ही बाब विद्यार्थ्यांच्या प्रवेश प्रक्रियेचाच भाग आहे. तसा दि. ७ जुलै २०२३ रोजीचा शासन निर्णय आहे. त्यामुळे विद्यार्थ्यांकडून अर्ज भरून घेण...

  ‘जीडीसी अँड ए’ परीक्षा शुक्रवारपासून अकोला, दि. २२ : सहकार, पणन व वस्त्रोद्योग विभागामार्फत ‘गव्हर्मेंट डिप्लोमा इन को-ऑपरेशन अँड अकाऊंटसी’ (जीडीसी अँड ए) व सहकारी गृहनिर्माण व्यवस्थापन प्रमाणपत्र (सीएचएम) दि. २३, २४ व २५ मे रोजी होणार आहे.   जिल्हा सहकारी संस्था उपनिबंधक कार्यालयामार्फत ही प्रक्रिया राबविण्यात येत असून, परीक्षेची वेळ सकाळी १० ते १ आणि दु. २ ते ५ अशी आहे. अकोला, बुलडाणा व वाशिम जिल्ह्यातील १९५ परीक्षार्थी परीक्षा देणार आहेत. खंडेलवाल ज्ञानमंदिर शाळा, श्री इंदिरादेवी मोहनलाल खंडेलवाल मेमोरिअल हायस्कूल, विजय सोसायटी, गोरक्षण रस्ता, अकोला असा परीक्षा केंद्राचा पत्ता आहे.   ही परीक्षा उत्तीर्ण होणा-या परीक्षार्थींना   नागरी सहकारी बँका, नागरी सहकारी पतसंस्था, कृषी उत्पन्न बाजार समिती अशा संस्थांमध्ये नोकरीस प्राधान्य मिळते, तसेच सहकारी संस्थांतील कर्मचा-यांना सेवानियमातील तरतुदीनुसार वेतनवाढ मिळते. सहकारी संस्थांच्या लेखापरीक्षणासाठी शासनाकडून प्रसिद्ध होणा-या लेखा परीक्षकांच्या यादीत नाव समाविष्ट होण्यासाठी ही परीक्षा उत्तीर्ण असणे अनिवार्य ...

  मुर्तिजापुरमधील संस्था अवसायनात आक्षेप दाखल करण्याचे आवाहन   अकोला, दि. 22 : मुर्तिजापुर येथील अभिनव शेती विविध तंत्रज्ञान व समृद्धी सेवा सहकारी संस्था सहायक निबंधकांकडून अंतिम अवसायनात ठरविण्यात आली आहे. अवसायनाबाबत काही स्पष्टीकरण, हरकत, आक्षेप असल्यास एका महिन्यात म्हणणे सादर करावे अन्यथा नोंदणी रद्द होईल, असा इशारा सहायक निबंधक ए.एस.शास्त्री यांनी दिला आहे. 000

  व-हाडात २५ मेपर्यंत वादळी वाऱ्यासह पावसाची शक्यता नागरिकांनी खबरदारी घ्यावी : प्रशासनाचे आवाहन   अकोला, दि.२२ : नागपूरच्या प्रादेशिक हवामान केंद्राने दिलेल्या इशाऱ्यानुसार दि. २२ ते २५ मे या कालावधीत व-हाडातील जिल्ह्यांमध्ये वादळी वाऱ्यांसह विजांचा कडकडाट होऊन पावसाची शक्यता वर्तविण्यात आली आहे. या काळात ३० ते ४० किमी प्रतितास वेगाने वारे वाहण्याची शक्यता असून, काही ठिकाणी सोसाट्याचा वारा, ढगांचा गडगडाट आणि विजा यासह पावसाचा जोर दिसून येण्याची शक्यता आहे. या पार्श्वभूमीवर प्रशासनाने नागरिकांना खबरदारी घेण्याचे आवाहन केले आहे. अत्यावश्यक कारणाशिवाय घराबाहेर पडू नये. जनावरांना झाडांखाली किंवा विजेच्या तारांच्या जवळ बांधू नये. पावसाच्या आणि वीजांच्या संकटापासून वाचण्यासाठी सुरक्षित ठिकाणी आश्रय घ्यावा. झाडांखाली थांबणे टाळावे, मोबाईल फोनचा वापर वीज चमकत असताना करू नये, तसेच शेतकऱ्यांनी आपला शेतमाल व उपकरणे सुरक्षित ठिकाणी ठेवावीत, असेही आवाहन करण्यात आले आहे. आपत्ती व्यवस्थापन आणि संबंधित यंत्रणांनी सतर्क राहून योग्य उपाययोजना करावी, असे निर्देशही जिल्हाधिकारी अजित कु...

  निविष्ठा विक्रीत लिंकिंग आढळल्यास गुन्हे दाखल करणार; राज्यस्तरीय बैठकीत मुख्यमंत्र्यांचा इशारा   शेतकऱ्यांची फसवणूक होता कामा नये   – पालकमंत्री ॲड. आकाश फुंडकर   अकोला, दि. २२ : अकोला जिल्ह्यात बी – बियाणे व खतांच्या कंपन्या कृषी केंद्रांना विक्री करत असताना लिंकिंग करून खाते व बी – बियाण्याची विक्री असल्याचे कारवाईची मागणी राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी मुख्यमंत्री देवेंद्र फडणवीस यांच्याकडे केली होती. त्याची दखल घेत मुख्यमंत्री श्री. फडणवीस यांनी ’अशा प्रकारे लिंकिंग होत असल्यास गुन्हे दाखल करण्यात येतील ’ असा स्पष्ट इशारा राज्यस्तरीय खरीप बैठकीत दिला आहे.   पालकमंत्री ॲड. फुंडकर यांनी दिनांक 17 मे रोजी जिल्हास्तरीय खरीप आढावा बैठकीत खरीप नियोजनाचा आढावा घेतला होता. झालेल्या चर्चेच्या अनुषंगाने जिल्ह्यासाठी आवश्यक निविष्ठा व इतर बाबींबाबत मागणीचे निवेदन पालकमंत्र्यांनी मुख्यमंत्री श्री फडणवीस यांना दिले. त्यानुसार निविष्ठांच्या सुरळीत पुरवठ्याचे निर्देश मुख्यमंत्र्यांनी राज्यस्तरीय बैठकीत दिले आहेत. ...