अकोला संवाद - जिल्हा माहिती कार्यालय अकोला

  एमआयडीसीमध्ये लीड बँकेतर्फे एमएसएमई क्रेडिट आऊटरिच शिबिर अकोला, दि. २० : स्थानिक उद्योजक, सूक्ष्म-लघु उद्योग व्यावसायिक व नवउद्योजकांना व्यवसायवाढीसाठी आवश्यक मार्गदर्शन व अर्थसहाय्य उपलब्ध करून देण्यासाठी सेंट्रल बँक ऑफ इंडियाच्या अकोला कार्यालय आणि इंडस्ट्रीज असोसिएशन यांच्या संयुक्त विद्यमाने एमएसएमई क्रेडिट आऊटरिच शिबिर दि. २१ नोव्हेंबरला सकाळी ११.३० वाजता एमआयडीसीतील अकोला इंडस्ट्रीज असोसिएशनच्या सभागृहात होणार आहे. खासदार अनुप धोत्रे, महाबीजच्या व्यवस्थापकीय संचालक बुवनेश्वरी एस. यांच्यासह अनेक मान्यवर उपस्थित राहतील. एमएसएमईचे कर्ज सुविधा व पात्रता, पंतप्रधान रोजगार निर्मिती कार्यक्रम, मुख्यमंत्री रोजगार निर्मिती कार्यक्रम,मुद्रा व इतर सरकारी योजना, डिजिटल पेमेंट व उद्यम नोंदणी प्रक्रिया, महिला उद्यमीसाठी विशेष योजना, उद्योग वाढीसाठी वित्तीय साक्षरता आदींबाबत मार्गदर्शन करण्यात येणार आहे.         स्थानिक उद्योजक, व्यावसायिक आणि स्टार्ट-अप्सनी या संधीचा लाभ घ्यावा, अधिक माहितीसाठी नजीकच्या सेंट्रल बँक ऑफ इंडियाच्या शाखेशी संपर्क साधावा. असे आवाहन...

    विद्यार्थ्यांच्या गुणवत्ता वाढीसाठी सर्वंकष प्रयत्न करा जिल्हाधिकारी वर्षां मीना   अकोला, दि. 18: विद्यार्थ्यांमध्ये पायाभूत साक्षरता आणि संख्याज्ञान कौशल्ये सुधारण्यासाठी निपुण कार्यक्रम राबवला जातो. जिल्ह्याची स्थिती फारशी समाधानकारक नसून, विद्यार्थ्यांच्या शैक्षणिक गुणवत्तावाढीसाठी शिक्षण यंत्रणा व शिक्षकांनी सर्वंकष प्रयत्न करावेत, असे निर्देश जिल्हाधिकारी वर्षा मीना यांनी आज येथे दिले.   महसूल सभागृहात आयोजित जिल्हास्तरीय निपुण सुकाणू समितीच्या सभेत त्या बोलत होत्या. जिल्हा शिक्षण व प्रशिक्षण संस्थेच्या प्राचार्य रत्नमाला खडके, एकात्मिक बालविकास उपमुख्य कार्यकारी अमित रायबोले आदी उपस्थित होते. जिल्हाधिकारी श्रीमती मीना म्हणाल्या की, विद्यार्थ्यांमध्ये वाचन, लेखन आणि गणित यासारख्या मूलभूत गोष्टींमध्ये प्रभुत्व मिळवण्यासाठी निपुण कार्यक्रम राबवला जातो. राज्याच्या क्रमवारीतील जिल्ह्याचे स्थान पाहता या शैक्षणिक स्थितीत बदल घडवून आणणे आवश्यक आहे. त्यामुळे गुणवत्तावाढीसाठी सर्व घटकांनी जबाबदारीने काम करावे.   जिल्हा शिक्षण व प्रशिक्षण संस्थेचे वरि...

  महिला व बालविकास विभागाचे 100 दिवसांचे अभियान महाराष्ट्र बालविवाहमुक्त करण्यात योगदान द्यावे जिल्हाधिकारी वर्षा मीना बालविवाहाच्या पत्रिका न छापण्याचा मुद्रक संघाचा निर्धार धार्मिक नेते व विविध घटकांचा अभियानात सहभाग अकोला, दि. 18 : महिला व बालविकास विभागाकडून बालविवाहमुक्त महाराष्ट्र अभियानात सर्व विभाग, धार्मिक नेते,स्थानिक स्वराज्य संस्था, शैक्षणिक संस्था, स्वयंसेवी संघटना व नागरिक यांना एकत्र आणण्यात येत आहे.   त्यासाठी दि. 26 जानेवारीपर्यंत विविध कार्यक्रम राबविण्यात येणार असून, सर्वांनी समन्वयाने कार्य करून महाराष्ट्र बालविवाहमुक्त करण्यात योगदान द्यावे, असे आवाहन जिल्हाधिकारी वर्षा मीना यांनी आज येथे केले.   बालविवाहमुक्त महाराष्ट्र या 100 दिवसांच्या मोहिमेच्या अनुषंगाने बैठक जिल्हाधिका-यांच्या अध्यक्षतेत झाली, त्यावेळी त्या बोलत होत्या. जिल्हा बालसंरक्षण अधिकारी राजू लाडुलकर, समिती सदस्य, बालकांच्या क्षेत्रात कार्य करणा-या स्वयंसेवी संस्थांचे प्रतिनिधी, धार्मिक नेते यांच्यासह विवाहासंबंधित सेवा पुरवठादार हॉलमालक, मंडपमालक, लग्न पत्रिका छापणारे म...

    बालगृहातील 110 मुलांचा चित्रकला स्पर्धेत सहभाग अकोला, दि. 17: महिला व बालविकास विभाग, बाल संरक्षण कक्ष, सुर्योदय बालगृह, मैत्री नेटवर्क, सुखाय फाऊंडेशन व एन्करेज एज्युकेशनल फाऊंडेशनतर्फे बालहक्क सप्ताहानिमित्त सुर्योदय बालगृहाच्या प्रांगणात रविवारी चित्रकला स्पर्धा घेण्यात आली. त्यात बालगृहातील 110 मुलांना सहभागी होऊन सुंदर चित्रे रेखाटली. उपक्रमाचा उद्देश स्पर्धेचा नसून, मुलांच्या गुणांना वाव देणे हा आहे. खेळात हार-जीत महत्वाची नसून, सहभागी होणे हेच महत्वाचे आहे, असे प्रतिपादन जिल्हा विधी सेवा प्राधिकरणाच्या सचिव न्या. रोशनी बन्सल यांनी यावेळी केले.     जिल्हा महिला व बालविकास अधिकारी गिरीश पुसदकर, ॲड. अनिता गुरव, प्रांजली जयस्वाल, सारिका वानखडे, नितेंद्र उंबरकर, राजू लाडुलकर आदी उपस्थित होते. सुर्योदय बालगृहाचे अधिक्षक शिवराज खंडाळकर पाटील यांनी प्रास्ताविक केले. राधा कात्रे, दिव्या जी., सपना खंडारे, गौरी सरोदे,   दिनेश लोहकार, पद्माकर मोरे, ऋतुजा घ्यार, दीपक लुंगे,जयश्री इखारे, रेखा बावणे, सचिन सातपुते, राधिका कोरडे, आम्रपाली अंभोरे, साधना इंगळ...

  जि. प. व पं. स. निवडणूकीसाठी     निवडणूक निर्णय अधिका-यांच्या नियुक्त्या अकोला, दि. 17: जिल्हा परिषद व पंचायत समित्यांच्या सार्वत्रिक निवडणुकीसाठी निवडणूक निर्णय अधिका-यांच्या नियुक्त्या करण्यात आल्या आहेत. जिल्हाधिकारी वर्षा मीना यांनी याबाबतचा आदेश जारी केला. पातूर पंचायत समिती क्षेत्रासाठी निवडणूक निर्णय अधिकारी म्हणून उपजिल्हाधिकारी जोगेंद्र कट्यारे व सहायक निवडणूक निर्णय अधिकारी म्हणून तहसीलदार डॉ. राहूल वानखडे काम पाहतील. अकोटसाठी निवडणूक निर्णय अधिकारी म्हणून तहसीलदार डॉ. सुनील चव्हाण व सहा. निवडणूक निर्णय अधिकारी म्हणून गटविकास अधिकारी माया वानखडे काम पाहतील. मूर्तिजापूरसाठी तहसीलदार शिल्पा बोबडे या निवडणूक निर्णय अधिकारी व गटविकास अधिकारी मिलींद मोरे हे सहा. निवडणूक निर्णय अधिकारी आहेत.     अकोला पं. स. क्षेत्रात उपविभागीय अधिकारी डॉ. शरद जावळे हे निवडणूक निर्णय अधिकारी व तहसीलदार गौरी धायगुडे हे सहा. नि. नि. अधिकारी असतील. बाळापूर क्षेत्रासाठी उपविभागीय अधिकारी डॉ. संतोष येवलीकर हे निवडणूक निर्णय अधिकारी व सहायक नि. नि. अधिकारी म्हणून बंडू ...

  शिक्षक मतदारसंघ निवडणूक प्रारूप मतदार यादी 3 डिसेंबरला प्रसिद्ध होणार निवडणूक आयोगाकडून सुधारित कार्यक्रम अकोला, दि. 14 : शिक्षक   मतदार संघासाठी 1.11.2025   अर्हता   दिनांकावर आधारित मतदारयाद्या   नव्‍याने तयार करण्याचा नोंदणी कार्यक्रम सुरू आहे. मतदार नोंदणीसाठी प्राप्त अर्जांवर कार्यवाही पूर्ण होण्यासाठी पुरेसा अवधी मिळण्यासाठी प्रारूप मतदारयादी प्रसिद्ध करण्याची तारीख वाढविण्यात आली आहे. तसा सुधारित कार्यक्रम भारत निवडणूक आयोगाने जाहीर केला आहे. सुधारित कार्यक्रमानुसार, प्राप्त अर्जांनुसार प्रारूप मतदारयाद्या तयार करणे, छपाई आदी कार्यवाही दि. 28 नोव्हेंबरपर्यंत पूर्ण होईल. प्रारूप मतदारयाद्यांच्या प्रसिद्धीचा दिनांक 3 डिसेंबर (बुधवार) असा करण्यात आला आहे. दि. 3 ते 18 डिसेंबर दरम्यान दावे, हरकती स्वीकारण्याचा कालावधी असेल. मतदारयादीच्या अंतिम प्रसिद्धीचा दिनांक 12 जानेवारी (सोमवार) असा करण्यात आला आहे. ०००

श्री गुरू तेग बहादूर यांच्या   350   व्या शहिदी समागम कार्यक्रमाचे आयोजन देशभर कार्यक्रम; स्थानिक स्तरावरही कार्यक्रमाचे आयोजन अकोला, दि. १४ :   ' हिंद दी चादर श्री गुरू तेग बहादूर '   यांच्या ३५० व्या शहिदी समागम वर्षानिमित्त देशभर विविध प्रबोधनपर कार्यक्रमाचे आयोजन करण्यात येणार आहे. यानिमित्त प्रधानमंत्री नरेंद्र मोदी आणि मुख्यमंत्री देवेंद्र फडणवीस यांच्या प्रमुख उपस्थितीत मुख्य कार्यक्रमाचे आयोजन नांदेड येथे करण्यात आले असल्याची माहिती ‘हिंद दी चादर श्री गुरू तेग बहादूर ३५० व्या शहिदी समागम’ राज्यस्तरीय समितीने दिली आहे.   समितीच्या उपस्थितीत स्थानिक समिती व समाजबांधवांच्या उपस्थितीत बैठक नियोजनभवनात झाली. राज्य समितीचे नियंत्रक सुखविंदर सिंग, पंजाबी साहित्य अकादमीचे प्रमुख मलकितसिंग बल, सहसमन्वयक जसपालसिंग सिद्धू, चरणजीतसिंग, विदर्भ क्षेत्रीय समितीचे अध्यक्ष गुरमितसिंग खोकर, परमजीतसिंग भट्टी, अनमोलसिंह बछेर, अधिक्षक श्याम धनमने यांच्यासह अनेक मान्यवर उपस्थित होते.   श्री गुरू तेग बहादूर हे शीख समाजाचे नववे गुरू आहेत. मानवाधिकारांच्या सुरक्...

  केंद्रीय राज्यमंत्री प्रतापराव जाधव यांचा अकोला जिल्हा दौरा अकोला, दि. 14 : केंद्रीय आरोग्य व कुटुंब कल्याण राज्यमंत्री प्रतापराव जाधव हे शनिवार दि. 15 नोव्हेंबर रोजी अ.कोला जिल्ह्याच्या दौऱ्यावर येत आहेत. त्यांचा दौरा खालीलप्रमाणे: शनिवार, दि. 15 नोव्हेंबर रोजी दुपारी 2.30 वाजता शासकीय विश्रामभवन, अकोला येथे आगमन. दुपारी 3 वाजता मा. पंतप्रधान नरेंद्र मोदी यांच्या शुभहस्ते भगवान बिरसा मुंडा यांचे 150 व्या जयंतीनिमित्त जनजागृती गौरव वर्ष अंतर्गत राज्यस्तरीय आदिवासी सांस्कृतिक महोत्सवाचे व्हिडीओ कॉन्फरन्सद्वारे उद्घाटन कार्यक्रमास उपस्थिती. (स्थळ : जिल्हा नियोजन समिती कार्यालय, जिल्हाधिकारी कार्यालय, अकोला). सोयीनुसार मातोश्री, शिवाजीनगर, मेहकरकडे प्रस्थान. ००००

    अतिवृष्टीबाधित शेतक-यांना मदतीचे वितरण ऑगस्ट – सप्टें.मधील अतिवृष्टीबाधितांना 255 कोटी मदत निधीचे वितरण अतिवृष्टी व पूर बाधितांना रब्बी हंगाम बियाण्यासाठी 191 कोटी मदत अकोला, दि. 14 : जिल्ह्यात ऑगस्ट व सप्टेंबर महिन्यात अतिवृष्टी, पावसाने झालेल्या नुकसानीच्या अनुषंगाने एकूण 2 लक्ष 70 हजार शेतक-यांना 255 कोटी 15 लक्ष 67 ह. मदत वितरण, तसेच अतिवृष्टी व पुरामुळे बाधित 2 लक्ष 21 हजार 707 शेतक-यांना रब्बी हंगामासाठी बियाणे व इतर बाबींकरिता प्रतिहेक्टरी रू. 10 हजार रू. प्रमाणे   191 कोटी 43 लक्ष डीबीटी पद्धतीने मदत वितरण झाले. अतिवृष्टी आणि पुरामुळे निर्माण झालेल्या आपत्तीच्या पार्श्वभूमीवर शासनाने मदत व सवलती जाहीर केल्या. जिल्ह्याचे पालकमंत्री ॲड. आकाश फुंडकर यांनीही यासंदर्भात बैठका घेऊन सविस्तर पंचनामे करण्याचे निर्देश प्रशासनाला दिले. त्यानुसार ऑगस्ट-सप्टेंबरमधील नुकसानीच्या अनुषंगाने मदत वितरण व रब्बी हंगाम बियाणे आदींसाठी मदतीची वितरण प्रक्रिया प्रशासनाने राबवली.   ऑगस्टमधील अतिवृष्टीने शेतीपिकांचे (2 हे. पर्यंत) झालेल्या नुकसानीच्या अनुषंगाने 1 लक्ष ...

  बालदिनानिमित्त जिल्हाधिकारी कार्यालयात स्वाक्षरी अभियान अकोला, बाल दिनानिमित्त बालकांची हक्क व अधिकार याबाबत जनजागृतीसाठी महिला व बालविकास विभागातर्फे स्वाक्षरी अभियान जिल्हाधिकारी कार्यालयात राबविण्यात आले. जिल्हाधिकारी वर्षा मीना यांनी स्वाक्षरी करून अभियानाचा शुभारंभ केला. बालकांसाठी समाजात, परिसरात सुरक्षित, आनंददायी वातावरण निर्माण करणे ही आपल्या सर्वांची जबाबदारी आहे. बालकांचे हक्क, स्वातंत्र्य या मूल्यांची जपणूक करतानाच त्यांच्या विकासासाठी पोषक वातावरण निर्माण करणे आवश्यक आहे, असे प्रतिपादन जिल्हाधिकारी श्रीमती मीना यांनी यावेळी केले. जिल्हा महिला व बालविकास अधिकारी गिरीश पुसतकर, सुनील लाडुलकर व इतर अधिकारी कर्मचारी उपस्थित होते.