जि. प. व पं. स. निवडणूकीसाठी निवडणूक निर्णय अधिका-यांच्या नियुक्त्या

 

जि. प. व पं. स. निवडणूकीसाठी   

निवडणूक निर्णय अधिका-यांच्या नियुक्त्या

अकोला, दि. 17: जिल्हा परिषद व पंचायत समित्यांच्या सार्वत्रिक निवडणुकीसाठी निवडणूक निर्णय अधिका-यांच्या नियुक्त्या करण्यात आल्या आहेत.

जिल्हाधिकारी वर्षा मीना यांनी याबाबतचा आदेश जारी केला. पातूर पंचायत समिती क्षेत्रासाठी निवडणूक निर्णय अधिकारी म्हणून उपजिल्हाधिकारी जोगेंद्र कट्यारे व सहायक निवडणूक निर्णय अधिकारी म्हणून तहसीलदार डॉ. राहूल वानखडे काम पाहतील. अकोटसाठी निवडणूक निर्णय अधिकारी म्हणून तहसीलदार डॉ. सुनील चव्हाण व सहा. निवडणूक निर्णय अधिकारी म्हणून गटविकास अधिकारी माया वानखडे काम पाहतील. मूर्तिजापूरसाठी तहसीलदार शिल्पा बोबडे या निवडणूक निर्णय अधिकारी व गटविकास अधिकारी मिलींद मोरे हे सहा. निवडणूक निर्णय अधिकारी आहेत. 

 

अकोला पं. स. क्षेत्रात उपविभागीय अधिकारी डॉ. शरद जावळे हे निवडणूक निर्णय अधिकारी व तहसीलदार गौरी धायगुडे हे सहा. नि. नि. अधिकारी असतील. बाळापूर क्षेत्रासाठी उपविभागीय अधिकारी डॉ. संतोष येवलीकर हे निवडणूक निर्णय अधिकारी व सहायक नि. नि. अधिकारी म्हणून बंडू पजई, बार्शिटाकळीसाठी उपजिल्हाधिकारी विजय पाटील हे निवडणूक निर्णय अधिकारी व ना. तहसीलदार अतुल सोनवणे हे सहा. नि. नि. अधिकारी असतील.

 तेल्हा-यासाठी निवडणूक निर्णय अधिकारी म्हणून तहसीलदार श्याम धनमने व सहायक नि. नि. अधिकारी म्हणून गटविकास अधिकारी अशोक बांगर यांना जबाबदारी देण्यात आली आहे.

०००