जिल्हा काम वाटप समितीची बैठक दि.20 फेब्रुवारी रोजी
अकोला, दि.17(जिमाका)- जिल्ह्यातील सुशिक्षित
बेरोजगार सेवा सहकारी संस्थांना तीन लाख रुपये मर्यादेच्या आतील कामांचे वाटप
करण्याकरिता अध्यक्ष,जिल्हा काम वाटप समिती तथा मुख्‍य कार्यकारी अधिकारी, जिल्हा
परिषद अकोला यांचे अध्‍यक्षेतेखाली सोमवार दि. 20 फेब्रुवारी रोजी दुपारी 4 वाजता
बैठकीचे आयोजन करण्यात आले आहे. मुख्‍य कार्यकारी अधिकारी, जिल्हा परिषद अकोला
यांचे दालनात ही बैठक होणार आहे.
जिल्हा स्त्री रुग्णालय,
अकोला येथे दुचाकी, चारचाकी वाहनांकरिता वाहनतळाचे शासन निर्णयान्‍वये तीन लाख
रुपयांच्या आतील प्रस्तावित कामाचे वाटप करण्यात येणार आहे. त्यासाठी
जिल्ह्यातील सर्व सुशिक्षित बेरोजगार सेवा सहकारी संस्‍थाना प्रस्तावित काम करण्‍यास
इच्‍छूक तसेच जिल्हा काम वाटप समितीच्‍या अटी व शर्तीनुसार पात्र असल्‍यास आपले
प्रस्ताव व संमतीपत्रासह बैठकीस हजर राहावे, असे आवाहन जिल्हा कौशल्‍य विकास,
रोजगार व उद्योजकता मार्गदर्शन केंद्राचे सहायक आयुक्‍त यांनी केले आहे.
000000
टिप्पण्या
टिप्पणी पोस्ट करा