जिल्हास्तरीय स्थानिक तक्रार समिती सदस्य निवडीकरीता प्रस्ताव मागविले
अकोला,दि. 8(जिमाका)- कामाच्या ठिकाणी माहिलांचे लैंगीक
छळापासून संरक्षण अधिनियमानुसार जिल्हास्तरावर स्थानिक तक्रार निवारण समिती सदस्य निवडीकरीता
प्रस्ताव मागविले आहे. या समितीमध्ये एक अध्यक्ष व सदस्यांची निवड करण्यात येणार आहे.
पात्र इच्छुक व्यक्तींनी दोन प्रतीत प्रस्ताव सादर करावा, असे आवाहन जिल्हा महिला
व बालविकास अधिकारी विलास मरसाळे यांनी केले आहे.
सदस्यांकरिता अटीशर्ती याप्रमाणे :
अध्यक्ष पदाकरीता सामाजिक कार्य, महिला
सशक्तीकरण, विशिष्ट ठिकाणी महिलांच्या छळाबाबत पाच वर्षाचा काम केल्याचा अनुभव आवश्यक.
महिलांच्या सोयीसाठी बांधील व समस्यांबाबत परिचित असलेली महिला असावी. तसेच श्रम रोजगार
सेवा तथा दिवाणी फौजदारी कायद्याचे ज्ञान असणे आवश्यक राहिल.
सदस्य पदाकरीता अशासकीय संघटना,
संघ, महिला समस्यांसंबधित प्रश्नांशी परिचित व कायद्याचे ज्ञान असलेली व्यक्ती
पात्र राहिल. एससी, एसटी, ओबीसी किंवा अल्पसंख्याक
समाजातील महिला असावी. तसेच कायद्याचे ज्ञान असल्यास प्राधान्य राहिल. महिलांकरिता
पाच वर्ष सामाजिक कार्याचा अनुभव असावा. याबाबत पेपर कात्रणे व कामकाजाची
कागदपत्रे प्रस्तावासोबत जोडावी.
अध्यक्ष
किंवा सदस्य पदाकरीता पात्र असणाऱ्या व्यक्तीवर कुठलाही गुन्हा नोंद नसल्याचे पोलीस
अधिक्षक कार्यालयाचे चारित्र्य पडताळणी प्रमाणपत्र व जिल्हादंडाधिकारी यांचे विना
दुराचार प्रमाणपत्र जोडणे आवश्यक राहिल. पात्र इच्छुक व्यक्तींनी परिपुर्ण प्रस्ताव
जिल्हा माहिला व बाल विकास अधिकारी कार्यालय, अकोला यांचेकडे 30 दिवसांच्या आत सादर करावा, असे आवाहन करण्यात येत आहे.
०००००
टिप्पण्या
टिप्पणी पोस्ट करा