कावड पालखी उत्सवःमंडळ प्रतिनिधींची मंगळवारी (दि.2 ऑगस्ट) बैठक

अकोला दि.28(जिमाका)-    श्रावण महिन्याच्या शेवटच्या सोमवारी राजराजेश्वर महादेव मंदिरात कावड पालखी उत्सवाचे आयोजन करण्यात येते. या उत्सवाचे आयोजन, कायदा व सुव्यवस्था, रहदारीचे नियमन यासंदर्भात मंगळवार दि.२ ऑगस्ट रोजी कावड पालखी मंडळ उत्सव प्रतिनिधींची बैठक आयोजीत करण्यात आली आहे. ही बैठक दि. 2 ऑगस्ट रोजी सायंकाळी चार वा. जिल्हा नियोजन सभागृहात होणार आहे. या बैठकीस मंडळाच्या प्रतिनिधींनी उपस्थित रहावे,असे आवाहन अपर जिल्हादंडाधिकारी संजय खडसे यांनी केले आहे.

०००००