आंतरराष्ट्रीय कौशल्य स्पर्धा २०२१: इच्छुक उमेदवारांना नोंदणी करण्याचे आवाहन

            अकोला, दि.१३(जिमाका)- सन २०२१ मध्ये ‘World Skill Competition-2021’ (China-Shanghai) येथे आयोजीत करण्यात येणार आहे. त्याच्या पूर्व तयारीसाठी राज्यस्तरावर Skill Competition चे आयोजन करण्यात आले आहे, या स्पर्धेसाठी इच्छुक उमेदवारांनी नाव नोंदणी करावी असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्‍त द.ल.ठाकरे यांनी केले आहे.

            यासंदर्भात त्यांनी दिलेली माहिती अशी की, आंतरराष्ट्रीय कौशल्य स्पर्धा २०२१ साठी देशाचे नामांकन निश्चित करण्यासाठी दि. १७ व १८ ऑगस्ट रोजी जिल्हास्तरावर, दि. २२ ते २४ ऑगस्ट दरम्यान विभागीय स्तरावर व दि. ३ ते ५ सप्टेंबर दरम्यान राज्यस्तरावर कौशल्य स्पर्धांचे आयोजन करण्यात आले आहे. या स्पर्धेत सहभागी होण्यासाठी दि.१५ पर्यंत नोंदणी पुन्हा सुरू करण्यात आली आहे. इच्छुक व पात्र उमेदवारांसाठी खाली दिलेल्या लिंकव्दारे नोंदणी करावी.

https://docs.google.com/forms/d/e/1FAIpQLScc9hV8zb9-eIBlPWfEYny_XK0485eibd8vzLbX24LphXPQDw/viewform

            स्पर्धेच्या अधिक माहितीसाठी खालील संकेतस्थळांना भेट द्यावी

https://kaushalya.mahaswayam.gov.in/

https://worldskillsindia.co.in/worldskill/world/

https://worldskillsindia.co.in/kazan2019.php

            इच्छुक उमेदवारांनी स्पर्धेबाबत अधिक माहिती करीता  संकेतस्‍थळांना भेट द्यावी तसेच  सोबत देण्यात आलेल्या लिंकवर क्लिक करून आपली परिपूर्ण माहिती भरावी, तसेच याबाबत काही अडचण आल्‍यास कार्यालयाच्‍या ०७२४-२४३३८४९ या दुरध्‍वनी क्रमांकावर संपर्क साधावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्र सहायक आयुक्‍त द.ल.ठाकरे यांनी केले आहे.

०००००