विशेष लेखः- कोरोना प्रादुर्भाव काळात ज्येष्ठांनी घ्यावयाची काळजी
अकोला,दि.१५ (जिमाका)- कोरोना विषाणू
संसर्गाला सर्वाधिक बळी पडण्याची शक्यता ही ज्येष्ठ नागरिकांची असते. त्यातही जर
त्यांना पुर्वीच्या आजारांचा दीर्घ इतिहास असेल तर ही शक्यता अधिक होते बळावते.
त्यासाठी भारत सरकारच्या आरोग्य व कुटुंब
कल्याण मंत्रालय व नवी दिल्लीच्या अखिल
भारतीय वैद्यकीय संस्थान दिल्ली यांनी काही
मार्गदर्शक सुचना जारी केल्या आहेत. त्या याप्रमाणे-
काय कराल?
·
शक्यतो पूर्णवेळ घरातच रहा.
·
आगंतुकांना भेटणे टाळा, आवश्यकता भासल्यास किमान एक मिटरचे अंतर राखा.
·
एकटेच रहात असाल तर शेजाऱ्यांच्या संपर्कात रहा.
·
कोणत्याही प्रकारचे एकत्रिकरण टाळा.
·
घरातल्या घरात सक्रिय रहा ,हलके व्यायाम, योगासने करा.
·
जेवणा आधी , जेवणानंतर, स्वच्छतागृहातून आल्यानंतर किमान २०
सेकंद साबणाने स्वच्छ हात धुवा.
·
वारंवार हाताळल्या जाणाऱ्या वस्तू उदा. चष्मा, मोबाईल इ.
सतत स्वच्छ करा.
·
शिंकताना, खोकतांना नाका तोंडावर हातरुमाल अथवा टिश्युपेपर
धरा. वापरलेला टिश्युपेपर बंद कचरा पेटीत टाका. वापरलेला हातरुमाल साबणाने धुवा.
·
घरी बनवलेले ताजे, गरम, पौष्टीक अन्न खा, भरपूर पाणी प्या,
फळांचे रस प्या.
·
आपल्या आजारांची
पूर्वीपासून सुरु असलेली औषधे डॉक्टरांच्या सल्ल्याने नियमित घेत रहा.
·
स्वतःच्या तब्येतीत होणाऱ्या बदलांकडे लक्ष देऊन नोंद ठेवा.
·
ताप,सर्दी, खोकला येत असल्यास श्वास घेण्यास अडचण येत
असल्यास तात्काळ जवळच्या आरोग्य केंद्रास भेट द्या.
·
आपण सोबत रहात नसलेल्या नातेवाईकांशी दूरध्वनीवरुन संपर्कात
रहा.
·
सर्दी, खोकला, ताप इ. लक्षणे असलेल्या व्यक्तीच्या संपर्कात
येऊ नका.
·
हस्तांदोलन, अलिंगन टाळा.
·
स्वतःच्या मनाने औषधे घेणे टाळा.
·
दवाखान्यात वारंवार जाण्याऐवजी दूरसंभाषण करुन डॉक्टरांचे मार्गदर्शन घ्या.
·
सतत अंथरुणात झोपून राहू नका.
वयोवृद्धांची काळजी घेणाऱ्या लोकांनी घ्यावयाची काळजी
·
वृद्धांना मदत करण्याआधी स्वतःचे हात धुवा.
·
वृद्धांच्या संपर्कात असाल तेव्हा नाक, तोंड
पुरेसे झाकलेले असावे.
·
वृद्धांनी वेळेवर व पुरेसे जेवण , पुरेसे
पाणी पिण्याबाबत खात्री करा. त्यांच्या तब्येतीचे निरिक्षण करा.
-
संकलनः जिल्हा माहिती कार्यालय, अकोला.
०००००
टिप्पण्या
टिप्पणी पोस्ट करा