थुंकणाऱ्यांवर दंडात्मक कारवाईचे आदेश
अकोला,दि.१५(जिमाका)- कोरोना विषाणू संसर्गाच्या प्रतिबंधासाठी लागू करण्यात
आलेल्या संचार बंदी व साथरोग प्रतिबंधात्मक आदेशांचे पालन कडक करण्यासाठी आता
सार्वजनिक ठिकाणी थुंकणारे, सार्वजनिक ठिकाणी मास्क न वापरणारे व सोशल
डिस्टन्सिंगचा अवलंब न करणाऱ्याविरुद्ध दंडात्मक कारवाई करण्याचे आदेश अपर
जिल्हादंडाधिकारी संजय खडसे यांनी दिले आहेत. या आदेशानुसार, थुंकणाऱ्यास ३००
रुपये, मास्क न वापरणे २०० रुपये, जीवनावश्यक वस्तूंच्या दुकानांजवळ सोशल
डिस्टन्सिंगचे पालन न करणारे दुकानदार व ग्राहक यांना २०० रुपये प्रति ग्राहक व
दुकानदारास दोन हजार रुपये दंड ठोठावण्याची कारवाई करावी. ही कारवाई स्थानिक
स्वराज्य संस्था आपापल्या क्षेत्रात करतील, असेही आदेशात म्हटले आहे.
टिप्पण्या
टिप्पणी पोस्ट करा