शासकीय,स्थानिक स्वराज्य संस्था, खाजगी आस्थापनांना मनुष्यबळाचे त्रैमासिक विवरणपत्र सादर करणे बंधनकारक
अकोला,दि.१३ (जिमाका)- केंद्र व राज्य शासन ,
अंगीकृत उद्योग , व्यवसाय , महामंडळे,
स्थानिक स्वराज्य संस्था, जिल्हा परिषद, पंचायत
समिती, महानगर पालीका , नगरपालीका
, तसेच खाजगी
क्षेत्रातील आस्थापनांना मनुष्यबळाचे
त्रैमासिक विवरणपत्र सादर करणे बंधनकारक असून ‘महास्वंयम’ या वेबसाईटवर ही माहिती भरता येईल, असे सहायक आयुक्त, जिल्हा कौशल्य विकास , रोजगार व उद्योजकता मार्गदर्शन केंद्र सु.रा.झळके यांनी कळविले आहे.
या संदर्भात दिलेल्या माहित पत्रकात म्हटले आहे की, सर्व सरकारी तसेच खाजगी आस्थापना , उदयोग , व्यापार , व्यवसाय , कारखाने २५ किंवा त्यापेक्षा अधिक लोक काम
करतात त्यांना सेवायोजन कार्यालये यांनी रिक्तपदे अधिसुचीत करण्याची सक्ती
करणारा कायदा १९५९ व त्या अंतर्गत नियमावली १९६० नुसार नियोक्त्यांना त्यांचे लॉगइन मधून हे विवरणपत्र https://rojgar.mahaswayam.gov.in या चवेबपोर्टलवर ऑनलाईन तिमाही
विवरण (ईआर-१) पत्र सादर करण्याची सुविधा उपलब्ध आहे. या वेबसाइटच्या एम्प्लॉयर (लिस्ट अ जॉब) वर क्लिक
करुन एम्प्लॉयर लॉगइनवर युजर आयडी व पासवर्डने आपले लॉगइनमधून ईआर रिपोर्ट मध्ये ई-आर-१ या ऑप्शन
वर क्लिक करुन तिमाही
विवरणपत्र ऑनलाईन सादर करणे आवश्यक आहे.तांत्रिक अडचण आल्यास akolaroigar@gmail.com या ईमेल वर संपर्क
करावा. दि.३१ मार्च २०२० या
तिमाही अखेर वेतनपटावर असलेल्या सर्व मनुष्यबळाची माहितीचे विवरण ई-आर-१ या विवरणपत्रात ३० एप्रिल
२०२० पर्यत महास्वंयम वेबसाईटवर ऑनलाईन सादर करणे अनिवार्य आहे,असे आवाहन सहायक आयुक्त , जिल्हा कौशल्य विकास , रोजगार व उद्योजकता मार्गदर्शन केंद्र सु.रा.झळके यांनी
केले आहे.
टिप्पण्या
टिप्पणी पोस्ट करा