अकोला संवाद - जिल्हा माहिती कार्यालय अकोला

  जिल्ह्यात पुढील चार दिवस पावसाची शक्यता हवामान केंद्राचे अनुमान अकोला, दि. ३० : नागपूरच्या प्रादेशिक हवामान केंद्रातर्फे अकोला व नजिकच्या जिल्ह्यांत आजपासून (३० जून) दि. ४ जुलैपर्यंत अतिवृष्टी व पावसाची शक्यता वर्तविण्यात आली आहे. वीज   व   पावसापासून   बचावाकरीता   सुरक्षित   ठिकाणी   आश्रय   घेण्‍यात   यावा.   अशा स्थितीत   झाडाखाली   आश्रय   घेऊ   नये. या कालावधीत रस्त्याचे अंडरपास, नाल्या, खड्डे, सखल भाग किंवा पाणी साठते अशा जागेवर जाणे टाळावे. पूर आलेल्या पुलावरून जाऊ नये. जनावरांना झाडांना किंवा वीजेच्या तारेखाली बांधू नये. वीज चमकताना   मोबाईल व वीज उपकरणे बंद ठेवावी. वाहन वीजेच्या खांबापासून दूर ठेवावे. वीज पडण्याची सूचना मिळविण्यासाठी दामिनी ॲप डाऊनलोड करावे, असे आवाहन करण्यात आले आहे.   ०००

  महिला व बालविकास कार्यालय नव्या जागेत अकोला, दि. ३० : जिल्हा महिला व बालविकास कार्यालय आता जिल्हाधिकारी कार्यालय परिसरातून महिला व बालविकास भवन या नव्या जागेत स्थलांतरित झाले आहे.   या कार्यालयाबरोबरच जिल्हा बाल संरक्षण कक्षही महिला व बालविकास भवनात स्थलांतरित झाला आहे. या दोन्ही कार्यालयांचे नव्या जागेत कामकाज दि. १ जुलैपासून सुरू होईल. महिला व बालविकास भवन ही वास्तू माध्यमिक शिक्षणाधिकारी कार्यालयानजिक श्री संतोषी मातेच्या देवळालगत आहे. संबंधितांनी नोंद घेण्याचे आवाहन जिल्हा महिला व बालविकास अधिकारी गिरीश पुसदकर यांनी केले आहे. ०००

  https://wa.link/o93s9m ‘विकसित महाराष्ट्र २०४७’ : व्हिजन डॉक्युमेंट निर्माण होणार सर्वेक्षण सुरू; नागरिकांनी ऑनलाईन प्रश्नावली भरण्याचे आवाहन अकोला, दि. ३० : मुख्यमंत्री देवेंद्र फडणवीस यांच्या नेतृत्वाखाली, उपमुख्यमंत्री एकनाथ शिंदे, उपमुख्यमंत्री अजित पवार यांच्या मार्गदर्शनाखाली ‘विकसित भारत’च्या अनुषंगाने महाराष्ट्र सरकार ‘विकसित महाराष्ट्र २०४७’ साठी व्हिजन डॉक्युमेंट तयार करण्यात येत असून,नागरिकांच्या आकांक्षा प्रतिबिंबित होण्यासाठी नागरिक सर्वेक्षण केले जात आहे.   या सर्वेक्षणाद्वारे, नागरिकांना सहभागी होण्यासाठी आणि विकसित महाराष्ट्र २०४७ च्या व्हिजनला आकार देण्यासाठी आमंत्रित करण्यात येत आहे.   या सर्वेक्षणात ७ सोपे प्रश्न विचारले आहेत. आपण ऑप्शन्स निवडू शकता, लिहू शकता आणि आवाज रेकॉर्ड करू शकता.विकसित भारत च्या अनुषंगाने महाराष्ट्र सरकार विकसित महाराष्ट्र २०४७ साठी एक व्हिजन डॉक्युमेंट तयार करीत आहे. नागरिकांच्या आकांक्षा प्रतिबिंबित होण्यासाठी नागरिक सर्वेक्षण केले जात आहे.   या सर्वेक्षणाद्वारे, नागरिकांना सहभागी होण्यासाठी आणि विकसित ...

    जिल्ह्यात जून महिन्यात सरासरीपेक्षा जास्त पाऊस अकोला, दि. ३० : अकोला जिल्ह्याचे सरासरी पर्जन्यमान १३६.९ मिमी आहे. यंदा जून महिन्यात १५५.८ मिमी पाऊस झाला आहे. हा पाऊस सरासरीच्या ११३.८ टक्के आहे. गतवर्षी जून महिन्यात हेच प्रमाण १३९ मिमी (सरासरीच्या १०१.५ टक्के) होते. जिल्ह्यातील पाच तालुक्यांत १०० टक्क्यांहून अधिक पाऊस झाला आहे.   आपत्ती व्यवस्थापन कक्षातर्फे दि. ३० जून रोजी सकाळी १० वा. प्राप्त माहितीनुसार, जून महिन्याचे तालुकानिहाय पर्जन्यमान खालीलप्रमाणे   : अकोट तालुक्यातील सरासरी पर्जन्यमान १२४.५ मिमी आहे. अकोट तालुक्यात यंदा जून महिन्यात १५३.६ मिमी पाऊस झाला आहे. हा पाऊस सरासरीच्या १२३.३ टक्के आहे. गतवर्षी जून महिन्यात हेच प्रमाण १८०.८ मिमी (सरासरीच्या १४५.१ टक्के) होते. तेल्हारा तालुक्यातील सरासरी पर्जन्यमान १२० मिमी आहे. तेल्हारा तालुक्यात यंदा जून महिन्यात १६३.२ मिमी पाऊस झाला आहे. हा पाऊस सरासरीच्या १३६.१ टक्के आहे. गतवर्षी जून महिन्यात हेच प्रमाण १३४.२ मिमी (सरासरीच्या १११.९ टक्के) होते. बाळापूर तालुक्यातील सरासरी पर्जन्यमान १३०.१ मिमी व ता...

  ज्येष्ठ साहित्यिक व कलावंत मानधनासाठी अर्ज करण्याची मुदत ३१ जुलैपर्यंत   अकोला, दि. ३० : राजर्षी छत्रपती शाहू महाराज ज्येष्ठ साहित्यिक व कलावंत मानधन सन्मान योजना कलावंत व साहित्यिकांसाठी राबविण्यात येते. पात्र व्यक्तींनी ३१ जुलैपूर्वी अर्ज करण्याचे आवाहन जिल्हा परिषदेचे उपमुख्य कार्यकारी अधिकारी समाधान वाघ यांनी केले आहे. पात्रतेनुसार, अर्जदाराचे वय ५० वर्षे (दिव्यांगांसाठी ४०) पूर्ण असावे, कला व साहित्य क्षेत्रातील योगदान किमान १५ वर्षे असावे. कलेच्या क्षेत्रात सातत्यपूर्ण व दर्जेदार भर घातलेली असावी. केवळ कलेवर उपजिविका असलेली व्यक्ती पात्र असेल. केंद्र किंवा राज्याचे इतर पेन्शन किंवा इतर मार्गांनी उत्पन्न नसावे. कुटुंबाचे वार्षिक उत्पन्न ६० हजारांपेक्षा जास्त   नसावे. महाराष्ट्राचा रहिवासी असणे बंधनकारक आहे. अर्जासह वृद्ध साहित्यिक, कलावंत पती-पत्नीचा एकत्रित पासपोर्ट सक्षम प्राधिका-याद्वारा साक्षांकित फोटो, जन्मतारखेचा दाखला, रहिवासी दाखला, आधार कार्ड, तहसीलदाराचा उत्पन्नाचा दाखला, बँक तपशील, आजार, अपंगत्वाबाबतचे वैद्यकीय प्रमाणपत्र, परिचयपत्र, कलाक्षेत्र...

 अकोला पाटबंधारे विभाग अकोला  दि 30/06/2025 Time -7:00 Am (1) काटेपूर्णा प्रकल्प    पातळी 340.86 मी  साठा 17.019 mmg3  टक्केवारी 19.70 % आजचा पाऊस  04mm एकूण पाऊस    69mm गेट  00  open   00  सेमी.discharge 00.00 cumecs  2) वान प्रकल्प ता,तेल्हारा पातळी 396.12 मी साठा.  28.46 mm3 टक्केवारी 34.72 % आजचा पाऊस    07 mm एकूण पाऊस    158 mm  गेट 00 open    00  सेमी Discharge 00.00 cumecs.   3) मोर्णा प्रकल्प ता पातूर पातळी  362.30 मी साठा      17.95 mm3 टक्केवारी 43.31 % आजचा पाऊस 05 mm एकूण पाऊस 177 mm सांडवा.     00   सेमी, विसर्ग        0.0  cumecs. 4) निर्गुणा प्रकल्प ता पातूर पातळी     390.90   मी साठा        26.72  mm3 टक्केवारी  92.62 % आजचा पाऊस   00  mm एकूण पाऊस     00   mm सांडवा   ...

ग्रामविकास मंत्र्यांच्या हस्ते गुणवंत विद्यार्थ्यांचा गौरव अकोला, दि. 29 : राज्याचे ग्रामविकास मंत्री जयकुमार गोरे यांच्या उपस्थितीत अखिल भारतीय माळी महासंघातर्फे गुणवत्ताप्राप्त विद्यार्थी कौतुक सोहळा  येथील प्रमिलाताई ओक सभागृहात आज झाला. ग्रामविकास मंत्र्यांच्या हस्ते गुणवंत विद्यार्थ्यांचा गौरव यावेळी झाला. शंकरराव गि-हे हे कार्यक्रमाच्या अध्यक्षस्थानी होते. खासदार अनुप धोत्रे, आमदार रणधीर सावरकर, माजी आमदार बळीराम शिरस्कार, संतोष शिवरकर, जयंत मसने, सुभाष सातव, गणेश काळपांडे, ॲड. प्रकाश दाते, मनोहर उगले, प्रा. अशोक राहाटे, संजय तडस, ललित काळपांडे, वनिताताई राऊत, महेश गणगणे यांच्यासह अनेक मान्यवर उपस्थित होते.   मंत्री श्री. गोरे म्हणाले की, मुख्यमंत्री देवेंद्र फडणवीस यांच्या नेतृत्वात शासनाकडून अनेकविध कामांना गती मिळाली आहे. संत शिरोमणी सावता माळी यांच्या समाधी मंदिर व परिसराचा विकास करण्यासाठी शिखर समितीची मान्यता झाली असून, हे कार्य लवकरच पूर्ण होईल. क्रांतिज्योती सावित्रीबाई फुले यांच्या जन्म गावी (नायगाव ,   जि.सातारा)  स्मारक उभारण्यासाठी भूसंपादन प्...

  ग्रामविकास मंत्र्यांनी घेतला जि. प. विकासकामांचा आढावा ‘मुख्यमंत्री समृद्ध ग्राम योजना’ग्रामविकासाचा चेहरा ठरेल   – ग्रामविकास मंत्री जयकुमार गोरे   अकोला, दि. २९ : ग्रामविकासाचा चेहरा म्हणून ‘मुख्यमंत्री समृद्ध ग्राम योजना’ येत्या 17 सप्टेंबरपासून राबवणार असून, सर्व योजना यशस्वीपणे राबवणा-या गावांना पारितोषिके देण्यात येणार आहेत. केंद्र व राज्य शासनाच्या योजनांची प्रभावी अंमलबजावणी करून उत्कृष्ट रस्ते, स्वच्छता सुविधा, कार्यालये, शाळा, अंगणवाडी इमारती सुसज्ज असणार्‍या आणि इतर निकष पूर्ण करुन गावाचा विकास साधणाऱ्या ग्रामपंचायतींना गौरविण्यात येणार आहे. अकोला जिल्ह्यातील ग्रामपंचायतींनी या उपक्रमात सहभागी होऊन अधिकाधिक विकास साधावा, असे आवाहन, असे आवाहन राज्याचे ग्रामविकास मंत्री जयकुमार गोरे यांनी आज येथे केले.   ग्रामविकास मंत्री श्री. गोरे यांच्या अध्यक्षतेत अकोला जिल्हा परिषदेच्या विविध विकासकामांची आढावा बैठक संविधान सभागृहात झाली,   त्यावेळी ते बोलत होते. खासदार अनुप धोत्रे, आमदार रणधीर सावरकर, आमदार वसंत खंडेलवाल, आमदार अमोल मिटकरी, जिल्हा ...

    गरजूंना उपचार, मदतीसाठी मुख्यमंत्री वैद्यकीय सहायता निधी अकोला, दि. २७ : मुख्यमंत्री सहायता निधीतून गरजूंना वैद्यकीय मदतीसाठी ३० लक्ष ३० हजार रू. रकमेचे ३७ प्रस्ताव मंजूर करण्यात आले आहेत.   मुख्यमंत्री देवेंद्र फडणवीस यांच्या संकल्पनेतून व रामेश्वर नाईक यांच्या मार्गदर्शनात प्रत्येक जिल्ह्यात मुख्यमंत्री वैद्यकीय सहायता कक्ष स्थापन करण्यात आला आहे. अकोला येथे जिल्हाधिकारी कार्यालयाच्या नूतन इमारतीत पहिल्या मजल्यावर हे कार्यालय सुरू आहे. जिल्ह्याचे पालकमंत्री आकाश फुंडकर यांच्या हस्ते या कार्यालयाचा शुभारंभ झाला. जिल्हाधिकारी अजित कुंभार, निवासी उपजिल्हाधिकारी विजय पाटील यांच्या मार्गदर्शनात कक्षातर्फे गुणवत्तापूर्ण कार्यवाही होत आहे.     धर्मादाय आयुक्त कार्यालयाअंतर्गत मुख्यमंत्री सहायता निधीसाठी रक्तपेढीसह प्रमाणित रूग्णालये १२ आहेत. इतर प्रमाणित रूग्णालयांची संख्या ४४ आहे. जिल्ह्यात वैद्यकीय मदतीचे ३७ प्रस्ताव मंजूर करण्यात आले असून, ६७ प्रस्तावांवर कार्यवाही होत आहे. कक्षातर्फे रक्तदान शिबिरांद्वारे रक्तपिशव्यांचे संकलन, आपत्ती व्यवस्थाप...

  पंढरीच्या वारक-यांना पथकरातून सवलत अकोला, दि. २७ :श्री क्षेत्र पंढरपूर येथे आषाढी वारीसाठी जाणा-या पालख्या, वारकरी यांना पथकरातून सवलत देण्यात आली आहे. ही सवलत दि. १० जुलैपर्यंत पालखी, वारक-यांच्या हलक्या व जड वाहनांसाठी असेल. त्यासाठी पास देण्यात येत आहेत. ते परतीच्या प्रवासातही ग्राह्य असतील. असा पास मिळवू इच्छिणा-या व्यक्तींनी प्रादेशिक परिवहन कार्यालयात अर्ज करावा. वाहन क्रमांक, मालकाचे नाव, भ्रमणध्वनी, प्रवासाच्या तारखा आदी माहिती, तसेच आधारपत्राची स्वसाक्षांकित प्रत जोडावी.   अकोला जिल्ह्यातून आषाढी वारीसाठी पंढरपूरला जाणा-या भाविक, पालख्या व वारकरी यांनी पथकर सवलतीचा लाभ घेण्याचे आवाहन उपप्रादेशिक परिवहन अधिकारी यांनी केले आहे. ०००

  चला घडवूया विकसित महाराष्ट्र! 'विकसित महाराष्ट्र २०४७ : महाराष्ट्राचे व्हिजन डॉक्युमेंट'; गावोगाव सर्वेक्षण; नागरिकांच्या प्रतिक्रिया जाणून घेणार महाराष्ट्राचे ‘व्हिजन डॉक्युमेंट’ तयार करण्यासाठी योगदान द्यावे -जिल्हाधिकारी अजित कुंभार   अकोला, दि. २७ : ‘विकसित महाराष्ट्र २०४७’ अंतर्गत राज्याच्या विकासाबाबत नागरिकांच्या प्रतिक्रिया व सहभाग मिळविण्यासाठी सर्वेक्षण करण्यात येत आहे. अकोला जिल्ह्यातील नागरिकांनी त्यात सहभाग घेऊन 'विकसित महाराष्ट्र २०४७ : महाराष्ट्राचे व्हिजन डॉक्युमेंट' निर्माण होण्यासाठी योगदान द्यावे, असे आवाहन जिल्हाधिकारी अजित कुंभार यांनी केले आहे. विकसित महाराष्ट्राची रुपरेषा ठरविण्यासाठी राज्यभर सर्वेक्षण सुरू करण्यात आले आहे. सामान्य नागरिकांचा सहभाग त्यात महत्वाचा आहे. ग्रामसेवक, आशा कार्यकर्ता, अंगणवाडी सेविका, विविध माध्यमे यांच्या माध्यमातून   गावोगाव याबाबत जनजागृती होत आहे. 'विकसित महाराष्ट्र २०४७ : महाराष्ट्राचे व्हिजन डॉक्युमेंट'मध्ये नागरिकांच्या आशा-आकांक्षांचे प्रतिबिंब असेल. त्यासाठी नागरिकांच्या समस्या, शासनाकड...

  राजर्षी शाहू महाराज जयंती पर्व शिबिरात १५१ जात वैधता प्रमाणपत्रांचे वितरण अकोला, दि. २६ : राजर्षी शाहू महाराज यांच्या जयंतीनिमित्त जिल्हा जात प्रमाणपत्र पडताळणी समितीतर्फे विशेष त्रुटी पूर्तता शिबिरे घेण्यात येत आहेत. त्यात चालू आठवड्यात झालेल्या शिबिरांमध्ये १५१ जात वैधता प्रमाणपत्रांचे वितरण करण्यात आले. सामाईक परीक्षेनंतर उच्च शिक्षण व व्यावसायिक अभ्यासक्रमासाठी प्रवेश घेण्यासाठी हे प्रमाणपत्र आवश्यक असते. त्यामुळे नव्याने अर्ज करणा-यांसाठी विशेष खिडकीचेही नियोजन करण्यात आले. पूर्वी अर्ज केलेल्या व त्रुटी असलेल्या अर्जदारांना ई-मेल, एसएमएसद्वारे कळविण्यात आले व शिबिरात पूर्तता करून घेण्यात आली. पुढील शिबिर दि. १ जुलै रोजी कार्यालयात होणार असून, संबंधितांनी उपस्थित राहून त्रुटींची पूर्तता करून घ्यावी व प्रमाणपत्र मिळवावे, असे आवाहन समितीचे अध्यक्ष जितेंद्र काकुस्ते, सदस्य व उपायुक्त अमोल यावलीकर, सदस्य सचिव मनोज मेरत यांनी केले. ०००

  बांधकाम कामगारांची फसवणूक करणाऱ्या दलालांवर कठोर कारवाई - कामगार मंत्री ॲड. आकाश फुंडकर यांच्या निर्देशानुसार दक्षता पथकांची स्थापना   अकोला, दि. २६  : राज्यातील बांधकाम कामगारांची बनावट कागदपत्रांच्या आधारे नोंदणी करून त्यांच्याकडून आर्थिक फसवणूक करणाऱ्या दलालांविरोधात कठोर कारवाई करण्यासाठी कामगार मंत्री तथा जिल्ह्याचे पालकमंत्री ॲड.आकाश फुंडकर यांनी महत्त्वपूर्ण निर्णय घेतला आहे. राज्यातील विविध भागातून लोकप्रतिनिधी व बांधकाम कामगारांकडून तक्रारी प्राप्त झाल्या होत्या. नोंदणी, कीट वाटप व अन्य बाबतीत गैरप्रकार होत असल्याच्या पार्श्वभूमीवर हा निर्णय घेण्यात आला असून आता राज्यभरात जिल्हास्तरावर दक्षता पथके स्थापन करून प्रभावी तपासणी मोहीम राबवण्यात येणार आहे.   प्रत्येक विभागात, प्रत्येक जिल्ह्यात जिल्हा कार्यालय प्रमुख यांच्या अध्यक्षतेखाली एक स्वतंत्र जिल्हास्तरीय दक्षता पथक गठीत करण्यात येणार आहे. या पथकांचे कार्यक्षेत्र मात्र त्यांच्या स्वतःच्या जिल्ह्याऐवजी दुसऱ्या जिल्ह्यावर असेल, जेणेकरून कारवाई अधिक निष्पक्ष आणि प्रभावी राहील.   दक्षता पथकांना नेमून दि...

  नोंदणी विभागातील शिपाई भरतीसाठी ऑनलाईन परीक्षा अकोला, दि. २६ : नोंदणी व मुद्रांक विभागात शिपाई गट ड संवर्गातील २८४ पदे भरण्यात येत आहेत. ही प्रक्रिया इन्स्टिट्यूट ऑफ बँकिंग पर्सोनेलमार्फत होत असून, प्राप्त अर्जांनुसार पात्र उमेदवारांची ऑनलाईन परीक्षा दि. १ ते ८ जुलैदरम्यान होणार आहे, अशी माहिती सह जिल्हा निबंधक आर. पी. भालेराव यांनी दिली.   उमेदवारांच्या नोंदणीकृत ई-मेल पत्त्यावर प्रवेशपत्रे पाठविण्यात येत आहेत. परीक्षेसाठी विभागाकडून कोणताही मध्यस्थ नेमलेला नाही. तशी बतावणी कुणी करत असेल तर सावध राहावे व फसवणुकीला बळी पडू नये, असे आवाहन करण्यात आले आहे. ०००

  कृषीदिनानिमित्त प्रगतीशील शेतक-यांचा गौरव होणार अकोला, दि. २६ : महाराष्ट्राचे माजी मुख्यमंत्री वसंतराव नाईक यांच्या जयंतीनिमित्त दि. १ जुलै कृषीदिन साजरा करण्यात येणार आहे. यादिवशी सकाळी ११ वा. जि. प. कर्मचारीभवन परिसरातील संविधानभवनात प्रगतीशील शेतक-यांचा गौरव कार्यक्रम आयोजित करण्यात आला आहे. प्रत्येक तालुक्यातून दोन याप्रमाणे प्रगतीशील शेतकरी व जिल्हास्तरीय पीक स्पर्धेतील विजेते यांचा सत्कार करण्यात येईल. डॉ. पंजाबराव देशमुख कृषी विद्यापीठाच्या तज्ज्ञांचे मार्गदर्शनही यावेळी होईल. अधिकाधिक शेतकरी बांधवांनी व नागरिकांनी उपस्थित राहण्याचे आवाहन कृषी विकास अधिकारी डॉ. तुषार जाधव यांनी केले. ०००

  राजर्षी शाहू महाराज यांच्या जयंतीनिमित्त जिल्हाधिकारी कार्यालयात अभिवादन अकोला, दि. २६ : सामाजिक परिवर्तनाचे प्रणेते   राजर्षी   शाहू महाराज यांच्या जयंतीनिमित्त जिल्हाधिकारी कार्यालयात अभिवादन कार्यक्रम आज झाला.     निवासी उपजिल्हाधिकारी विजय पाटील यांनी   राजर्षी   छत्रपती शाहू महाराज यांच्या प्रतिमेला पुष्पहार अर्पण करून अभिवादन केले. जिल्हा माहितीविज्ञान अधिकारी अनिल चिंचोले, अधिक्षक श्याम धनमने यांच्यासह विविध अधिकारी व कर्मचा-यांनी राजर्षी शाहू महाराज यांच्या प्रतिमेला पुष्प अर्पण करून अभिवादन केले. 0000  

    राज्य अजिंक्य मुष्टियुद्ध स्पर्धेत अकोल्याला ९ पदके   साक्षी गायधनी व कांचन सुरांसेला सुवर्णपदक ४ सुवर्ण, १ रौप्य व ४ कांस्यपदकांचा समावेश   अकोला, दि.२६ : वरिष्ठ राज्यस्तरीय महिला मुष्टियुद्ध स्पर्धेत अकोला क्रीडा प्रबोधिनी व अकोला शहर संघाच्या खेळाडूंनी तब्बल ९ पदके पटकावत राज्यात पहिला क्रमांक मिळवला. साक्षी गायधनी, कांचन सुरांसे यांनी सुवर्णपदक मिळवले असून, अकोल्याच्या मुष्टियोद्ध्यांचा राष्ट्रीय स्पर्धेत प्रवेश निश्चित झाला आहे.   वरोरा येथे नुकतीच राज्यस्तरीय महिला मुष्टियुद्ध स्पर्धा झाली. त्यात क्रीडापीठ संघातून ८० कि. वजनगटात साक्षी गायधनी व ८० किलोवरील गटात कु. कांचन सुरांसे यांनी, ७५ कि. वजनगटात विधी रावळ व ५७ कि. वजनगटात कु. सपना चव्हाण यांनी सुवर्णपदक मिळवले. रूणाली डोंगरे यांनी ४८ कि. वजनगटात रौप्यपदक मिळवले. पूनम कैथवास यांनी ६० कि. वजनगटात व गौरी मुरूमकार यांनी ७० कि. गटात कांस्यपदक प्राप्त केले. अकोला शहर संघामधुन ६५ कि. गटात सिमरन गवई व ८०+   गटात   प्रियंका खंडारे यांनी कांस्यपदक प्राप्त केले.   जिल्हाधिकारी ...

  करचुकवेगिरीविरोधात वस्तू व सेवा कर विभागाची मोहिम कर बुडविणाऱ्या कंपनीवर गुन्हा दाखल अकोला, दि. २६ : येथील ३४ कोटींपेक्षा अधिक वस्तू व सेवा कर (जीएसटी) बुडविणाऱ्या खासगी कंपनीविरोधात राज्य वस्तू व सेवा कर विभागाच्या तक्रारीवरून अकोला पोलिसांनी गुन्हा दाखल केला आहे. बेग कन्स्ट्रक्शन कंपनी यांनी ३४ कोटी ३५ लाख ७२ हजार ८२७ रू. रकमेची करचुकवेगिरी केल्याचे निदर्शनास आल्यावरून राज्यकर निरीक्षक प्रदीप आरव यांनी अकोला शहर पोलिस ठाण्यात तक्रार दाखल केली. ही कंपनी व संचालक इम्रान बेग, रशीद बेग यांच्याविरोधात गुन्हा दाखल करण्यात आला आहे.     या कार्यवाहीसाठी अमरावती विभागाचे सहाय्यक आयुक्त संजय पोखरकर व अकोला कार्यालयाच्या उपायुक्त अर्चना चव्हाण यांचे मार्गदर्शन लाभले. कर बुडवणाऱ्यांविरोधात कठोर पावले उचलली जातील. सर्व थकबाकीदार व्यापाऱ्यांनी त्वरित कर भरणा करावा, अन्यथा कारवाईला सामोरे जावे लागेल, राज्यकर विभागाचे सहआयुक्त संजय पोखरकर यांनी दिला आहे. ०००

    सामाजिक न्याय दिन दिंडीद्वारे समतेचा जागर; गुणवंतांचा सत्कार, प्रमाणपत्र वाटप अकोला, दि २६: सामाजिक न्याय व विशेष सहाय्य विभागाच्या वतीने राजर्षी छत्रपती शाहू महाराज यांच्या जयंतीनिमित्त सामाजिक न्याय दिन साजरा करण्यात आला. यानिमित्त समता दिंडीद्वारे प्रबोधन व जनजागृती करण्यात आली. समाजकल्याण सहाय्यक आयुक्त मारोती वाठ यांच्या हस्ते हिरवी झेंडी दाखवून सामाजिक न्यायभवन येथून समता दिंडीचा प्रारंभ करण्यात आला. यावेळी जिल्हा समाज कल्याण अधिकारी तुषार जाधव, वरिष्ठ समाज कल्याण निरीक्षक गोपाल वाघमारे, पोलिस उपनिरीक्षक दादाहरी वणवे, समाज कल्याण निरीक्षक उमेश वाघ,शैलेश कुलकर्णी आदी उपस्थित होते. समता दिंडीमध्ये सामाजिक न्याय विभागाचे कर्मचारी, समतादूत,समाजकार्य महाविद्यालय परिचर्या महाविद्यालयातील विद्यार्थी सहभागी झाले होते. राजर्षी शाहू महाराजांचे कार्य प्रत्येकाला प्रेरणादायी : आ.साजिदखान पठाण दिंडीनंतर सामाजिक न्यायभवनात विशेष कार्यक्रम घेण्यात आला. आमदार साजिदखान पठाण, समाज कल्याण सहाय्यक आयुक्त मारोती वाठ, जिल्हा समाजकल्याण अधिकारी तुषार जाधव,समाजकार्य महाविद्याल...

  विनामूल्य धान्य अवैधरीत्या विकल्यास शिधापत्रिका रद्द करणार जिल्हा पुरवठा अधिकारी रवींद्र यन्नावार अकोला, दि. २६ : राष्ट्रीय अन्नसुरक्षा योजनेत विनामूल्य मिळणारे गहू, तांदूळ आदी धान्य अवैधरीत्या विकल्याचे आढळल्यास शिधापत्रिका रद्द करण्यात येईल, असा इशारा जिल्हा पुरवठा अधिकारी रवींद्र यन्नावार यांनी दिला आहे.   सार्वजनिक वितरण प्रणालीद्वारे रास्त भाव दुकानांतून पात्र शिधापत्रिकाधारकांना विनामूल्य धान्य दिले जाते. पावसाळ्यात निर्माण होणारी परिस्थिती लक्षात घेऊन जून, जुलै व ऑगस्ट या तीन महिन्यांचे धान्यवाटप एकाचवेळी होत आहे. तथापि, शिधापत्रिकाधारकांकडून मिळालेले धान्य अवैधरीत्या खरेदी करून त्याचा साठा व वाहतूक होत असल्याबाबत तक्रारी होत आहेत.   शासकीय धान्याची अवैध खरेदीविक्री नियमबाह्य आहे. त्यामुळे कुणीही शिधापत्रिकाधारक व्यावसायिकांकडे विक्री करताना आढळून आल्यास त्यांचे लाभार्थी यादीतून नाव वगळण्यात येईल, तसेच शिधापत्रिका रद्द करण्यात येईल. त्याचप्रमाणे, शासकीय धान्याची अवैध साठवणूक करणा-या व्यावसायिकांवर फौजदारी गुन्हा दाखल करण्यात येईल, असाही इशारा श्री. यन्न...

  #LongLiveDemocracy आणीबाणीत लढा देणा-या व्यक्तींचा जिल्हाधिकारी कार्यालयात गौरव प्रदर्शनाचाही शुभारंभ             अकोला, दि. 25 : आणीबाणीच्या कालावधीत लढा देणा-या, कारावास भोगलेल्या अकोला जिल्ह्यातील व्यक्तींचा जिल्हाधिकारी कार्यालयात मुख्यमंत्र्यांच्या स्वाक्षरीचे प्रमाणपत्र देऊन गौरव करण्यात आला. यानिमित्त आयोजित छायाचित्र प्रदर्शनाचाही शुभारंभही यावेळी करण्यात आला.             नियोजनभवनात गौरव कार्यक्रमाचे आयोजन करण्यात आले. अपर जिल्हाधिकारी प्रमोद गायकवाड यांच्या हस्ते सर्व मान्यवरांना सन्मानपत्र व गुलाबपुष्प देऊन गौरविण्यात आले. निवासी उपजिल्हाधिकारी विजय पाटील  जिल्हा माहितीविज्ञान अधिकारी अनिल चिंचोले, अधिक्षक श्याम धनमने, जिल्हा माहिती अधिकारी हर्षवर्धन पवार यांच्यासह अनेक मान्यवर उपस्थित होते.               देशात सन 1975 ते 1977 मध्ये आणीबाणी कालावधीत लढा देताना जिल्ह्यातील ज्या व्यक्तीं...