अकोला संवाद - जिल्हा माहिती कार्यालय अकोला

  ग्रा. पं. ची सुधारित कार्यक्रमानुसार प्रभागरचना अकोला, दि. 29 : जानेवारी 2025 ते डिसेंबर 25 या कालावधीत मुदत संपणा-या, तसेच नव्याने स्थापित होणा-या ग्रामपंचायतीच्या सार्वत्रिक निवडणूकांसाठी प्रभाग रचना कार्यक्रम ग्रामविकास विभागाने जाहीर केला आहे. सुधारित कार्यक्रमानुसार प्रभाग रचना पूर्ण करावी, अशा सूचना ग्रा.पं. निवडणूक शाखेचे प्र. अधिकारी उपजिल्हाधिकारी विजय पाटील यांनी तालुका यंत्रणांना दिल्या आहेत. विहित कालावधीत प्रभाग रचनेचा कार्यक्रम पू्र्ण करावा, अशा सूचना उपविभागीय अधिकारी, तहसीलदार व गटविकास अधिका-यांना देण्यात आल्या आहेत. कार्यक्रमानुसार, तहसीलदारांनी दि. 2 डिसेंबरपूर्वी गुगल अर्थचे नकाशे सुपरइंपोज करून प्रत्येक गावाचे नकाशे अंतिम करावयाचे आहेत. त्यानंतर दि. 5 डिसेंबरपूर्वी तलाठी व ग्रामसेवकांकडून संयुक्त स्थळ पाहणी करून प्रभाग पाडून सीमा निश्चित करण्यात येतील. त्याची तपासणी तहसीलदारांच्या अध्यक्षतेखालील गटविकास अधिकारी व मंडळ अधिका-याचा समावेश असलेली समिती दि. 11 डिसेंबरपूर्वी पूर्ण करेल. उपविभागीय अधिका-यांमार्फत दि. 16 डिसेंबरपूर्वी प्रभाग रचनेचा प्रस्ताव जिल्हाधिक...

  विद्यार्थ्यांसाठी डिसेंबरमध्ये करिअर मार्गदर्शन मेळावा   -        जि. प. मुख्य कार्यकारी अधिकारी बी. वैष्णवी   अकोला, दि. 29 : जागतिक बँक पुरस्कृत स्टार प्रकल्प व जिल्हा शिक्षण व प्रशिक्षण संस्थेच्या सहकार्याने जिल्ह्यातील इयत्ता नववी ते बारावीच्या विद्यार्थ्यांसाठी करिअर मार्गदर्शन मेळावा डिसेंबरच्या दुस-या आठवड्यात आयोजित करण्यात येईल, असे जिल्हा परिषदेच्या मुख्य कार्यकारी अधिकारी बी. वैष्णवी यांनी सांगितले. इयत्ता नववी ते बारावीच्या विद्यार्थ्यांना त्यांच्या आवडीनिवडी, क्षमता, व्यक्तिमत्व वैशिष्ट्ये याबाबत जाणीव निर्माण करण्याबाबत समुपदेशक व तज्ज्ञांमार्फत समुपदेशन करण्यात येणार आहे. त्यामुळे विद्यार्थ्याला आपल्या क्षमता कळून नोकरी व व्यवसायाची निवड निवड करण्यास मदत होईल. डिसेंबरमध्ये दुस-या आठवड्यात मेळावा घेण्याचे नियोजन असून, मेळाव्याच्या पहिल्या दिवशी विद्यार्थी व पालकांना मार्गदर्शन, तसेच दुस-या दिवशी जिल्ह्यातील नियोक्त्यांमार्फत व्यवसाय नियुक्तीसंदर्भात मुलाखती व नियुक्ती देण्याचे निश्चित करण्यात आले आहे. सर्व यंत्रणांनी...

कृषी विभागाकडून पीकस्‍पर्धा जिल्ह्यातील शेतक-यांनी सहभागी होण्याचे आवाहन अकोला, दि. 29 : राज्यामध्ये पिकांची उत्पादकता वाढविण्यासाठी प्रयोगशील शेतक - यांना प्रोत्साहन देण्याच्या हेतूने पीकस्पर्धा आयोजित करण्यात आली आहे. रब्‍बी हंगामातील ज्वारी , गहू , हरभरा , करडई व जवस आदी पीकांसाठी स्पर्धेत सहभागी होण्यासाठी दि. ३१ डिसेंबरपर्यंत नोंदणी करण्याचे आवाहन करण्यात आले आहे.   प्रयोगशील शेतक-यांचे मनोबल उंचावण्यासाठी व अद्ययावत तंत्रज्ञानाच्या वापराकडे कल वाढविण्यासाठी ही स्पर्धा आयोजित करण्यात आली आहे. रब्‍बी हंगामासाठी तालुका , जिल्‍हा व राज्‍य पातळीवर सर्वसाधारण व आदिवासी गटासाठी ज्वारी , गहू , हरभरा , करडई व जवस  या पाच पिकांसाठी पिकस्पर्धेचे आयोजन करण्यात आले आहे.   स्पर्धेत भाग घेण्यासाठी शेतकऱ्याकडे स्वतःच्या नावे जमीन असणे व ती जमीन तो स्वतः कसत असणे आवश्यक आहे. स्पर्धेत भाग घेणाऱ्या शेतकऱ्याला एकाच वेळी एकापेक्षा जास्त पिकासाठी स्पर्धेत भाग घेता येईल. पीकस्पर्धेमध्ये सहभागी लाभार्थीच्या  स्वतःच्या शेतावर त्या पिकाखाली किमान  ४० आर क्षेत्रावर ...

 ईव्हीएम : सुरक्षित व विश्वासार्ह प्रणाली -        डॉ. शरद जावळे, निवडणूक निर्णय अधिकारी, अकोला पूर्व विधानसभा मतदारसंघ प्रथमस्तरीय तपासणी निवडणूक जाहीर होण्यापूर्वी ईव्हीएम मशीन ह्या प्रत्येक जिल्हाच्या ठिकाणी ईव्हीएम गोडाऊन आहे त्या ठिकाणी ठेवतात व त्याची जबाबदारी ही जिल्हाधिकारी यांची असते. त्या ठिकाणी सीसीटीव्ही व पोलीस सुरक्षा असते.नंतर बेल इंजिनिअर व कर्मचारी यांच्या मार्फत ईव्हीएम मशीनची प्रथम तपासणी केली जाते. त्यामध्ये नादुरुस्त ईव्हीएम बाजूला केले जाते व चांगले मशीन निवडणूकीसाठी तयार केले जाते, या वेळी राजकीय पक्ष यांच्या प्रतिनिधीसमक्ष व व्हिडिओग्राफी केली जाते, या वेळी पोलीस सुरक्षा असते.या प्रकियेला इव्हीएमची प्रथमस्तरीय तपासणी म्हणतात. कडेकोट बंदोबस्त निवडणूक जाहीर झाल्यावर ईव्हीएम जिल्हाधिकारी यांच्या अखत्यारीतील जिल्हा गोदामामधून त्या जिल्ह्यातील सर्व विधानसभा मतदारसंघाच्या ठिकाणी उपविभागीय अधिकारी तथा निवडणूक निर्णय अधिकारी यांच्याकडे देण्यासाठी इव्हीएम मशीनचे प्रथम रँडमायझेशन केले जाते म्हणजे सर्व मशीनची सरळमिसळ केली जाते. ही सर्व प्रक्रिया राज...

  ‘एमपीएससी’ची रविवारी परीक्षा; केंद्र परिसरात प्रतिबंधात्मक आदेश लागू अकोला, दि. २७ : महाराष्ट्र राज्य लोकसेवा आयोगामार्फत राजपत्रित नागरी सेवा संयुक्त (पूर्व) परीक्षा जिल्ह्यात १३ उपकेंद्रांवर रविवार, दि.१ डिसेंबर रोजी सकाळी १० ते १२ व दुपारी ३ ते ५ या वेळेत होणार आहे.     परीक्षा केंद्र व परिसरात कायदा सुव्यवस्था अबाधित राहण्यासाठी केंद्राच्या आतील व बाहेरील १०० मीटर परिसरात   प्रतिबंधात्मक आदेश जारी करण्यात आले आहेत. भारतीय नागरी सुरक्षा संहितेच्या कलम 163 नुसार जिल्हा दंडाधिकारी अजित कुंभार यांनी हा आदेश निर्गमित केला. शहरातील खंडेलवाल ज्ञान मंदिर शाळा, स्कूल ऑफ स्कॉलर्स,, शिवाजी कला, वाणिज्य व विज्ञान महाविद्यालय, जागृती विद्यालय, भारत विद्यालय, भिकमचंद खंडेलवाल विद्यालय, एल.आर.टी वाणिज्य महाविद्यालय भाग एक व दोन, दि नोएल इंग्रजी शाळा, सीताबाई कला महाविद्यालय, मोहरीदेवी खंडेलवाल उच्च माध्यमिक कन्या विद्यालय, न्यू इंग्लिश हायस्कूल, सावित्रीबाई फुले जि.प. माध्यमिक कन्या शाळा आदी परीक्षा केंद्रांच्या परिसरात परिसरात प्रतिबंधात्मक आदेश लागू करण्यात आले आहेत. ...

  जात वैधतेसाठी प्रस्ताव सादर करण्याचे आवाहन अकोला, दि. 27 : जिल्ह्यातील 11वी व 12वी विज्ञान शाखेतील विद्यार्थ्यांनी जात वैधता प्रमाणपत्र पडताळणीचे प्रस्ताव 31 डिसेंबरपूर्वी जिल्हा जात प्रमाणपत्र पडताळणी समितीस सादर करण्याचे आवाहन करण्यात आले आहे. प्राचार्य, मुख्याध्यापक यांच्या सहीशिक्क्यासह व महाविद्यालयाचे पत्र, तसेच बोनाफाईड प्रमाणपत्र व 15-अ नमुन्यातील अर्जासह प्रस्ताव सादर करणे आवश्यक आहे. तत्काळ प्रस्ताव सादर करावेत जेणेकरून भविष्यात अभियांत्रिकी, वैद्यकीय व इतर व्यावसायिक अभ्यासक्रमांसाठी शैक्षणिक संस्थेत प्रवेशासाठी लागणारे प्रमाणपत्र विहित काळात देणे सोयीचे होईल, असे आवाहन समितीचे उपायुक्त तथा सदस्य अमोल यावलीकर यांनी केले आहे. ००००

  क्रां ति ज्योती सावित्रीबाई फुले बालसंगोपन योजना   बालकां ची बँक खा ती आधार सिडींग करण्याचे आवाहन अकोला, दि. 27 : महिला व बालविकास विभागामार्फत क्रांतिज्योती सावित्रीबाई फुले बालसंगोपन योजनेत लाभार्थ्यांना डिबीटीद्वारे लाभ दिला जातो. तरी सर्व योजनेच्या लाभार्थ्यांनी बालकांचे बँक खाते आधार सिडींग करून घ्यावे. असे आवाहन जिल्हा महिला व बालविकास अधिकारी गिरीश पुसदकर यांनी केले आहे. या योजनेचा लाभ प्राप्त होत असलेल्या ज्या बालकांचे वय १० वर्षाच्या आत आहे, त्या बालकांचे पालकांसोबत संयुक्त खाते उघडावे व सदर खात्याशी बालकांचा आधार क्रमांक सीडींग करावा तसेच ज्या बालकांचे वय १० वर्षा पेक्षा जास्त आहे. अशा बालकांचे स्वतंत्र बँक खाते उघडून आधार क्रमांक सिडींग करावा. बालकांचा आधार क्रमांक बँक खात्याशी सिडींग नसल्यास सदर योजनेचा लाभ जमा होणार नाही, याची नोंद लाभार्थ्याच्या पालकानी घ्यावी. अधिक माहितीसाठी जिल्हा महिला व बालविकास अधिकारी कार्यालय , जिल्हाधीकारी कार्यालय परिसर , प्रशासकीय इमारत , प हि ला माळा , अकोला येथे संपर्क साधावा. ०००

  जिल्ह्यात 21 व्या पशुगणनेला आजपासून सुरूवात प्रगणकांना माहिती देऊन सहकार्य करा : जिल्हाधिकारी अकोला, दि. 25 : जिल्ह्यात 21 व्या पशुगणनेला आजपासून सुरूवात झाली असून, ती 28 फेब्रुवारी 2025 पर्यंत पूर्ण होईल. पशुसंवर्धन खात्याचे 138 प्रगणक ग्रामीण भागात घरोघर फिरून माहिती गोळा करणार आहेत. नागरिकांनी माहिती देऊन प्रगणकांना सहकार्य करावे, असे आवाहन जिल्हाधिकारी अजित कुंभार यांनी केले आहे. देशाच्या ग्रामीण अर्थव्यवस्थेत पशुपालन महत्वाची भूमिका बजावते. भारतात पशुगणना 1919 मध्ये सुरू झाली. तेव्हापासून दर पाच वर्षात एकदा पशुगणना केली जाते. आतापर्यंत 20 पशुगणना झाल्या असून, यापूर्वीची गणना 2019 मध्ये झाली होती. त्यानुसार जिल्ह्यात 5 लाख 20 हजार 151 पशुधन होते. आता 21 वी पशुगणना सव्वातीन महिने चालणार असून, पाळीव प्राणी, कुक्कुट, भटक्या प्राण्यांची आकडेवारी प्राप्त होणार आहे. प्रगणकांकडून गाय, म्हैस, शेळी, मेंढी, वराह, उंट, घोडा, गाढव, हत्ती, मिथुन अशा विविध पशुप्रजातींची माहिती संकलित करण्यात येईल. प्राण्यांचे वय, लिंग, जात, प्रजाती, मालकी हक्क आदी 15 प्रजातींच्या माहितीबरोबच 219 स्...

  बाल हक्क सप्ताह विविध उपक्रमांनी साजरा अकोला, दि. 25 : जिल्हा विधी सेवा प्राधीकरण, महिला व बालविकास विभाग व जिल्हयातील बाल संरक्षण यंत्रणेतर्फे जिल्ह्यात बाल हक्क सप्ताह विविध उपक्रमांनी साजरा करण्यात आला. मतदार जनजागृती, बालकासंबंधीच्या कायद्यांबाबत जनजागृती कार्यक्रम, बालविवाह, बाल लैंगिक अत्याचार आदी विषयांवर पथनाट्यांचे सादरीकरण,   वक्तृत्व स्पर्धा, रंगभरण स्पर्धा आदी कार्यक्रम घेण्यात आले. समारोप गायत्री बालिकाश्रमात झाला. जिल्हा विधीसेवा प्राधिकरणाचे सचिव योगेश पैठणकर, राज्य बाल हक्क संरक्षण आयोगाचे सदस्य अॅड. संजय सेंगर, जिल्हा महिला व बालविकास अधिकारी गिरीश पुसदकर, बाल कल्याण समितीच्या अॅड. अनिता गुरव, राजेश देशमुख, डॉ. विनय दांदळे, अॅड. शीला तोष्णीवाल, जिल्हा बाल संरक्षण अधिकारी राजु लाडुलकर, गायत्री बालिकाश्रमाच्या संचालक मीराताई जोशी, शासकीय बालगृहाच्या जयश्री हिवराळे, अॅक्सेस टु जस्टीस संस्थेचे शंकर वाघमारे, चाईल्ड हेल्पलाईनच्या हर्षाली गजभिये व पद्माकर सदानशिव, विप्ला फाउंडेशनच्या अस्मिता धर्माळे आदी उपस्थित होते. शासकीय बालगृह, सुर्योदय बालगृह, उत्कर्ष शि...

  तंबाखूमुक्त युवा अभियानाद्वारे जनजागृती अकोला, दि. 25 :    जि. प. आरोग्य प्रशासनातर्फे जिल्ह्यात सप्टेंबर ते नोव्हेंबर या कालावधीत तंबाखूमुक्त युवा अभियान राबविण्यात येत आहे. त्याद्वारे तंबाखू व तंबाखूजन्य पदार्थ यांच्या सेवनामुळे होणारे दुष्परिणामांबाबत जनजागृती करण्यात येत आहे, अशी माहिती जि. प. विस्तार व माध्यम अधिकारी बाळासाहेब घुगे यांनी दिली. तंबाखू व तंबाखूजन्य पदार्थाच्या सेवनामुळे होणारे मृत्यू कमी करणे हा राष्ट्रीय तंबाखू नियंत्रण कार्यक्रमाचा उद्देश आहे. त्यासाठी हे अभियान सभा, मेळावे, शाळा-महाविद्यालयांत कार्यक्रम, पोस्टर, जिंगल आदी विविध माध्यमांतून जिल्ह्यात राबविण्यात येत आहे. तंबाखू सेवनामुळे होणारे परिणाम तंबाखूमुळे हृदय आणि रक्तवाहिन्यांचे विकार होतात. तंबाखूच्‍या सेवनामुळे तोंडाचा ,  घशाचा ,  फुफ्फुसाचा ,  पोटाचा ,  किडनीचा ,  किंवा मूत्राशयाचा कर्करोग होऊ शकतो. भारतात तंबाखूच्‍या सेवनामुळे तोंडाचा कर्करोग असलेल्‍या रूग्‍णांची संख्‍या सर्वांत मोठी आहे. 90 टक्क्यांपेक्षा जास्त फुफ्फुसाचा कर्करोग आणि इतर आजार होण्‍याचे कारण धूम्...

  28- अकोट गणगणे महेश सुधाकर राव   ( इंडियन नॅशनल काँग्रेस ) – 74 हजार 487 प्रकाश गुणवंतराव भारसाकळे  , ( भारतीय जनता पार्टी ) -93 हजार 338 ॲड .   सुजाता विद्यासागर वानखडे , ( बहुजन समाज पार्टी ) - 479 कॅप्टन सुनील डो बाळे,   ( महाराष्ट्र नवनिर्माण सेना ) - 792 दिपक रामदास बोडखे , ( वंचित बहुजन आघाडी ) – 34 हजार 135 ललित सुधाकरराव बहा ळे, ( स्वतंत्र भारत पक्ष )- 5955 अ न्सा रउ ल्ला खाँ अ ताउल्ला खाँ, ( अपक्ष ) - 626 गोपाल जीवनराव देशमुख , ( अपक्ष ) -177 नितीन मनोहर वाल सींगे, ( अपक्ष )- 187 रामप्र भू गजानन तराळे , ( अपक्ष ) - 2381 लक्ष्मीकांत गजानन कौठकर  ( अपक्ष ) – 825 एकूण झालेले मतदान – 2 लक्ष 13 हजार 382 नोटा – 1161 बाद मते – 12 विजयी उमेदवार प्रकाश गुणवंत भारसाकळे (भारतीय जनता पार्टी) ------ 29- बाळापूर नितीन भिकनराव देशमुख़, शिवसेना ( उध्दव बाळासाहेब ठाकरे ) – 82 हजार 088 बळीराम भगवान सिरस्कार , शिवसेना – 61 हजार 192 कु .   भाग्यश्री बाबाराव गवई , बहुजन समाज पार्टी - 504 मंगेश गजानन गाडगे , महाराष...

मतमोजणी व्यवस्था             मा.भारत निवडणूक आयोगाने दिनांक 15/10/ 2024 रोजीच्‍या पत्रकार परिषदेव्‍दारे   महाराष्‍ट्र विधानसभा सार्वत्रिक निवडणूक-2024 कार्यक्रम केलेला असून सदर निवडणूक कार्यक्रमांतर्गत अकोला जिल्‍ह्यातील 28-अकोट , 29-बाळापूर , 30-अकोला (पश्चिम) , 31-अकोला (पूर्व) व 32-मुर्तिजापूर (अ.जा.) विधानसभा मतदार संघाकरीता दिनांक 20 नोव्‍हेंबर 2024   रोजी मतदान घेण्‍यात आले असून सदर मतदानाची मतमोजणी दिनांक 23 नोव्‍हेंबर 2024 रोजी ठीक सकाळी 8.०० वाजतापासून   सर्व संबंधीत मतदार संघाचे ठिकाणी करण्‍यात येणार आहे.                         सकाळी ८.०० वाजता सर्वप्रथम टपाली मतपत्रिकांची मोजणी सुरु होणार असून सकाळी ८.३० वाजता पासून मतदान यंत्रावरील (CU) मतमोजणी सुरु होईल.   Ø झालेले मतदान:                  ...