जिल्ह्यातील 11 वाळूघाटांच्या ई- लिलावाला तिस-यांदा मुदतवाढ
जिल्ह्यातील 11 वाळूघाटांच्या ई- लिलावाला तिस-यांदा मुदतवाढ
अकोला, दि. 29 : जिल्ह्यातील 15 वाळू घाटांचा लिलाव यापूर्वीच जाहीर
करण्यात आला आहे. त्यापैकी 11 घाटांच्या लिलावाला तिस-यांदा मुदतवाढ देण्यात आली आहे.
ई-लिलावाच्या वेळापत्रकात बदल करण्यात आला असून, शुद्धीपत्रक निर्मगित
करण्यात आले आहे. सुधारित कार्यक्रमानुसार ई- निविदा ऑनलाईन स्वीकारण्याची मुदत दि.
9 डिसेंबर रोजी दु. 2 वा. पर्यंत वाढविण्यात आली आहे. ई-निविदा (तांत्रिक लिफाफा) उघडणे,
तांत्रिक पडताळणी, आर्थिक लिफाफा उघडणे आदी
प्रक्रिया सुधारित वेळापत्रकानुसार दि. 10 डिसेंबर रोजी करण्यात येईल. ई- लिलाव प्रक्रिया
(ई-ऑक्शन) दि. 12 डिसेंबर रोजी सकाळी 10 वा. पासून दु. 1 वा. पर्यंत पूर्ण करण्यात
येईल. अधिकाधिक लिलावधारकांनी सहभाग नोंदवावा, असे आवाहन करण्यात आले आहे. सुधारित
वेळापत्रक शासनाच्या महाटेंडर्स, तसेच जिल्हा प्रशासनाच्या संकेतस्थळावर उपलब्ध आहे.
एकूण 11 वाळूघाट
अकोला तालुक्यातील कपिलेश्वर, एकलारा, कट्यार, म्हैसांग व उगवा या घाटांचा
समावेश आहे. बाळापूर तालुक्यातील निंबी, बहादुरा, सागद, नागद, डोंगरगाव, मांजरी या
घाटांचा समावेश आहे.
०००
टिप्पण्या
टिप्पणी पोस्ट करा