अकोला संवाद - जिल्हा माहिती कार्यालय अकोला

  अकोला, दि. 29 : श्री गणेश विसर्जन मिरवणूकीनिमित्त अकोला शहर व अकोला – अकोट राज्य वाहतूक मार्गात बदल करण्यात आला आहे. तसा आदेश जिल्हा दंडाधिकारी वर्षा मीना यांनी जारी केला. हा बदल खालील कालावधीत लागू राहील. अकोला शहरातील  श्री  गणेश विसर्जन मिरवणूक मार्गावरील वाहतूक दि.  6 सप्टेंबर रोजी  सकाळी  6  वाजेपासून ते दि. 7 सप्टेंबर 2025 चे  सकाळी  6  वाजेपर्यंत .  अकोला-अकोट या राज्य मार्गावरील वाहतूक दि. 06 सप्टेंबर रोजी  सकाळी  6  वाजेपासून ते दि. 7 सप्टेंबर 2025  चे सकाळी  12  वाजेपर्यंत तसेच अकोला-पारस फाटा ते बाळापूर मार्गावरील वाहतूक दि. 6 सप्टेंबर रोजी  सकाळी  6  वाजेपासून ते दि. 7 सप्टेबर  चे सकाळी  12  वाजेपर्यंत . अकोला शहर श्री विसर्जन मार्गावरील वाहतूक  :   डाबकी रोड कडून बसस्थानकाकडे जाणारी व मामा बेकरीकडे जाणारी वाहतूक पर्यायी मार्ग : भांडपूरा चौक, पोळा चौक, हरिहर पेठ, वाशीम बायपास, लक्झरी स्टँड, अशोक वाटिका मार्गे बसस्थानक अशी वळविण्यात येईल. अकोला बसस्था...

    आयुष्मान भारत अंमलबजावणीत अकोला जिल्हा सातवा मोबाईलने इ केवायसी करा, पाच लाखांचे कवच मिळवा अकोला, दि.29 : आयुष्मान भारत, जनआरोग्य योजना व महात्मा फुले जन आरोग्य योजनेचा अधिकाधिक गरजूंना लाभ मिळवून देण्यासाठी गावे, वस्त्या, शाळा, महाविद्यालयांमध्ये जाऊन केवायसी सुरू करण्यात आली आहे. जिल्ह्यात खासगी व शासकीय मिळून ४० रुग्णालयांत योजनेत सुविधा उपलब्ध असून, योजनेच्या अंमलबजावणीत अकोला जिल्हा राज्यात सातव्या क्रमांकावर आहे. या योजनेतून लाभार्थ्यांना प्रति कुटुंब प्रति वर्ष पाच लाखापर्यंत मोफत उपचार व १ हजार ३५६ प्रकारच्या शस्त्रक्रिया सुविधा मिळणार आहेत. ई-केवायसी करून घेण्यासाठी आरोग्य प्रशासनाने पुढाकार घेतला असून, ७ लक्ष ६० हजार ३५० कार्ड तयार झाले आहेत. लाभार्थ्यांची एकूण संख्या १७ लक्ष ३३ हजार १६ असून, उर्वरित ई- केवायसी पूर्ण करून घेण्यासाठी मोहिम हाती घेण्यात आली आहे.   योजनेचा लाभ घेण्यास सर्व प्रकारचे शिधापत्रिकाधारक पात्र आहेत. मात्र यासाठी आयुष्मान कार्ड तयार करून घेणे बंधनकारक आहे. लाभार्थी स्वतःच्या मोबाईलवर देखील आयुष्मान अॅप डाऊनलोड करून इ के...

  जिल्हाधिकाऱ्यांकडून जिल्हा वार्षिक योजनेचा आढावा मान्यतांची कार्यवाही तत्काळ पूर्ण करा – जिल्हाधिकारी वर्षा मीना   अकोला, दि. २९ : जिल्ह्यात विकासकामांना चालना देण्यासाठी प्रशासकीय व तांत्रिक मान्यतांची कार्यवाही तत्काळ पूर्ण करावी, असे निर्देश जिल्हाधिकारी वर्षा मीना यांनी आज येथे दिले.   जिल्हा वार्षिक योजनेच्या अनुषंगाने आढावा जिल्हाधिकाऱ्यांनी नियोजनभवनात बैठकीद्वारे घेतला, त्यावेळी त्या बोलत होत्या. जिल्हा परिषदेच्या मुख्य कार्यकारी अधिकारी अनिता मेश्राम, निवासी उपजिल्हाधिकारी विजय पाटील, आदिवासी विकास प्रकल्प अधिकारी मोहनकुमार व्यवहारे, जिल्हा समाजकल्याण सहायक आयुक्त डॉ. एम. जी. वाठ, जिल्हा नियोजन अधिकारी राजेश सोनखासकर यांच्यासह सर्व यंत्रणांचे अधिकारी उपस्थित होते.   जिल्हाधिकारी श्रीमती मीना म्हणाल्या की, मान्यतांची कार्यवाही तत्काळ पूर्ण करून प्राप्त निधीनुसार कामांना चालना द्यावी. नियोजनानुसार ३० टक्के निधी प्राप्त आहे. पुढील १० दिवसांनी आपण या कामांचा पुन्हा आढावा घेणार असून, सर्व विभागांनी आपली मान्यतांची कार्यवाही पूर्ण करून घ्यावी....

    उद्योगांपुढील अडचणी दूर करा जिल्हाधिका-यांचे निर्देश अकोला, दि. २९ : औद्योगिक वसाहत व विविध उद्योगांपुढील अडचणी दूर करण्याचे निर्देश जिल्हाधिकारी वर्षा मीना यांनी येथे दिले. जिल्हाधिका-यांच्या अध्यक्षतेत उद्योग मित्र समितीची   बैठक गुरूवारी झाली, त्यावेळी त्या बोलत होत्या. अकोला उद्योजक संघटनेचे अध्यक्ष मनोज खंडेलवाल, विदर्भ चेंबर ऑफ कॉमर्सचे निकेश गुप्ता, लघुउद्योग भारतीचे अध्यक्ष पंकज बियाणी, महाव्यवस्थापक संतोष बनसोड, महावितरणचे कार्यकारी अभियंता अजितसिंह दिनोरे, एमआयडीसी प्रशासनाचे अधिकारी व उद्योग संघटनांचे प्रतिनिधी उपस्थित होते.   औद्योगिक संघटनांच्या प्रतिनिधींनी वीज, रस्तेदुरुस्ती, अतिक्रमण सामाईक सुविधा अशा विविध अडचणींची माहिती दिली. त्यांचे तत्काळ निराकरण करण्याचे निर्देश जिल्हाधिकारी श्रीमती मीना यांनी संबंधित यंत्रणांना दिले. त्या म्हणाल्या की, कालमर्यादा निश्चित करून या अडचणींचे निराकरण व्हावे. एकच बाब वारंवार सांगावी लागू नये. उद्योग वृद्धी व रोजगारनिर्मितीच्या दृष्टीने उद्योगांपुढील अडचणी वेळीच सोडविणे आवश्यक आहे. 000

  उत्कृष्ट ग्रंथालय आणि ग्रंथालय कार्यकर्ता पुरस्कारासाठी अर्ज करण्याचे आवाहन अकोला, दि. २८ :   उच्च व तंत्र शिक्षण विभागांतर्गत ग्रंथालय संचालनालयाकडून ग्रंथालयांचा गुणात्मक विकास व वाचन संस्कृती वृध्दिंगत करण्यासाठी "डॉ. बाबासाहेब आंबेडकर उत्कृष्ट ग्रंथालय पुरस्कार" तसेच ग्रंथालय चळवळीतील कार्यकर्ते व सेवक यांना ग्रंथमित्र पुरस्कार दिला जातो. त्यासाठी दि. ३० सप्टेंबरपूर्वी जिल्हा ग्रंथालयाकडे अर्ज करण्याचे आवाहन करण्यात आले आहे.   ग्रंथमित्र पुरस्कार भारतीय ग्रंथालय शास्त्राचे जनक डॉ. एस. आर. रंगनाथन यांच्या नावे उत्कृष्ट ग्रंथालय कार्यकर्ता व सेवक यांना दिला जातो. राज्यातील शहरी व ग्रामीण विभागातील "अ", "ब", "क","ड" वर्गातील उत्कृष्ट शासनमान्य सार्वजनिक ग्रंथालयांना अनुक्रमे १ लक्ष रू., ७५ हजार रु., ५० हजार रू. व २५ हजार रू. अशी रोख रक्कम, सन्मानचिन्ह, प्रमाणपत्र आणि ग्रंथभेट देऊन गौरविण्यात येते. राज्यातील एक राज्यस्तरीय उत्कृष्ट ग्रंथालय कार्यकर्ता व एक राज्यस्तरीय उत्कृष्ट ग्रंथालय सेवक यांना प्रत्येकी ५० हजार रू. तसेच र...

 जिल्ह्यात पुढील तीन दिवस पाऊस हवामान केंद्राचा अंदाज अकोला, दि. 28 : जिल्ह्यात आजपासून दि. 30 ऑगस्टपर्यंत पाऊस पडण्याची शक्यता नागपूरच्या प्रादेशिक हवामान केंद्राने वर्तवली आहे. पावसामुळे नदी, नाले व तळ्यांतील पाणीसाठ्यात वाढ झाली. त्यामुळे पाण्यात शिरण्याचे अनावश्यक धाडस करू नये. अनावश्यकपणे पाण्यात जाण्याचे धाडस करू नये. नदीमध्ये वाहून जाणे किंवा बुडण्याची शक्यता आहे. पुर आलेल्या रस्त्यावरून गाडी चालविणे टाळावे. पाणीसाठ्याजवळ सेल्फी काढण्याचा मोह करू नये. वीज व पावसापासून बचावाकरिता सुरक्षित ठिकाणी आश्रय घेण्यात यावा. अशास्थितीत झाडाखाली आश्रय घेऊ नये. नदीकाठाजवळील गावातील ग्रामस्थांना सतर्कतेची सुचना देण्यात आले आहे, असे आवाहन करण्यात आले आहे.  ०००

    सावकाराकडे गहाण मिळकतीबाबत दावे दाखल करण्याचे आवाहन अकोला, दि. २८ : जुन्या शहरातील एका अवैध सावकाराकडे गहाण असलेल्या मिळकतीबाबत दावे दाखल करण्याचे आवाहन जिल्हा उपनिबंधक डॉ. प्रवीण लोखंडे यांनी केले आहे. जिल्हा उपनिबंधक कार्यालयातर्फे दि. ७ फेब्रुवारी २०२४ रोजी राबविलेल्या धाडसत्रात पप्पू उर्फ मनोज वानखडे (जयहिंद चौक, जुने शहर) विनापरवाना सावकारी करताना आढळल्याने कारवाई करण्यात आली. त्यांच्याकडे ज्या व्यक्तींनी कर्जाचे तारण म्हणून मालमत्ता गहाण ठेवली होती, त्यांनी लेखी दावा आवश्यक पुराव्यासह करावा. कर्जदाराचे निधन झाले असल्यास वारसांनी दावा करावा. अशा संबंधित व्यक्तींनी जिल्हा उपनिबंधक, सहकारी संस्था, सहकार संकुल, आदर्श कॉलनी, अकोला येथे दि. ९ सप्टेंबर रोजी सकाळी १०.३० वा. ते सायंकाळी ५.३० वा. या वेळेत मालमत्तेच्या कागदपत्रांची पाहणी करावी आणि दि. १० सप्टेंबर ते १९ सप्टेंबर दरम्यान मालमत्तेबाबत दावे सादर करावेत. त्यानंतर आलेल्या दाव्यांचा विचार होमार नाही व मालमत्ता शासनाकडे जमा होईल, असे जिल्हा उपनिबंधकांनी कळवले आहे. ०००

  ‘नाफेड’च्या खरेदी प्रक्रियेत ई-पीक पाहणी आवश्यक अकोला, दि. २८ : केंद्र शासनाने चालू हंगामासाठी निश्चित केलेल्या आधारभूत दरानुसार राज्य सहकारी पणन महासंघ व एनसीसीएफतर्फे मूग, उडीद, सोयाबीन, तूर आदी कडधान्य व तेलबियांची खरेदी करण्यात येईल. या प्रक्रियेसाठी शेतक-यांकडे ई-पीक पाहणी असलेला सातबारा उतारा आवश्यक आहे, असे जिल्हा पणन अधिकारी एम. जी. काकडे यांनी सांगितले.   संपूर्ण खरेदी प्रक्रिया पारदर्शक, कार्यक्षम व संपूर्णपणे ऑनलाईन पद्धतीने पार पाडण्यात येईल. केंद्र शासनाच्या आधारभूत किंमत खरेदी योजनेचा लाभ घेण्यासाठी शेतकरी बांधवांनी आपल्या पिकांची ई-पाहणी शासनाने दिलेल्या कालावधीत पूर्ण करावी, असे आवाहन श्री. काकडे यांनी केले. ०००

जिल्हा  लोकशाहीदिन व दिव्यांग लोकशाहीदिन मंगळवारी अकोला, दि. २८ : लोकशाहीदिन व दिव्यांग लोकशाहीदिन मंगळवार, दि. २ सप्टेंबर रोजी दु. ३ वा. लोकशाही सभागृहात होणार आहे. दर महिन्याच्या पहिल्या सोमवारी जिल्हास्तरीय लोकशाहीदिन व दिव्यांग लोकशाहीदिनाचे आयोजन करण्यात येते. तथापि, या सप्टेंबरमधील पहिल्या सोमवारी दि. १ सप्टेंबर रोजी स्थानिक सुट्टी असल्याने लोकशाहीदिन २ सप्टेंबरला होणार आहे. नागरिकांनी जिल्हा लोकशाहीदिनासाठी तक्रार तालुका लोकशाहीदिनानंतर विहित नमुन्यात व आवश्यक कागदपत्रांसह  लोकशाहीदिनाच्या १५ दिवस आधी दोन प्रतीत पाठविणे आवश्यक असते. ०००  

  अकोला, दि . २७ : जिल्हा क्रीडा अधिकारी कार्यालय व जिल्हा क्रीडा परिषद यांच्यातर्फे हॉकीचे महान खेळाडू मेजर ध्यानचंद यांचा जन्म दिवस दि.२९ ऑगस्ट हा राष्ट्रीय क्रीडा दिन म्हणून साजरा करण्यात येत असून, विविध कार्यक्रम होणार आहेत. राज्यामध्ये क्रीडा व खेळाचा प्रचार व प्रसार व्हावा, शहरी व ग्रामीण भागातील नागरिकापर्यंत क्रीडा व खेळाचे महत्व पोहचविणे, निरोगी राहण्याचा संदेश जावा, युवक व युवतींमध्ये क्रीडा विषयक वातावरण निर्माण व्हावे. क्रीडा संस्कृतीचे संवर्धन व जतन व्हावे यासाठी विविध उपक्रम राष्ट्रीय क्रीडा दिनाच्या निमित्ताने विविध कार्यक्रमाचे आयोजन करण्यात येत आहे. दि. २९ ऑगस्ट सकाळी ७.३० वाजता राष्ट्रीय क्रीडा दिनाचे उद्घाटन व खेळाडूंच्या रॅलीचे आयोजन, सकाळी ९ वाजता विविध खेळाचे प्रदर्शनीय सामने, सायंकाळी राष्ट्रीय व आंतरराष्ट्रीय पदक विजेते खेळाडूंचा सत्कार, दि.३० ऑगस्ट रोजी सकाळी ७.३० ते ८.३० वाजता मॅरेथॉन चे आयोजन, सकाळी ९.०० वाजता विविध खेळाचे प्रदर्शनीय सामने, सायंकाळी विद्यार्थी, खेळाडू, नागरिकांकरीता, मिशन ऑलिंपिक गेम गोल्ड अकोला महाराष्ट्रतर्फे खेळाडूंचा समतोल आहार या विष...

    कीटकनाशक फवारणी दक्षतेबाबत कृषी विभागाची जनजागृती मोहिम जिल्हाधिका-यांच्या हस्ते शुभारंभ अकोला, दि. २५ : पिकांवर कीटकनाशक फवारणी करताना घ्यावयाच्या काळजीबाबत कृषी विभागामार्फत विशेष जनजागृती मोहिम राबविण्यात येत असून, त्याअंतर्गत चित्ररथाचा जिल्हाधिकारी वर्षा मीना यांच्या हस्ते हिरवी झेंडी दाखवून शुभारंभ आज झाला.   जिल्हा अधिक्षक कृषी अधिकारी शंकर किरवे, कृषी विकास अधिकारी महेंद्र साल्के आदी उपस्थित होते. फवारणीदरम्यान विषबाधा रोखण्यासाठी शेतकऱ्यांनी कोणती काळजी घ्यावी, याबाबत सहजसुलभ भाषेत शेतक-यांना माहिती द्यावी, असे निर्देश जिल्हाधिका-यांनी यावेळी दिले. फवारणी करताना घ्यावयाच्या काळजीबाबत जनजागृती व कार्यवाहीबाबत बैठकीतही सूचना देण्यात आल्या. कीटकनाशक फवारणी करताना शेतकऱ्यांनी सुरक्षा साधने वापरणे बंधनकारक आहे. यामध्ये हातमोजे, डोळ्यांसाठी चष्मा, तोंडावर मास्क आणि संपूर्ण शरीर झाकणारे अॅप्रॉन यांचा समावेश आहे. ही साधने वापरल्यास कीटकनाशकांचा त्वचेशी थेट संपर्क टाळता येतो.   शेतकऱ्यांनी सकाळच्या किंवा संध्याकाळच्या वेळीच फवारणी करावी. कडक उन्हा...

 महाराष्ट्र राज्य उत्कृष्ट सार्वजनिक गणेशोत्सव मंडळ  स्पर्धेसाठी अर्ज सादर करण्यास मंगळवारपर्यंत मुदतवाढ अकोला, २५: राज्य शासनाच्यावतीने या वर्षीपासून महाराष्ट्रातील गणेशोत्सव हा महाराष्ट्राचा राज्य उत्सवः म्हणून साजरा करण्यात येत आहे. या राज्य उत्सवाअंतर्गत आयोजित करण्यात आलेल्या महाराष्ट्र राज्य उत्कृष्ट सार्वजनिक गणेशोत्सव मंडळ स्पर्धा २०२५' च्या अर्ज सादर करण्याच्या अंतिम तारखेस मुदतवाढ देण्यात आल्याची घोषणा राज्याचे सांस्कृतिक कार्यमंत्री अॅड. आशिष शेलार यांनी केली आहे. या स्पर्धेत जिल्ह्यातील अधिकाधिक मंडळांनी सहभागी व्हावे असे आवाहन जिल्हाधिकारी वर्षा मीना यांनी केले आहे. अधिकाधिक मंडळांना सहभागी होता यावे, यासाठी आता अर्ज सादर करण्याची अंतिम तारीख  दि. २६ ऑगस्ट २०२५ असेल. या स्पर्धेचे अर्ज https://ganeshotsav.pldmka.co.in या संकेतस्थळावर उपलब्ध ऑनलाइन पोर्टलद्वारे स्वीकारले जाणार आहेत. या स्पर्धेत अधिकाधिक मंडळांनी सहभागी होऊन तालुकास्तरीय, जिल्हास्तरीय व राज्यस्तरीय पारितोषिके जिंकण्याचा लाभ घ्यावा असे आवाहन जिल्हा प्रशासनाने केले आहे.

  फलोत्पादन विकास अभियानात आता औषधी व सुगंधी वनस्पतीचा समावेश अकोला, दि. 25 :    एकात्मिक फलोत्पादन विकास अभियानात आता औषधी व सुगंधी वनस्पतीचा समावेश करण्यात आला आहे.    शेतकऱ्यांकडून अनुदानासाठी अर्ज स्वीकारण्यास सुरुवात झाली आहे.    औषधी वनस्पतींच्या लागवडीसाठी अनुदान अभियानात अनुदानासाठी शेतकरी ज्येष्ठमध, मुलेठी, शतावरी, कलिहारी, सफेद मुसळी, गुग्गूळ, मंजिष्ठा, कुटकी, अतिस, जटामासी, अश्वगंधा, ब्राम्ही, तुलसी, विदारीकंद, पिंपळी, चिराटा, पुष्करमूळ आदी औषधी वनस्पतींची लागवड करू शकतात. लागवडीचा मापदंड प्रतिहेक्टरी दीड लाख रू. आहे. सर्वसाधारण क्षेत्रासाठी 40 टक्के आणि अधिसूचित क्षेत्रांसाठी 50 टक्के अर्थसाह्य, लागवड साहित्य मिळते. जास्तीत जास्त 2 हेक्टर क्षेत्रासाठी अनुदान मंजूर होईल. महाग सुगंधी वनस्पतीसाठी अनुदानाची तरतूद गुलाब, रोझमेरी, निशिगंध, जिरेनियम, कॅमोमाईल, चंदन, दवणा, जाई, लॅव्हेंडर यासारख्या महागड्या सुगंधी वनस्पतींची लागवड करण्यासाठी देखील अनुदान उपलब्ध आहे. प्रतिहेक्टरी 1 लाख 25 हजार रू. याप्रमाणे मापदंड असून, सर्वसाधारण क्षेत्रामध्ये 40 टक...

  सामूहिक शेततळ्यासाठी अर्ज करण्याचे आवाहन अकोला, दि. २५ : एकात्मिक फलोत्पादन विकास अभियानात सामूहिक शेततळे व वैयक्तिक शेततळे अस्तरीकरणासाठी अनुदान मिळण्यासाठी इच्छूकांनी अर्ज करण्याचे आवाहन जिल्हा अधिक्षक कृषी अधिकारी शंकर किरवे यांनी केले आहे. सामूहित शेततळ्यांत ५ हजार घ. मी. तळ्यासाठी सर्वसाधारण क्षेत्रात ३ लक्ष व अधिसूचित क्षेत्रात ३.७५ लक्ष रू. अर्थसाह्य देय आहे. ३ हजार ५०० घ. मी. तळ्यासाठी सर्वसाधारण क्षेत्रात   २.१० लक्ष व अधिसूचित क्षेत्रात २.६२ लक्ष रू. अर्थसाह्य देय आहे.२ हजार घ.मी. तळ्यासाठी सर्वसाधारण क्षेत्रात १.२० लक्ष व अधिसूचित क्षेत्रात १.५० लक्ष रू. अर्थसाह्य देय आहे. ५०० घ. मी. तळ्यासाठी सर्वसाधारण क्षेत्रात ३० हजार व अधिसूचित क्षेत्रात ३७ हजार रू. अर्थसाह्य देय आहे. वैयक्तिक शेततळे अस्तरीकरणासाठी खर्चाच्या ५० टक्के किंवा जास्तीत जास्त ७५ हजार रू. साह्य दिले जाईल. इच्छूकांनी महाडीबीटी पोर्टलवर सीएससी केंद्रामार्फत किंवा वैयक्तिकरीत्या ऑनलाईन नोंद करून योजनेचा लाभ घ्यावा. अधिक माहितीसाठी कृषी सहायक, तालुका कृषी अधिकारी कार्यालयाशी संपर्क साधावा. ०००...

  अकोला, दि. 22 : महाराष्ट्र राज्य इतर मागासवर्गीय वित्त आणि विकास महामंडळ मर्या.मार्फत इतर मागासवर्गीय महामंडळाच्या थकीत कर्ज प्रकरणात संपूर्ण थकीत कर्ज रक्कमेचा एकरकमी भरणा करणाऱ्या लाभार्थीस थकीत व्याज रक्कमेत 50 टक्के सवलत देण्याबाबतची एकरकमी परतावा (ओटीएस) योजना दि. 31 मार्च 2026 पर्यंत राबविण्यात येत आहे. त्यानुसार महामंडळाच्या थकबाकीदार लाभार्थींनी सदर योजनेचा लाभ घेऊन कर्जमुक्त व्हावे, असे आवाहन जिल्हा व्यवस्थापक यांनी केले आहे.

  शांघाय येथे पुढील वर्षी आयोजन तरूणांना जागतिक कौशल्य स्पर्धेमध्ये सहभागी होण्याची सुवर्णसंधी अकोला, दि. 22 : जागतिक कौशल्य स्पर्धेत २३ वर्षांखालील तरूणांना कौशल्य सादरीकरणाची संधी मिळते. पुढील वर्षी ही स्पर्धा शांघाय येथे होणार असून, कौशल्य विकास विभागातर्फे त्यासाठी नामांकने पाठविण्यात येणार आहेत. जिल्ह्यातून अधिकाधिक तरूणांनी सहभागी होण्याचे सहायक आयुक्त प्रफुल्ल शेळके यांनी केले आहे.   ही स्पर्धा दर दोन वर्षांनी होते. ही जगातील सर्वात मोठी व्यावसायिक शिक्षण आणि कौशल्य उत्कृष्टता स्पर्धा असून ही जगभरातील २३ वर्षाखालील तरुण सहभागी होतात. कौशल्य क्षेत्रातील ही ऑलिंपिक स्पर्धाच आहे. २०२६ मध्ये शांघाय येथे स्पर्धा होणार असून, त्याच्या पूर्वतयारीच्या दृष्टीने जिल्हा, विभाग, राज्य आणि देशस्तरावर स्पर्धा घेण्यात येत आहे. या स्पर्धांतून निवडलेल्या गुणवान कौशल्यधारकांची नावे जागतिक नामांकनासाठी पाठविण्यात येणार आहेत.   सर्व शासकीय आणि खासगी औद्योगिक प्रशिक्षण संस्था, एमएसएमई टूल रुम्स, सिपेट, आयआयटी, अभियांत्रिकी महाविद्यालये, तंत्रनिकेतन महाविद्यालये, हॉस्पिटिलिटी...

  व्यावसायिक अभ्यासक्रमाच्या विद्यार्थ्यांना वसतिगृह प्रवेशासाठी १५ सप्टेंबरपर्यंत मुदत अकोला, दि. 22 : सामाजिक न्याय व विशेष सहाय्य विभागाच्या डॉ. बाबासाहेब आंबेडकर मागासवर्गीय मुलांच्या शासकीय वसतिगृहात   व्यावसायिक अभ्यासक्रमाच्या विद्यार्थ्यांना प्रवेशासाठी ऑनलाईन अर्ज भरण्याची प्रक्रिया सुरू झाली आहे. अर्जासाठी मुदत १५ सप्टेंबरपर्यंत आहे. अकोल्याचे रहिवाशी नसलेल्या परंतु अकोला मनपा हद्दीतील महाविद्यालयात प्रवेश घेतलेल्या किंवा घेऊ इच्छिणाऱ्या जास्तीत जास्त होतकरू मागासवर्गीय विद्यार्थ्यांनी अर्ज करावे, असे आवाहन डॉ. बाबासाहेब आंबेडकर मागासवर्गीय मुलांचे शासकीय वसतिगृहाचे गृहपाल एस. एस. लव्हाळे यांनी केले आहे.   ऑनलाईन प्रवेश अर्ज करण्यासाठी लिंक : https://hmas.mahait.org     ०००

  जात पडताळणीचे कार्यालय आता सामाजिक न्यायभवनात अकोला, दि. २२ : जिल्हाधिकारी कार्यालयाच्या परिसरात असलेले जिल्हा जात प्रमाणपत्र पडताळणी समितीचे कार्यालय आता डॉ. बाबासाहेब आंबेडकर सामाजिक न्यायभवनात स्थलांतरित करण्यात आले आहे. जात प्रमाणपत्र पडताळणीसाठी अर्ज करणा-या विद्यार्थी व व्यक्तींनी आपले समितीच्या नव्या जागेतील कार्यालयात सादर करावेत, असे आवाहन समितीचे अध्यक्ष जितेंद्र काकुस्ते, उपायुक्त अमोल यावलीकर, सदस्य सचिव मनोज मेरत यांनी केले आहे. ०००

  तंबाखू जाहिरात प्रतिबंध व व्यापार, उत्पादन विनिमय कायद्याविषयी कार्यशाळेत मार्गदर्शन अकोला, दि. २२ : आरोग्य विभागातर्फे नियोजनभवनात   आज आयोजित कार्यशाळेत तंबाखूजन्य पदार्थांचे दुष्परिणाम व तंबाखू उत्पादने जाहिरात प्रतिबंध, व्यापार उत्पादन, पुरवठा व वितरण कायद्याविषयी मार्गदर्शन करण्यात आले. विविध कार्यालयांच्या अधिकारी व कर्मचा-यांसाठी जिल्हा शल्यचिकित्सक कार्यालयातर्फे ही कार्यशाळा घेण्यात आली. जिल्हा शल्यचिकित्सक डॉ. आरती कुलवाल, जिल्हा आरोग्य अधिकारी डॉ. बळीराम गाढवे, निवासी वैद्यकीय अधिकारी डॉ. सऊद देशमुख, शिक्षणाधिकारी रतनसिंग पवार आदी उपस्थित होते. कर्करोग तज्ज्ञ डॉ. प्रसाद सोर यांनी तंबाखूजन्य पदार्थांचे दुष्परिणाम व त्यापासून सुटकेसाठी जीवनशैलीत आवश्यक बदल याविषयी शास्त्रीय माहिती दिली. मराठवाडा ग्रामीण विकास संस्थेच्या डॉ. निकिता गायकवाड यांनी तंबाखूमुक्त कार्यालय या संकल्पनेबाबत सविस्तर माहिती दिली. डॉ. प्रीती कोगदे यांनी कायद्याबाबत मार्गदर्शन केले. डॉ. शीतल म्हस्के यांनी सूत्रसंचालन केले. धम्मसेन शिरसाठ यांनी आभार मानले. जानराव अवघड, सय्यद आरिफ, रीना च...

  अकोला, दि. 22 :  भारतीय सैन्यदल ,  नौदल ,  व वायुदलामध्ये अधिकारी पदावर भरती होण्यासाठी पात्र उमेदवारांना  सर्व्हिस सिलेक्शन बोर्ड  या परीक्षेची पूर्व तयारी करून घे ण्या साठी छात्रपूर्व प्रशिक्षण केंद्र ,  नाशिक रोड ,  नाशिक येथे महाराष्ट्र शासनातर्फे महाराष्ट्रातील नवयुवक व युवतीसाठी दि. 22  सप्टेंबर ते ०१ ऑक्टोबर २०२५ या कालावधीत  एसएसबी  कोर्स क्र .  ६२ आयोजित करण्यात येत आहे. या  कोर्ससाठी प्रशिक्षणार्थीची निवास ,  भोजन  व  प्रशिक्षणाची निःशुल्क सोय करण्यात आली आहे. इच्छुक उमेदवारांनी सैन्य दलातील अधिकारी पदाची संधी उपभोगण्यासाठी जिल्हा सैनिक कल्याण कार्याल यात  दि .  १६ सप्टेंबर रोजी मुलाखतीस हजर राहावे. मुलाखतीस येतेवेळी उमेदवारांनी सैनिक कल्याण विभाग  (डीएसडब्लू)  पुणे यांची वेबसाईट  www.mahasainik.maharashtra. gov.in   या संकेत स्थळावर सर्च करून त्यामधील  एसएसबी - 62  कोर्सेसाठी किंवा  वॉ टसअप  क्र.  ९१५६०७३३०६ वर संबंधित प्रवेश पत्र व प रि शिष...

  ज्ञानज्योती सावित्रीबाई फुले आधार योजनेचा लाभ घेण्याचे आवाहन अकोला, दि. 21 : ज्ञानज्योती सावित्रीबाई फुले आधार योजना सन २०२५-२६ पासून कार्यान्वित करण्यात आली असून दि. २७ ऑगस्ट २०२५ पर्यंत सदर योजनेचा लाभ घेण्यासाठी अर्ज ऑनलाईन पद्धतीने स्विकारण्यात येत आहे. इयत्ता १२ वी नंतरच्या व्यावसायिक तसेच बिगर व्यायसायिक अभ्यासक्रमामध्ये प्रवेश घेतलेल्या परंतू इतर मागास बहुजन कल्याण विभागाच्या, आदिवासी विकास विभागाच्या, सामाजिक न्याय विभागाच्या किंवा संबंधीत शैक्षणिक संस्थेच्या वसतिगृहामध्ये मोफत प्रवेश मिळालेला नसावा. अशा इतर मागासवर्ग, विमुक्त जाती व भटक्या जमाती आणि विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी भोजन भत्ता, निवास भत्ता व निर्वाह भत्ता या विद्यार्थ्यांना स्वतः उपलब्ध करून घेण्यासाठी आवश्यक रक्कम संबंधीत विद्यार्थ्यांचे आधार संलग्न बँक खात्यामध्ये थेट वितरीत करण्यासाठी शासनाने ज्ञानज्योती सावित्रीबाई फुले आधार योजना सुरू केली आहे. सदर अर्ज hmas.mahait.org या संकेतस्थळावर ऑनलाईन पद्धतीने स्विकारण्यात येतील. अटी व शर्ती : विद्यार्थी वसतीगृह प्रवेशास प...

    ई-पीक पाहणीसाठी पिकांची ॲपमध्ये नोंद करावी -         जिल्हा प्रशासनाचे आवाहन अकोला, दि. 21 : ई-पीक पाहणीसाठी शेतक-यांना डीसीएस मोबाईल अॅपद्वारे सातबारा उताऱ्यावर शेतात लागवड केलेल्या खरीप पिकांची नोंदणी करता येते. या ॲपचे सुधारित व्हर्जन (डीसीएस ॲप ४.०.०) आले असून, शेतक-यांनी ते आपल्या मोबाईलमध्ये अद्ययावत करून घ्यावे, असे आवाहन करण्यात आले आहे. हे ॲप गुगल प्ले स्टोअरला उपलब्ध आहे. केंद्र शासनाच्या धोरणानुसार काही तांत्रिक सुधारणा करून ते नवीन रूपात उपलब्ध करून देण्यात आले आहे. यामुळे आता यापुढे 100 टक्के ई-पीक पाहणी संपूर्ण महाराष्ट्रात होणार असल्याची माहिती महसूल प्रशासनाने दिली.   पीक पाहणीत शेतक-यांनी स्वत: पिकांची या ॲपमध्ये नोंद करणे आवश्यक आहे. त्याची मुदत दि. 14 सप्टेंबरपर्यंत आहे. शेतकरी बांधवांनी स्वतः पिकांची नोंद या अॅपद्वारे करणे आवश्यक आहे. ज्या शेतकऱ्यांनी पीक पाहणीची नोंद केली नाही, त्यांची कार्यवाही तलाठ्यांमार्फत करण्यात येत होती. आता या प्रक्रियेतही बदल झाला आहे. आता ई-पीक पाहणी करण्यासाठी सहायकांची नेमणू...

  राज्य नाट्य स्पर्धेतील पारितोषिक रकमा ,  नाट्यनिर्मिती खर्च आणि दैनिक भत्त्यात दुपटीने वाढ - सांस्कृतिक कार्य मंत्री ॲड. आशिष शेलार   मुंबई ,  दि. २१ : सांस्कृतिक कार्य संचालनालयातर्फे घेण्यात येणाऱ्या राज्य नाट्य स्पर्धेत सहभागी झालेल्या संस्थांना नाटक सादर केल्यानंतर नाट्यनिर्मितीसाठी जो खर्च देण्यात येतो ,  तसेच नाट्यसंस्थेस मूळ ठिकाणाहून दुसऱ्या केंद्रावर नाटक सादर केल्यास त्या कलाकारांना दैनिक भत्ता देण्यात येतो. या सर्व रकमांमध्ये दुपटीने वाढ करण्याचा निर्णय सांस्कृतिक कार्य मंत्री ॲड. आशिष शेलार यांनी घेतला असून याबाबतचा शासन निर्णय आज निर्गमित करण्यात आला आहे. सांस्कृतिक कार्य संचालनालयाच्यावतीने दरवर्षी महाराष्ट्र राज्य नाट्य स्पर्धेचे आयोजन करण्यात येते. राज्य नाट्य स्पर्धेच्या अंतर्गत हौशी मराठी ,  हिंदी ,  संगीत ,  संस्कृत ,  बालनाट्य ,  दिव्यांग बालनाट्य व व्यावसायिक नाट्य स्पर्धांचे आयोजन करण्यात येते. राज्य नाट्य स्पर्धेत सहभागी झालेल्या संस्था व कलाकारांना रोख रकमेची पारितोषिके प्रदान करण्यात येतात. तसेच स्पर्धेत सहभागी...

  इमाव बहुजन कल्याण विभागातर्फे पं. दीनदयाळ उपाध्याय स्वयम योजना अकोला, दि. 21 : पंडित दिनदयाल उपाध्याय स्वयम योजनेसाठी दि. २७ ऑगस्टपूर्वी ऑनलाईन अर्ज करण्याचे आवाहन इतर मागास बहुजन कल्याण विभागाच्या सहायक आयुक्त डॉ. अनिता राठोड यांनी केले आहे. इयत्ता १२ वी नंतरच्या व्यावसायिक तसेच बिगर व्यायसायिक अभ्यासक्रमामध्ये प्रवेश घेतलेल्या, परंतू शासनाच्या किंवा संबंधीत शैक्षणिक संस्थेच्या वसतिगृहामध्ये मोफत प्रवेश मिळालेला नसावा. अशा इतर मागासवर्ग, विमुक्त जाती व भटक्या जमाती आणि विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी भोजन भत्ता, निवास भत्ता व निर्वाह भत्ता या विद्यार्थ्यांना स्वतः उपलब्ध करून घेण्यासाठी आवश्यक रक्कम संबंधीत विद्यार्थ्यांचे आधार संलग्न बँक खात्यामध्ये थेट वितरीत करण्यासाठी शासनाने पंडित दिनदयाल उपाध्याय स्वयमयोजना सुरू केली आहे. अर्ज hmas.mahait.org या संकेतस्थळावर ऑनलाईन पद्धतीने स्विकारण्यात येतील. 00000  

    इमाव बहुजन कल्याण वसतिगृहात प्रवेश सुरू अकोला, दि. २१ : इतर मागास बहुजन कल्याण विभागातर्फे प्रत्येकी १०० क्षमतेच्या मुलांच्या व मुलींच्या वसतिगृहात ऑनलाईन प्रवेश प्रक्रिया सुरू करण्यात आली आहे. विभागाचे मुलींसाठीचे वसतिगृह माधवनगर, संत तुकाराम चौकाजवळ, गोरक्षण रस्ता येथे आहे. मुलांसाठीचे वसतिगृह शुभमंगल, बिर्ला रस्ता, तापडियानगर येथे आहे. ‘एचएमएएस.एमएएचएआयटी.ओआरजी’ या संकेतस्थळावर अर्ज करता येईल. इतर मागास प्रवर्ग, विमुक्त जाती, भटक्या जमाती व विशेष मागास प्रवर्ग या प्रवर्गातील व्यावसायिक व बिगर व्यावसायिक शिक्षण घेणा-या अधिकाधिक विद्यार्थ्यांनी लाभ घ्यावा, असे आवाहन सहायक संचालक डॉ. अनिता राठोड यांनी केले आहे. वसतिगृह प्रवेशापासून वंचित असलेल्या विद्यार्थ्यांना ज्ञानज्योती सावित्रीबाई फुले आधार योजना व पं. दीनदयाळ उपाध्याय स्वयम योजनेचा लाभ घ्यावयाचा असल्यास शासकीय वसतिगृहात ऑनलाईन अर्ज भरणे अनिवार्य आहे, असेही डॉ. राठोड यांनी स्पष्ट केले आहे. ०००

  पालकमंत्र्यांच्या हस्ते गुरूवारी दिव्यांगांना ‘जयपूर फूट’ वितरण जि. प. कर्मचारीभवनात होणार कार्यक्रम अकोला, दि. २० : लोकनेते स्व. भाऊसाहेब फुंडकर यांच्या जयंतीनिमित्त इंडियन रेडक्रॉस सोसायटीतर्फे राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांच्या हस्ते दिव्यांग बांधवांना विनामूल्य कृत्रिम अवयव (जयपूर फूट) वितरण शिबिर उद्या, दि. २१ ऑगस्ट रोजी दु. ४ वा. जि. प. कर्मचारीभवन येथे होणार आहे. पालकमंत्री ॲड. फुंडकर यांचा दौरा पुढीलप्रमाणे : दु. ४ वा. अकोला येथे आगमन व इंडियन रेडक्रॉस सोसायटीच्या विनामूल्य कृत्रिम अवयव वाटप शिबिराला उपस्थिती, त्यानंतर अकोला येथून खामगावकडे प्रयाण. सायंकाळी ७ वा. खामगाव येथे आगमन व लोकनेते स्व. भाऊसाहेब फुंडकर यांच्या जयंतीनिमित्त विविध लोकार्पण कार्यक्रमास उपस्थिती. ०००    

  अकोला, दि २०: अकोला जिल्ह्याच्या नव्या जिल्हाधिकारी वर्षा मीना यांनी बुधवारी दुपारी जिल्हाधिकारी पदाची सुत्रे स्वीकारली. श्रीमती मीना यांनी जिल्हाधिकारी म्हणून पदभार स्वीकारताच विविध विभागप्रमुखांची ओळख करुन घेतली. तसेच जिल्हाधिकारी कार्यालयातील विविध विभागांची पाहणी केली. जिल्हाधिकारी यांनी कार्यालयाची नवीन इमारत, जिल्हा नियोजनभवन, उपाहारगृह, अभिलेखागार व  विविध कार्यालयाची पाहणी केली यावेळी अपर जिल्हाधिकारी महेश परंडेकर, निवासी उपजिल्हाधिकारी विजय पाटील, उपजिल्हाधिकारी निखिल खेमनार, जोगेंद्र कट्यारे उपविभागीय अधिकारी डॉ शरद जावळे, जिल्हा सूचना विज्ञान अधिकारी अनिल चिंचोले, तहसीलदार सुरेश कव्हळे आदी उपस्थित होते. ०००

  अकोला, दि २० : माजी पंतप्रधान भारतरत्न राजीव गांधी यांची जयंती सद्भावना दिन म्हणून पाळली जातो. त्यानिमित्त जिल्हाधिकारी कार्यालयात सद्भावना दिवस शपथ घेण्यात आली अपर जिल्हाधिकारी महेश परांडेकर, निवासी उपजिल्हाधिकारी विजय पाटील, उपजिल्हाधिकारी जोगेंद्र कट्यारे आदी उपस्थित होते