रोजगार मेळाव्याद्वारे २६० पदे भरणार

रोजगार मेळाव्याद्वारे २६० पदे भरणार

अकोला, दि. १९ : जिल्हा कौशल्य विकास, रोजगार व उद्योजकता मार्गदर्शन केंद्रातर्फे पं. दीनदयाळ उपाध्याय रोजगार मेळावा शुक्रवारी (२१ मार्च) स. १० वा. रतनलाल प्लॉट येथील शासकीय औद्योगिक प्रशिक्षण संस्थेत होणार आहे. त्यात विविध नामांकित कंपन्यांतील २६० पदे भरण्यात येतील, असे सहायक रोजगार आयुक्त प्रफुल्ल शेळके यांनी सांगितले.

अकोला येथे भारतीय जीवन विमा निगमकडून विमा सखी योजनेत २० पदे भरली जाणार असून, २५ ते ६५ दरम्यान वय असलेल्या बारावी उत्तीर्ण उमेदवारांना अर्ज करता येईल. रौनक एलईडी बल्ब या आस्थापनेत ५ जागांसाठी बारावी उत्तीर्ण उमेदवारांना अर्ज करता येईल. छत्रपती संभाजीनगर येथील नवभारत फर्टिलायझर्स येथे ४० जागा भरण्यात येत असून, १८ ते ३५ वयोगटातील दहावी, बारावी, पदवीधर, कृषी पदविका किंवा पदवीधर आदी पात्रता असलेल्या उमेवारांना अर्ज करता येईल.

पुणे येथील एसएस इन्फोटेक येथे १६० पदांची मागणी आहे. १८ ते ४० वयोगटातील दहावी, बारावी, पदविकाधारक, पदवीधरांना अर्ज करता येईल. त्याचप्रमाणे, मुख्यमंत्री युवा कार्यप्रशिक्षण योजनेत विविध महाविद्यालयांतील ३५ पदांसाठी बारावी, पदवीधर, एमएससीआयटी उत्तीर्ण आदी पात्रताधारकांना अर्ज करता येतील.

विभागाच्या महास्वयम या पोर्टलवर नोंदणी करून इच्छूकांनी कागदपत्रांसह दि. २१ मार्च रोजी आयटीआय येथे उपस्थित राहावे. अधिक माहितीसाठी कार्यालयाच्या (०७२४) २४३३८४९ किंवा ८९८३४१९७९९ या भ्रमणध्वनी क्रमांकावर संपर्क साधावा.

०००