झारखंडमधून हरवलेली महिला स्वत:च्या जिल्ह्यात पोहोचली महिला राज्यगृह व स्वयंसेवी संस्थांचे सहकार्य
झारखंडमधून हरवलेली महिला स्वत:च्या जिल्ह्यात पोहोचली
महिला राज्यगृह व स्वयंसेवी संस्थांचे सहकार्य
अकोला, दि. 3 : झारखंडमधून हरवलेल्या महिलेला तिच्या स्वत:च्या जिल्ह्यात पाठवून कुटुंबापर्यंत पोहोचविण्यापर्यंत महिला राज्यगृह व स्वयंसेवी संस्थांना यश मिळाले आहे.
निराधार, निराश्रित, हरवलेल्या व पिडीत महिलांसाठी शासकीय महिला राज्यगृह ही संस्था काम करते. वाशिम जिल्ह्यातील कारंजा येथे एक महिला भटकत असताना पोलीसांना एका वर्षापूर्वी आढळून आले. पोलीसांनी या महिलेला खडकी येथील शासकीय महिला राज्यगृहात दाखल केले.
ही साधारणत: 45 वर्षांची महिला अतिशय कमी बोलणारी, तसेच तिची वर्तणूक काहीशी मतिमंदासारखी व परराज्यातील असल्या
गावाची माहिती मिळाल्यानंतर गुगलवर सर्च करून त्या गावातील शाळा, मंदिरे आदींची माहिती करून घेण्यात आली. त्या स्थळांची ओळख महिलेने दर्शवल्यानंतर सराईकेला जिल्ह्यातील ते गाव असल्याचे निश्चित झाले. त्यानंतर तेथील पोलीसांच्या माध्यमातून चौकशी करण्यात आली व महिलेच्या भावाशी संपर्क करण्यात आला. आपली आर्थिक परिस्थिती अत्यंत हलाखीची असल्याने महिलेला घेण्यासाठी येण्यास भावाने असमर्थता दर्शवली.
त्यामुळे तेथील पोलीसांशी पत्रव्यवहार करण्यात आला. तथापि, परराज्यातील महिला असल्याने विशेष परवानगीची गरज होती. या प्रक्रियेत कालावधी लागणार होता. त्यामुळे सेराईकेला येथील जिल्हा विधी सेवा प्राधिकरणाशी ई-मेलद्वारे संपर्क साधण्यात आला. त्यांचा प्रतिसाद मिळाल्यावर महिलेला स्वत:च्या जिल्ह्यात स्थलांतरित करण्याचे निश्चित झाले.
त्यासाठी चाईल्डलाईन यंत्रणा व जिल्हा बाल संरक्षण कक्षाची मदत घेण्यात आली. ‘चाईल्डलाईन’च्या समन्वयक हर्षाली गजभिये यांनी वैद्यकीय तपासणी करून घेणे, यंत्रणांशी समन्वय साधणे आदी जबाबदारी स्वीकारली. महिला व बालविकास अधिकारी गिरीश पुसदकर यांनी स्वत:कडून 10 हजार रू. प्रवासखर्चासाठी उपलब्ध करून दिले. पद्माकर सदानशिव, सुनील लाडूलकर यांचेही सहकार्य मिळाले.
‘चाईल्डलाईन’च्या अरूणाताई अंभोरे, रोहित धाक्रे, राजेश मनवर यांनी या महिलेला दि. 27 ऑक्टोबर रोजी सराईकेला येथील वन स्टॉप सेंटर येथे सर्व कागदपत्रांसह सुपुर्द केले. तेथील या महिलेला कुटुंबात किंवा नारी शक्ती केंद्रात पुनर्वसनासाठी पाठविले जाणार आहे. एका हरविलेल्या भगिनीला तिच्या मायभूमीत व कुटुंबाजवळ परत पाठवल्याबद्दल महिला व बालविकास कार्यालय, चाईल्डलाईन व जिल्हा बाल संरक्षण कक्षाच्या सहका-यांचे अभिनंदन होत आहे.
०००
टिप्पण्या
टिप्पणी पोस्ट करा