जिल्ह्यात दि.२० नोव्हेंबरपासून कुष्ठरुग्ण व क्षयरुग्ण शोध मोहीम
अकोला, दि. १० : राष्ट्रीय कुष्ठरोग निर्मूलन कार्यक्रम व राष्ट्रीय क्षयरोग दुरीकरण कार्यक्रमात जिल्ह्यात कुष्ठरुग्ण व क्षयरुग्ण शोध मोहीम दि.२० नोव्हेंबर ते ६ डिसेंबर या कालावधीत राबविण्यात येणार आहे. मोहिमकाळात नागरिकांनी कुष्ठरोग व क्षयरोगाबाबत तपासणी करून घ्यावी, असे आवाहन मुख्य कार्यकारी अधिकारी बी. वैष्णवी यांनी केले आहे.
जिल्ह्यातील १३ लक्ष ८३ हजार २९४ नागरिकांची कुष्ठरोग व क्षयरोगाबाबत तपासणी करण्याचे नियोजन असून, त्यासाठी १ हजार ४२ पथके नियुक्त करण्यात आली आहेत. मोहिमेत सर्वेक्षण करणाऱ्या कर्मचारी व पर्यवेक्षक यांचे प्रशिक्षण घेण्यात येत आहे. सर्व पथकांनी जास्तीस जास्त कुष्ठरुग्ण व क्षयरुग्ण शोधून त्यांना त्वरित उपचाराखाली आणावे, तसेच नागरिकांनीही तपासणीस सहकार्य करावे, असे आवाहन मुख्य कार्यकारी अधिकारी श्रीमती वैष्णवी यांनी केले आहे.
०००
टिप्पण्या
टिप्पणी पोस्ट करा